Џенова на Горан Пандев и следната сезона ќе игра во италијанската елита, откако во последното коло ја забележаа потребната 3:0 победа над Верона, а во исто време, Лече загуби дома од Парма со 3:4.

Пред последното коло, Џенова имаше поен повеќе од Лече по поразот од Сасуоло, но сите надежи на Лече дека ќе останат уште една сезона во првата лига беа растурени во првите 45 минути, во кои Грифоне постигнаа три гола. Антонио Санабрија постигна два гола, од кои еден на асистенција на Пандев, а Кристијан Ромеро зголеми на 3:0 за да се осигура опстанокот на поранешниот италијански шампион.

Во Лече, пак, беше полно со пресврти. Парма успеа да поведе со 0:2 во првите 24 минути, пред Лече да израмни на 2:2 до крајот на полувремето. Гостите потоа постигнаа уште два гола за 2:4 водство, пред домаќините да намалат на 2:3.

Во Серија Б покрај Лече се селат и Бреша и СПАЛ. Јувентус е шампион и заедно со Интер, Лацио и Аталанта ќе играат во Лигата на шампионите, а Рома и Милан се во Лига Европа. Беневенто и Кротоне се сигурни нови прволигаши, а ќе има и плејоф за последното место.

СЕРИЈА А, 38.КОЛО

Болоња – Торино 1:1

Џенова – Верона 3:0

Лече – Парма 3:4

Сасуоло – Удинезе 0:1

ЏЕНОВА – ВЕРОНА

ЛЕЧЕ – ПАРМА


БОЛОЊА – ТОРИНО

Светската фудбалска федерација (ФИФА) тврди дека нема потреба швајцарските власти да започнуваат кривична истрага против претседателот Џани Инфантино, посочувајќи дека тој ќе продолжи нормално со својата работа.

Швајцарскиот специјален обвинител во четвртокот потврди дека постои истрага против Инфантино за неговиот состанок со поранешниот главен обвинител на Швајцарија, Михаел Лаубер, за криењето на нивните средби, на кои наводно се преговарало за избегнување на истраги против ФИФА.

„Нема причина да се отвори истрага против нашиот претседател бидејќи нема направено криминал. ФИФА и претседателот категорично ги отфрлаат сите шпекулации за криминално однесување“, се вели во необичното соопштение од ФИФА објавено во неделата.

Швајцарскa истрага против претседателот на ФИФА Инфантино

Олимпискиот шампион на 400 метри, Јужноафриканецот Вејд ван Никерк имал позитивен тест на корона вирус додека тренирал во Италија, тврди италијанскиот спортски весник „Ла газета дело спорт“.

Ван Никерк, кој освои олимписко злато пред четири години со светски рекорд од 43.03 секунди, требал да учествува на митинг во Трст, прво натпреварување надвор од Јужна Африка од 2017 по сериозната повреда на коленото.

„Не знам како е можно, бидејќи Вејд тренираше цела недела и немаше симптоми ниту по позитивниот тест“, вели неговиот менаџер Пит ван Зил.

28-годишниот Ван Никерк почна со камбекот во февруари оваа година, откако ги скина лигаментите на коленото при рагби натпревар во 2017 година.