Спорт
„Мијатовиќ ми го направи животот неподнослив“

Поранешниот играч на Реал Мадрид, Иван Елгера, упати сериозни обвинувања против Предраг Мијатовиќ.
Шпанскиот фудбалер ја отвори душата во подкаст, каде што зборуваше за сите тешки моменти во дресот на Реал Мадрид, со кој освои две Лиги на шампиони. Животот му го загорчил Предраг Мијатовиќ, кој во тој период беше спортски директор на Реал.
„Управата, особено претседателот, и еден поранешен играч од кого не го очекував тоа, кој тогаш беше спортски директор, Мијатовиќ, ми го одзедоа бројот и ми рекоа дека повеќе нема да играм. Ми го направија животот неподнослив. Навистина не знам зошто. Ми рекоа дека нема да играм и дека сакаат да ме продадат. Имав тригодишен договор, не разбирав, бидејќи штотуку ја освоив лигата и играв“, рече Елгера, кој потоа продолжи:
„Емоционално, бев уништен. Главата ми зборуваше, дека ме уништуваат и дека ми го уништуваат животот. Претседателот дури и не ме поздравуваше, а јас играв.“
Во тие моменти, Елгера доби поддршка од тогашниот тренер Иван Елгера, но поради големиот притисок што го трпеше од други луѓе, мораше да се пресели во редовите на Валенсија.
„Тие луѓе ми велат дека не можат ниту да ме стават на тренинг. Следната година, Мијатовиќ ми рече дека повторно ми го одземаат бројот и дека повторно ќе ми го направат животот неподнослив. И тогаш се појави Валенсија. Всушност, дури и не одев на состаноците бидејќи тензијата можеше да биде преголема.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) ВАР го спаси Челзи од пораз против Кристал Палас, „Шумарите“ за полувреме го декласираа Брентфорд

Челси, актуелниот светски клупски првак, не успеа да го победи Кристал Палас во првиот меч во новата сезона. За разлика од Челзи, Нотингем Форест запиша рутинска победа над Брентфорд (3:1).
Кристал Палас, освојувачот на англискиот ФА куп и Суперкуп, на „Стенфорд Бриџ“ дојде да освои бод и нез многу мака успеа во намерата.
Не делуваше добро Челзи на премиерата, се мачеа избраниците на Енцо Мареска особено во организацијата на играта, против цврстата одбрана на Палас.
Гостите постигнаа гол, спектакуларен. Во 14.минута, Еберечи Езе ја скина мрежата од слободен удар, но ВАР се активираше и го поништи голот.
Голот на Палас беше поништен бидејќи нивниот играч (Марк Гуеи) стоеше на помалку од еден метар од живиот ѕид.
„Кога се изведува слободен удар, ако тимот кој напаѓа ги насмести своите играчи во „живиот ѕид“ на одбраната (помалку од 1 метар од ѕидот со најмалку 3 одбранбени играчи) – тоа не е дозволено“, појасни Премиер лигата.
VAR has robbed Eze of a spectacular goal.😭#CHECRY pic.twitter.com/B4Dg2xSzhA
— UTD Trend (@_utdtrend) August 17, 2025
Нотингем Форест за почувреме го декласира Брентфорд, кој во текот на летото остана без тренерот Томас Франк, капитенот Норгард и напаѓачот Мбуемо.
Репрезентативецот на Нов Зеланд, Крис Вуд, продолжи таму каде што застана минатата сезона. Постигна два гола, во шестата и 45+2.минута, а еден гол постигна засилувањето од Болоња, Ндоје во 42.минута. Тијаго во 78.минута ја спаси честа на Брентфорд.
Foto/ EPA/NEIL HALL
Спорт
Пафос испратиле понуда до Кавани

Шампионот на Кипар, Пафос, ривали на Црвена звезда во плејофот за Лигата на шампионите, испратил понуда до Единсон Кавани.
Според медиумите од Кипар, челниците на Пафос се во сериозни преговори со Единсон Кавани.
Кипарците тврдат дека Пафос испратил конкретна понуда до Уругваецот, кој игра за Бока Јуниорс. Се додава дека 38-годишниот напаѓач наскоро би можел да испрати одговор.
Теоретски, доколку Кавани го потпише договорот до 24 часа пред натпреварот со Звезда во Белград (вторник, 21.00 часот), би можел да биде регистриран и за тој натпревар.
Тој би бил новото звучно засилување за Пафос ова лето, бидејќи 38-годишниот Давид Луис веќе пристигна во клубот.
Луис и Кавани беа соиграчи во ПСЖ од 2014 до 2016 година.
Спорт
Маркез победи во Австрија, Алдегер со брилијантно возење заврши втор

Марк Маркез незапирливо вози кон шампионската титула во „кралската класа“ во Мото ГП шампионатот. Шпанецот на Дукати ја забележа шестата последовна победа во сезоната, 97.во кариерата.
Маркез ја освои Големата награда на Австрија, откако 19 кугови се возеше зад Марко Бецеки на Априлија, кој стартуваше од пол-позиција. На крајот Италијанецот не успеа ниту да се одбрани од Фермин Алдегер, возач на Гресини Дукати. Дебитантот го забележа најдобриот пласман во кариерата во „кралската класа“.
Токуму Алдегер е возач на денот, бидејќи „еташе“ по патеката во последите осум кругови, кога успеа да дојде до второто место, а во еден момент му се закануваше на Маркез.
Зад најдобрите тројца следуваа возачите на фабричкиот и стаелистскиот КТМ, Педро Акоста и Енеа Бастијанини, кои беа пред Џоан Мир (Хонда), Бред Биндер (КТМ) и Пеко Бањаја кој возеше уште една лоша трка.