Спорт
Милан Ристовски: Пропуштивме шанси и да победиме

Топспорт во Разград,
Никола Ѓуровски
Фудбалската репрезентација на Македонија одигра 1:1 против Бугарија на почетокот на новиот циклус во Лигата на нации. Стрелецот на голот за нашиот национален тим, Милан Ристовски, вели дека, сепак, нашиот национален тим немаше најдобар ден.
„Верувавме дека можеме да победиме, создадовме повеќе шанси, бевме подобри, но не ги реализиравме. Мислам дека немавме најдобар ден, не бевме на врвно ниво. Сепак, можевме до победа ако ги реализиравме шансите“, изјави стрелецот Милан Ристовски.
Селекторот Благоја Милевски нема што да им замери на фудбалерите. Вели дека во овој период го дале максимумот, со оглед дека не се во натпреварувачка форма.
„Ја контролиравме играта во текот на целиот натпревар. Не заслуживме да губиме по првото полувреме, а во второто полувреме брзо израмнивме и се чини дека заслуживме и повеќе. Но, ни недостигаше подобра реализација. Сепак, освен Алиоски и Трајковски, во овој период сите други фудбалери се надвор од тренажен процес“, изјави селекторот Благоја Милевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Онс Жабер е првата финалистка на Вимблдон

Онс Жабер од Тунис е првата финалистка на престижниот грен-слем турнир Вимблдон. Втората носителка ја оправда фаворитската улога во полуфиналната пресметка со Татјана Мариа и славеше со 2:1 во сетови (6-2, 3-6, 6-1).
Тунижанката подобро го почна мечот, веднаш стигна до брејк и првиот сет го доби со 6-2. Но, германската тенисерка Татјана Мариа возврати во вториот со 6-3.
Финалистот се одлучуваше во третиот сет. Жабер тргна фуриозно и ги освои првите пет гема, а потоа го комплетираше мечот со 6-1.
Елена Рибакина и Симона Халеп ќе го играат второто полуфинале во женска конкуренција на Вимблдон.
Спорт
Уште еден демант од Минхен: Не сме заинтересирани за Роналдо

Фудбалскиот клуб Баерн Минхен ги отфрли шпекулациите дека ќе се заинтересирани за играчот на Манчестер Јунајтед, Кристијано Роналдо, објавија германските медиуми.
Генералниот директор на Баерн, Оливер Кан, изјави дека потпишувањето на договор со 37-годишниот Португалец би било „против клупската филозофија“, објави магазинот „Кикер“.
Роналдо сака да го напушти Манчестер јунајтед и да се приклучи на клуб со кој би играл во Лигата на шампионите. Јунајтед минатата сезона заврши на шестото место во Премиер лигата, а оваа сезона ќе игра во Лига Европа.
Роналдо освои пет титули во Лигата на шампионите, четири со Реал (2014, 2016, 2017, 2018) и една со Манчестер Јунајтед (2008).
Британските медиуми објавија дека Манчестер јунајтед ќе го пушти Роналдо за 15 милиони евра.
Спорт
Џоу ќе вози во Австрија

Гуању Џоу ги помина сите лекарски прегледи и викендов ќе ја вози трката за Големата награда на Австрија.
Кинезот зад воланот на Алфа Ромео имаше страшна несреќа на минатонеделната трка во Силверстон, но за среќа неповреден излезе од автомобилот кој неколку пати се преврте.
Според неговите зборови, ореолот што го имаат сите болиди му го спасил животот.
Џоу има освоено пет бода во сезоната и се наоѓа на 16. место во поредокот кај возачите.
Трката за Големата награда на Австрија се вози на патеката Ред Бул ринг во Спилберг.
Finished the final medical check, all good to go! Thanks to all of the people who supported me during this time, means the world. ❤️ #AustrianGP LET’S GO! ???????? pic.twitter.com/VdArFWcRoB
— 周冠宇 | Zhou Guanyu ???????? (@ZhouGuanyu24) July 7, 2022