Спорт
(Видео) „Ми извадија циста со големина на грејпфрут од вратот“

Една од најдобрите тенисерки на сите времиња, Серена Вилијамс (43) откри дека неодамна и била отстранета циста со големина на грејпфрут од вратот.
Сопственичката на 23 грен слем титули во видео на социјалната мрежа Тик Ток појасни дека во мај открила грутка на десната страна на вратот и дека со магнетна резонанца било утврдено дека е бенигна. Цистата на Серена не и била отстранета веднаш откако ја открила, туку дури откако пораснала.
@serena Back in May I found a lump showing on my neck. I immediately went to the doc got a mri and was told I have a brachial cyst. Have you ever heard of that? They said I don’t need to get it removed if I don’t want. So I did not get it but it kept growing. I decided to get more test and 3 test and one biopsy later everything is still negative but doctors advised I get it removed asap because it was the size of a small grapefruit and it could get infected or worse leak. So this is me removing it. I am feelimg so grateful, and fortunate everything worked out, and most of all I’m healthy. I still made it to American doll with Olympia as promised. And yes all is ok. 🙏🏿🙏🏿 #fyp #foryourpage #serenawilliams #mom ♬ original sound – Serenawilliams
„Открив голема маса на вратот и се згрозив. Направив неколку тестови и се беше негативно. На крајот морав да ја отстранам цистата, таа беше со големина на грејпфрут. Но, се успеа и јас сум многу среќена што се работев со прекрасни лекари. Сè уште се опоравувам, но се чувствувам добро. Здравјето е на прво место“, објави Серена Вилијамс.
Серена Вилијамс ја освои својата прва Гренд слем титула на Ју-ес опен во 1999 година, а последната во 2017 година на Австралија Опен, кој го освои седум пати. Таа исто така освои седум Вимблдони, шест Ју-ес опен и три Ролан Гаро. Вкупно, таа освои 73 турнири во кариерата и помина дури 319 недели на врвот на ВТА ранг-листата, вклучувајќи 186 недели по ред.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Фудбалерите на Англија и Велс ќе играат во дресови без имиња

Репрезентациите на Англија и Велс ќе одиграат пријателски натпревар во четврток за да ја подигнат свеста за Алцхајмеровата болест. Во втората половина од натпреварот, играчите на двата тима ќе истрчаат на теренот облечени во дресови без имиња на грбот, што симболично означува губење на меморијата, еден од најчестите симптоми на оваа сериозна болест.
Оваа иницијатива е дел од партнерството помеѓу Фудбалската асоцијација (ФА) и Здружението за Алцхајмерова болест, кое трае од 2021 година. Англиската репрезентација веќе имаше слична акција минатата година во натпреварот против Белгија.
Пред почетокот на натпреварот, на тимовите ќе им се придружат на теренот 22 навивачи кои живеат со деменција, испраќајќи силна порака до јавноста.
„Фудбалските навивачи се номинирани низ цела Англија и Велс да ги претставуваат многуте различни лица на деменцијата во Велика Британија и ќе излезат на теренот заедно со тимовите за да пренесат силна порака дека ќе биде потребен обединет тим за да се победи најголемиот убиец во Велика Британија“, се вели во соопштението на ФА.
Спорт
Евролигата во шок – Барселона и Реал сакаат да се приклучат на НБА

Барселона и Реал Мадрид ќе го одложат продолжувањето на договорите со Евролигата, објавува „Мундо Депортиво“.
Како што објави овој шпански весник, Барселона и Реал Мадрид сакаат да ја задржат слободата да одлучуваат за евентуално преселување во новата европска лига, која НБА планира да ја лансира во 2027 година, поради што сè уште го одложија на потпишувањето на продолжување на договорот со Евролигата.
За време на состанокот на 13-те сопственици на Евролигата, одржан во понеделникот и вторникот во Барселона, врз двата најголеми шпански клуба бил извршен притисок да потпишат нови договори, но шпанските великани останале на своите ставови.
Стравот од проектот на НБА го принуди раководството на Евролигата да се обиде да го забрза процесот и клубовите да ги обноват своите лиценци пред истекот на тековниот договор, кој важи до летото 2026 година.
Уште во 2014 година, Евролигата објави дека сите клубови сопственици потпишале продолжување на лиценците за 15 години, но сега изгледа тоа не е вистината.
Барселона, Реал Мадрид и Фенербахче сè уште не потпишале.
Некои клубови ја продолжија соработката, но со клаузули за напуштање на натпреварувањето.
Проблемот за Барселона, Реал Мадрид и Фенербахче е што НБА Европа нема да започне со натпреварувањето до есента 2027 година, додека сегашната лиценца со Евролигата истекува една година порано.
Крајниот рок за потпишување на новата лиценца е 30 јуни 2026 година, но другите клубови сакаат тоа да се направи порано за да можат да ја планираат сезоната 2026/27 и деловните активности.
Во овој момент, малку е веројатно дека Барселона или Реал Мадрид ќе потпишат нов долгорочен договор, особено не за период од 15 години.
Нивната намера е да останат дел од Евролигата до летото 2027 година, а потоа да одлучат дали ќе ја продолжат соработката или ќе се приклучат на новиот проект НБА Европа.
Останува прашањето дали Евролигата ќе биде подготвена да ги задржи во натпреварувањето без гаранции за континуирана соработка или ќе одлучи да ги исклучи ако не ги обноват лиценците на време.
Спорт
Проблем за Реал, по Ембапе се повреди и Хаусен

Младиот дефанзивец на Реал Мадрид, Дин Хаусен, денес го напушти кампот на шпанската репрезентација и нема да игра за „Фуријата“ на претстојните квалификациски натпревари за Светското првенство против Грузија во сабота и Бугарија во вторник.
Хаусен има повреда на мускулот и селекторот Луис де ла Фенте реши да го врати во Мадрид.
Првите проценки се дека повредата не е сериозна и дека ќе отсуствува околу две недели.
Селекторот на Шпанија, Луис де ла Фуенте, наместо него, го повика дефанзивецот на Атлетик Билбао, Ајмерик Лапорт, во репрезентацијата.
Лапорт се враќа во тимот откако не добиваше повици одреден период бидејќи не играше долго време поради фактот што неговиот трансфер од Ал Наср во Билбао беше комплициран.
Патем, Лапорт беше стандарден играч во првиот тим во шпанската репрезентација која го освои Европското првенство во Германија минатата година.
Што се однесува до Хаусен, тој не е единствената грижа за Реал, Килијан Мбапе е исто така повреден, но тој остана со француската репрезентација и ќе видиме дали ќе игра против Азербејџан и Исланд…