Фудбалскиот клуб Вардар официјално има нов сопственик. Порталот „Фактор.мк“ пишува дека вчера преку Македонската берза биле продадени сите акции на клубот.

Продадените акции биле во сопственост на РК Вардар, односно на Сергеј Самсоненко. Акциите биле продадени за сума од 2.000.000 денари (32.500 евра), односно една акција била продадена за 20.000 денари.

Новиот сопственик на фудбалскиот клуб ги наследи долговите на клубот, кои изнесуваат 3.000.000 евра.

Неофицијално, нов сопственик на Вардар е „Блу скај“. Оваа компанија летово доби дозвола од Град Скопје и веќе стопанисува со клубот.

Џуд Белингам е еден од најталентираните млади фудбалери во светот. Англискиот репрезентативец е играч на Борусија Дортмунд. Во Германија се пресели во 2020 година од Бирмингем. Борусија за неговиот трансфер издвои 25 милиони евра.

Челниците на Борусија се свесни дека неколку клубови имаат желба да го видат 18-годишниот фудбалер во своите редови. Тој има договор со клубот до 2025 година, но доколку некој понуди сума што не се одбива, Борусија ќе ја прифати.

„Билд“ тврди дека Борусија нема да прифати понуда помала од 120 милиони евра.

За услугите на Белингем се заинтересирани Ливерпул и Манчестер јунајтед.

Барселона, вечерва, гостува на „Ваљехас“ во Мадрид, кај Рајо Ваљекано. Најавувајќи го натпреварот, тренерот Роналд Куман, проговорил и за својата иднина во клубот.

„Јас сум возрасен човек, знам како одат работите. Сакам да уживам во преостанатото време, дали тоа ќе бидат осум години, шест месеци или само неколку недели. Мислам дека е важно да го победиме Рајо Ваљекано. Не смееме да си дозволиме уште еден пораз“, рекол Холанѓанецот.

Барселона во неделата доживеа пораз од Реал (1:2), евентуалниот неуспех во Мадрид уште повеќе ќе го оддалечи тимот на Куман од горниот дел на табелата.

Дуелот на „Ваљекас“ ќе започне во 19 часот.