Спорт
Милан го „прегази“ Каљари, Рома на Мурињо како „подмачкана машина“

Милан и Рома се придружија на Лацио, Интер и Наполи како единствени клубови во Серија А со максимални шест поени по два меча, откако двата тима стигнаа до убедливи победи во неделните мечеви.
Милан, предводена од двата гола на Оливие Жиру и фантастичниот гол на Сандро Тонали со 4:1 го растури Каљари, додека Рома на Жозе Мурињо со четири гола во второто полувреме (вклучувајќи го и првиот гол на Теми Абрахам) стигна до 0:4 победа кај новиот прволигаш Салернитана.
На „Сан Сиро“ имаше лудачки старт на натпреварот. Тонали, момчето кого многумина го нарекуваат „новиот Андреа Пирло“, во 12. минута од слободен удар постигна прекрасен гол, но само три минути подоцна, Каљари израмни преку Алесандро Дејола. Веќе во 17. минута, „росонерите“ ја вратија предноста преку Рафаел Леао, за потоа на сцена да стапи ветеранот Жиру – во 24. минута зголеми на 3:1, за во 43. минута од белата точка да го постигне вториот гол за 4:1.
Во Салерно пак, Рома дури во второто полувреме го скрши отпорот на домаќините. Лоренцо Пелегрини во 48. минута стрелаше за 0:1, пред Жордан Верету пак да постигне гол само четири минути подоцна, а Теми Абрахам првпат стана стрелец на „волчицата“ во 69. минута од мечот, за 10 минути подоцна Пелегрини да го постигне својот втор гол.
Графика: Sofascore за Топспорт.мк
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-37475”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Земјотрес во тенисот – Ѓоковиќ и колегите поднесоа тужба

Здружението на тенисери (PTPA), основано од Новак Ѓоковиќ, покрена правна постапка против управните тениски тела.
Документите беа поднесени во Окружниот суд на САД во Њујорк.
Во тужбата на 163 страници, меѓу другото, се вели дека „професионалните тенисери се заробени во наместена игра“ што им дава „ограничена контрола врз нивните сопствени кариери и брендови“.
Се критикува распоредот, системот на рангирање и контролата што постои кога е во прашање имиџот на играчите.
Жалбата беше поднесена од PTPA и 12 играчи, меѓу кои и Ѓоковиќ, неговиот ко-основачки партнер Васек Поспишил и Ник Кирjос – „во име на целата играчка популација“.
Со тужбата се бара крај на „монополската контрола“ на тениската турнеја, како и финансиска компензација од АТП, ВТА, ИТФ и ИТИА.
PTPA верува дека раководните тела функционираат како картел со тоа што склучуваат договори со турнири кои ги ограничуваат наградните фондови и ги спречуваат потенцијалните конкуренти да влезат на пазарот.
Тие сметаат дека распоредот е неодржлив, трае 11 месеци во годината, попатно барајќи од играчите да играат на преголема топлина или во раните утрински часови.
Поради ова, играчите страдаат од сериозни повреди на зглобот, лактот и рамото бидејќи топките се менуваат во текот на сезоната.
ITIA е обвинета за нарушување на приватноста поради пребарување на телефоните на играчите поради сомневање за корупција и допинг.
АТП годинава организира 60 настани во 29 земји. АТП тврди дека поделила 241,6 милиони долари на играчите во 2023 година.
ВТА оваа сезона нуди 51 турнир во 26 земји. Се истакнува дека во 2024 година на тенисерите им исплатила 221 милион долари.
Играчите често се жалеа дека не добиваат доволно висок процент од приходите што ги генерира спортот, поради што PTPA е создаден во 2020 година.
Спорт
Крај на сезоната за Митев

Фото/ facebook.com/rfmofficial
Средниот бек на Алкалоид и македонската репрезентација, Марко Митев, ја заврши сезоната.
Митев, се повреди во неделата, на натпреварот Словенија-Македонија во квалификациите за пласман на Европското првенство.
Средниот бек се повреди на почетокот на 19.минута. Во тој момент беше јасно дека повредата не е наивна.
Прегледите покажале дека ги повредил лигамнетите во коленото, поради што за него оваа сезона е завршена.
Не е познато колкава пауза го очекува Митев.
Прашање е што ќе се счучи и со неговиот евентуален трансфер. По Мундијалот, во јануари, интерес за Митев покажаа неколку германски екипи, кои биле подготвени и да платат обесштетување за да го откупат неговиот договор од Алкалоид.
Спорт
Димитријевиќ ќе го напушти Милано

Македонскиот репрезентативец Ненад Димитријевиќ ќе го напушти Милано по завршувањето на сезоната. Димитирјевиќ, минатото лето како големо засилување пристигна во Олимпија.
Димитријевиќ, минатата сезона, блескаше во дресот на УНИКС Казан, беше прогласен за МВП на руската лига.
За неговиот потпис се бореа неколку клубови од Евролигата, тој реши да потпише за тимот на тренерот Еторе Месина.
Нема баш најдобра сезона во Евролигата има просек од 7,9 поени, додека во првенството одигра 13 натпревари со просек од 8,5 поени.
Новинарот Андреа Калцони тврди дека Димитријевиќ би можел да го напушти Милано, бидејќи клубот сака да го ангажира кошаркарот на Тренто, Квин Елис.