Спорт
Местеле натпревари – Шестмина Шпанци осудени и суспендирани

Шест шпански тенисери добија долги суспензии поради обвинувања за наместени натпревари. Тие се осудени пред шпанскиот суд за случајот на организирана криминална група. Сите шестмина ја признаа вината и добија двегодишни затворски казни. Според шпанскиот закон, казните до две години не се издржуваат во затвор, туку практично се условни.
Покрај шпанскиот суд, тенисерите добија и суспензии од Меѓународната агенција за интегритет во тенис (ИТИА), која оцени дека тоа е „едно од најголемите влијанија на организираниот криминал во тенисот“.
Суспензиите изречени за тенисерите се движат од седум до 22 години.
Марк Форнел-Мастерс, Хорхе Марсе-Видри, Карлос Ортега, Џејми Ортега, Маркос Торалбо и Педро Бернабе Франко од шпанскиот суд се казнети и парично со по 450 евра.
Значително се поголеми паричните казни што им ги изрече ИТИА.
Марк Форнел-Мастерс е казнет до 250.000 евра, но ќе плати само 50.000, Хорхе Марсе-Видра е казнет со 15.000, но ќе плати 5.000 евра. Останатите се казнети со вкупно 450.000 евра, но ќе бидат платени 60.000 евра.
На шестмината тенисери им е забрането да играат тенис и да доаѓаат на тениски натпревари или да бидат тренери во периодот додека се наоѓаат под суспензија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тиквеш и Скопје остануваат во прволигашкото друштво

Тиквеш и Скопје ќе бидат дел од Првата лига и следната сезона, а Воска и Беласица остануваат во единствената Втора лига.
Тиквеш со 4:1 ја совлада Воска Спорт, додека Скопје со 2:1 ја победи Беласица во бараж натпреварите за пополнување на Првата лига.
Тиквеш поведе со погодокот на Едиз Спахиу во 12. минута, а шест минути подоцна Иван Ивановски зголеми на 2:0. Изаир Емини пред одморот намали, но во 67. минута Благоја Љамчевски постигна убав гол од слободен удар. Спахиу со својот втор гол го потврди триумфот во 74.минута.
Скопје ја победи Беласица со 2:1 во Штип. Филип Јаневски беше двоен стрелец за прволигашот од Автокоманда, а Димитар Трајков погоди за Беласица.
Спорт
Луд пресврт на Манчестер Сити за титула во Премиерлигата

Манчестер Сити со неверојатен пресврт во второто полувреме стигна до победа од 3:2 и ја освои титулата во Премиерлигата. Илкај Гундоган влезе како резерва и постигна два гола, а и Родри беше стрелец за „граѓаните“. Астон Вила водеше со 0:2, со головите на Мати Кеш и на Кутињо.
Ливерпул славеше со 3:1 против Вулверхемптон, но остана без титула. „Волците“ поведоа со голот на Педро Нето, но Садио Мане израмни, а Салах и Робертсон донесоа триумф.
Тотенхем оди во Лигата на шампионите откако го победи Норич на гости со 0:5. Два гола постигна Хјонг – Мин Сон, кој е и најдобар стрелец во лигата, двапати стрелаше и Дејан Кулушевски, а погоди и Хари Кејн.
Лидс Јунајтед на гости го победи Брентфорд со 1:2 и обезбеди опстанок.
Арсенал со 5:1 го победи Евертон, но остана кус за ЛШ, а Кристал Палас го победи Манчестер Јунајтед со 1:0.
Спорт
Нови главоболки за Клоп: Се повреди и Тијаго Алкантара

Ливерпул се бори за шампионската титула во Премиер – лигата, се уште има огромна неизвесност, но Јирген Клоп има многу главоболки откако се повреди уште еден важен член на стартниот тим.
Фудбалерот за врска Тијаго Алкантара се повреди пред крајот на првото полувреме. Ова е само дополнување кон повредите на Мохамед Салах, Џибрил ван Дајк, Фабињо и на Џо Гомез.
Дополнителните лекарски прегледи ќе потврдат колку е сериозна повреда на Тијаго Алкантара и дали тој ќе може да игра во финалето на Лигата на шампионите.