Спорт
Милан брка бод против Салцбург, Јувентус не смее да загуби од ПСЖ

Со натпреварите во групите Е, Ф, Г и Х завршува групната фаза од Лигата на шампионите. По завршувањето на овие натпревари, ќе бидат познати последните два тима во осмина-финалето. За место меѓу најдобрите 16 се борат Милан, Салцбург, Шахтјор и Лајпциг.
Во групата Е извесно е дека Челси е прв, а кој ќе оди во осмина-финалето како втор ќе се знае по натпреварот помеѓу Милан и Салцбург.
Бод од овој меч е доволен италијанскиот шампион да го продолжи натпреварувањето во најквалитетното клупско европско фудбалско натпреварување.
Динамо од Загреб има тешко гостување во Лондон и сè освен убедлива победа за Челси би било големо изненадување, кое ќе го остави хрватскиот шампион на четвртото место во оваа група.
Пласман во осмина-финалето обезбеди првиот фаворит во групата Ф, Реал Мадрид, а за сигурно прво место во групата, ќе му биде потребна победа на домашен терен против аутсајдерот Селтик.
Во вториот натпревар во групата Шахтјор со евентуална победа над Лајпциг ќе се пласира нокаут-фазата.
Бундеслигашот има три бода предност пред последното коло, но на Украинците им е доволна минимална победа бидејќи есенва веќе еднаш ги победија во групата.
Групата Г ја освои Манчестер сити, втора ќе биде Борусија Дортмунд, а трета Севилја, која ќе се натпреварува во Лига Европа.
Затоа натпреварите меѓу Манчестер сити – Севилја и Копенхаген – Борусија Дортмунд ќе бидат од ревијален карактер.
Пласман во осмина-финалето од групата Х обезбедија Пари Сен-Жермен и Бенфика, а Јувентус сè уште математички ја нема обезбедено европската пролет.
ПСЖ и Бенфика имаат ист број бодови, но францускиот првак има подобра гол разлика и доколку во Торино ја победи „старата дама“, ќе го обезбеди првото место во групата. Бенфика ќе брка победа во Хаифа против Макаби и ќе чека кикс на ПСЖ.
Доколку Макаби остане непоразен против Бенфика, а ПСЖ го победи Јувентус, тогаш италијанскиот тим ќе остане без европска пролет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мењан во Челзи, во Милан доаѓа Милинковиќ-Савиќ

Францускиот репрезентативен голман Мајк Мењан (29) ќе ја продолжи кариерата во Челзи. „Сините“ за услугите на голманот на Милан ќе му платата 18 милиони евра отштета, објавија италијанските медиуми.
Мењан пристигна во Милан летото 2021 година од Лил, а неговиот договор важеше до јуни следната година.
Милан се согласи да го продаде бидејќи не можеше да се договори за продолжување на договорот, па овој летен преоден рок беше последна шанса да заработи нешто од неговиот трансфер.
Мењан треба да биде заменет на голот на Милан со српскиот голман Вања Милинковиќ-Савиќ (28), чиј договор со Торино истекува за една година.
Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.