Трабзон наводно има усмен договор со Манчестер јунајтед во врска со позајмицата на Андре Онана (29). Голманот сега треба да реши дали ќе се пресели во Турција, тврди италијанскиот трансфер инсајдер Фабрицио Романо. На својот официјален профил на социјалната мрежа „X“, тој напиша дека е постигнат усмен договор меѓу клубовите и дека се чека согласност од репрезентативецот на Камерун.

Онана пристигна во Јунајтед во летото 2023 година од Интер како наследник на Давид де Хеа. Пред Интер, тој бранеше за Ајакс, каде што освои голем број домашни трофеи под водство на Ерик тен Хаг.

Тој играше во финалето на Лигата на шампионите со Интер во 2023 година, а го освои ФА Купот со Јунајтед во 2024 година. Тој е репрезентативец на Камерун, учествуваше на Африканскиот куп на нации и на Светското првенство.

Бранеше во Јунајтед во променлива форма и ова лето клубот го потпиша Белгиецот Сене Ламенс.

Foto/ EPA

Летонија и Србија го отворија денот резервиран за квалификациски натпревари за пласман на Светското првенство. Фаворитот Србија победи со 1:0 со голот на Влаховиќ во 12.минута.

Србите беа фаворити, тоа го покаѓаа на теренот во првиот дел кога доминираа во поседот и во одарите кон голот (12:2).

Србите беа сигурни и во вториот дел, но никако не може да мпостигнат уште еден гол, а тоа можеше скапо да ги чини. Летонците во 92.минута ја погодија стативата од голот на Петровиќ.

Србија по три одиграни натпревари во К групата има седум бода, Англија е прва во групата со два повеќе. Англичаните, кои во наредното коло и гостуваат на Србија, вечерва ќе ја пречекаат Андора.

Foto/ EPA

Возачот на Дукати, Марк Маркез, победи во спринт трката како дел од Големата награда на Каталуња во шампионатот Мото ГП.

Марк Маркез ја однесе својата 14-та победа на 15-та спринт трка оваа сезона на патеката „Каталуња“, иако стартуваше од третото место.

Освојувачот на пол-позицијата, Алекс Маркез, падна од својот мотор четири круга пред крајот на трката, на тој начин му ја препушти лидерската позиција на својот постар брат.

Втор беше возачот на Јамаха, Фабио Квартараро, а третото место го освои Фабио ди Џанантонио од ВР46.

Поени освоија и Педро Акоста, Енеа Бастијанини, Бред Биндер, Жоан Зарко, Лука Марини и Аи Огура.

Главната трка за Големата награда на Каталонија ќе се одржи утре во 14 часот.

Марк Маркез е лидер во генералниот пласман со 467 поени, Алекс Маркез е втор со 280, а Франческо Бањаја е трет со 228.

Foto/ EPA