Спорт
Милано е „лекот“ за Реал Мадрид во Евролигата!

Фантастичната 19:2 серија на стартот на третата четвртина беше доволна за Армани Олимпија Милано да стигне до импресивна 80:76 победа над Реал Мадрид, прекинувајќи ја низата од два домашни порази во Евролигата.
Серхио Родригез имаше 25 поени против својот поранешен клуб во првиот меѓусебен дуел оваа година, за овојпат да заврши со 17 поени, вклучувајќи ја клучната тројка на 24 секунди за 77:71 водство. Пред сезоната 2020/21, „кралевите“ имаа 15-1 скор против Милано во 21. век, а исто така имаа и низа од шест победи едноподруго, но сега имаат два порази во низа.
Василије Мициќ, пак, беше предводник на Анадолу Ефес во убедливата 102:80 победа на гости кај Асвел, доминирајќи во првото полувреме од мечот.
Мициќ имаше 23 поени (4-од-5 за три поени), 9 асистенции, 5 украдени топки и 2 скока во фантастичен меч, а Џејмс Андерсон му помогна со 12 поени и 11 скока, додека Крис Синглтон и Шејн Ларкин имаа по 16 поени. Ефес го подобри скорот на 9-9, израмнувајќи се со Басконија и Олимпијакос, додека Асвел се на 5-12.
ЕВРОЛИГА, 18.КОЛО
Жалгирис – Химки 102:75 (22:20, 17:28, 39:13, 24:14)
Олимпијакос – Баерн Минхен 84:82 (19:22, 25:24, 20:15, 20:21)
Асвел Лион – Анадолу Ефес 80:102 (15:29, 19:25, 25:28, 21:20)
Реал Мадрид – Милано 76:80 (18:17, 21:22, 10:22, 27:19)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шок во Ротердам, од турнирот испаднаа Медведев и Зверев

Големите фаворити за титулата во Ротердам, Данил Медведев и Александар Зверев, го завршија својот настап на овој АТП турнир од серијата 500. Тенисерите кои на АТП листата се наоѓаат на третото, односно седмото место, испаднаа од Душан Лајовиќ и Александар Бублик.
Во отсуство на двајцата најдобри во светот, Новак Ѓоковиќ и Рафаел Надал, статусот на прв носител во Ротердам го доби Медведев. Рускиот тенисер, кој неодамна играше во финалето на Австралија опен, испадна од 27. на АТП листата, Душан Лајовиќ.
Српскиот тенисер забележа победа по 96 минути игра. Лајовиќ првиот сет го доби во тај-брејк со 7:4, а во вториот клучниот брејк го направи во деветтиот гем, откако во претходниот успеа да спаси две топки за брејк.
Медведев со овој пораз ја испушти можноста да го мине Надал на второто место. За таков резултат требаше да се пласира во финалето на турнирот.
Лајовиќ во наредното коло за противник ќе го има Борна Чориќ.
Третиот носител во Ротердам, четврт-финалист на Австралија опен, Александар Зверев за 79 минути игра загуби со 5:7, 3:6 од 43. на АТП листата, Александар Бублик. За тенисерот од Казахстан ова е прва победа над играч од Топ 10.
Двата сета се играа по исто сценарио. Зврев направи брејк на стартот и на првиот и на вториот сет, Бублик експресно возвраќаше, а потоа правеше уште по еден брејк во клучните моменти.
Противник на Бублик во наредното коло ќе му биде Американецот Томи Пол.
Спорт
Драма во Сараево – МЗТ го победи Работнички

Вечните скопски ривали, МЗТ и работнички, попладнево, одиграа натпревар во Сараево, во АБА2 лигата. Во трилер завршница победата им припадна на кошаркарите на МЗТ со 84:82 (17:21, 24:13, 22:27, 21:21).
МЗТ ја забележаа петтата победа во осмиот меч сезонава, во АБА2 лигата, додека Работнички има скор од две победи и шест порази. На табелата МЗТ се наоѓа во групата од шест тима, кои се наредени од второто до седмото место на табелата, додека Работнички се претпоследни.
Дуелот во Сараево, беше решен во неизвесна завршница, откако Работнички во третиот период со серија од 11 поени, успеа да ја стигне предноста на МЗТ.
Драмата кулминираше во финишот кога Олуџоби го блокираше Питс при водство на Работнички 80:76, решавачкиот момент се случи кога најдобриот играч на Работнички, Питс, направи неспортски фаул врз Балмазовиќ. МЗТ од тој фаул постигна три поени и го заклучи натпреварот со 84:82.
Крстевски со 19, односно Стојановски и Бојиќ со по 14 поени го предводеа МЗТ до победата. Кај Работнички се истакнаа Питс со 20 поени, односно Младеновски со 17 поени и осум скока.
Спорт
Пикси е новиот селектор на Србија

Драган Стојковиќ-Пикси официјално е менуван за селектор на фудбалската репрезентација на Србија. Пикси потпишал три годишен договор, треба да ја предводи Србија до крајот на квалификацискиот циклус за пласман на Европското првенство во 2024 година.
Легендарниот фудбалер, денес го слави 56 роденден и на промоцијата реколд дека подобар подарок не можел да добие.
„Знам каква е одговорноста, но во исто време верувам во мојот и во квалитетите на моите соработници. Верувам и во големиот потенцијал со кој располага репрезентацијата. Исто така ја чувствувам поддршката и од јавноста, која ќе ни биде потребна за да ги оствариме нашите цели. Квалификациите ќе започнат за три недели, започнавме со подготовките, ги анализираме противниците. Првите два противника се исклучително тешки, реално тие се нашите главни ривали за првите две места во групата“, рекол Стојковиќ.
Поранешниот тренер на Нагоја и Гвангжу, ќе дебитира на 24.март против Република Ирска, три дена подоцна Србија ќе игра против Португалија, а на 30.март ќе гостува во Азербејџан.
Пикси на селекторската функција го наследи Љубиша Тумбаковиќ, кој доби отказ откако не успеа да избори пласман на Европското првенство.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер