Спорт
Милер е најуспешниот фудбалер во историјата на Бундеслигата

Фудбалерот на Баерн Томас Милер е новиот рекордер во Бундеслигата по бројот на постигнати победи. Стигна до својот 323. триумф против Мајнц и со тоа го престигна соиграчот, голманот Мануел Нојер.
Баерн го совлада Мајнц со резултат 3:1. Милер на теренот влезе во 88. минута наместо Кингсли Коман.
34-годишникот го достигна рекордот и покрај малку побавниот почеток на сезоната, со оглед на тоа дека неговото опоравување од повредата на колкот траеше извесно време.
Блиску до враќање е и Нојер, кој неодамна почна да тренира откако ја скрши ногата во текот на зимата.
„Сè уште не сум готов“, изјави Милер.
Милер стигна до својата 323. победа во 449. настап во Бундеслигата, додека Нојер славеше 322 пати на вкупно 478 натпревари. Томас е блиску до рекордот за најмногу натпревари во дресот на германската репрезентација, кој во моментов го држи Лукас Подолски. Фудбалерот на Баерн моментално има 125, а Полди 130.
Напаѓачот кој целата своја кариера ја мина во Баерн е дел од историјата на Бундеслигата и благодарение на другите достигнувања: освои најмногу титули наменети за шампионот на Германија, 12 од кои 11 по ред.
Неодамна стигна до својата 100-та победа во Лигата на шампионите, против Манчестер јунајтед. Тоа претходно им успеа само на Кристијано Роналдо и Икер Касиљас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Анчелоти е новиот селектор на Бразил?

Тренерот на Реал, Карло Анчелоти, е многу блиску до преземање на репрезентацијата на Бразил, објави британската телевизија „Скај Спортс“.
Анчелоти има договор со челниците на Реал до јуни следната година, но се поизвесно е дека ќе го напушти Мадрид на крајот од тековната сезона, пред Светското клупско првенство.
По неуспехот на Светското првенство во Катар 2022 година, Бразил имаше дури тројца селектори, а последниот беше Доривал Жуниор, кој беше отпуштен во март по само седум победи во 16 натпревари.
Бразил има скор од 6-3-5 во 14 квалификациски натпревари за Светското првенство, кое ќе се игра во САД, Мексико и Канада следното лето, а на четири кола пред крајот на квалификациите, теоретски сè уште не му е загарантирано место на Светското првенство, но сигурно е дека петкратниот светски шампион ќе се квалификува за Мундијалот. Бразил ја освои последната од петте титули светски шампион во 2002 година.
„Тренерот на Реал, Карло Анчелоти, е многу блиску до преземање на бразилската репрезентација, дознава „Скај Спортс“.
Изворот потврди дека преговорите меѓу двете страни ќе продолжат во мај. Анчелоти е на радарот на Бразилската фудбалска асоцијација од крајот на Светското првенство во 2022 година.
„Бразилската фудбалска асоцијација се надева дека Анчелоти би можел да ја предводи селекцијата веќе во јунските квалификации за Светското првенство во 2026 година“, соопшти денес реномираната телевизија.
Спорт
Вориорс и без Батлер го победија Хјустон

Кошаркарите на Голден Стејт, без повредениот Џими Батлер, го победија Хјустон со 104:93 во третиот натпревар од првото коло на плејофот на Западната конференција, свртувајќи ја серијата во нивна корист на 2-1.
И покрај тоа што играа без еден од своите лидери, кој го пропушти натпреварот поради повреда заработена во вториот натпревар, Вориорс успеаја да го надоместат раниот дефицит и да го свртат текот на серијата.
Одличниот Стеф Кари го предводеше тимот од Калифорнија со 36 поени, вклучувајќи пет тројки, со 7 скока и 9 асистенции.
Гари Пејтон, кој не постигна ниту еден поен во претходниот натпревар, беше клучен во четвртата четвртина со девет поени по ред, додека Бади Хилд додаде 17 поени со пет тројки. Дебитантот Квинтен Пост забележа 12 скока во својот прв старт во плејофот. Во поразениот тим, Фред Ванвлит постигна 17 поени, Дилон Брукс 13 и Џабари Смит 12.
Четвртиот натпревар е во вторник во 16 часот, исто така во Сан Франциско.
Спорт
Ридигер ќе биде жестоко казнет

На натпреварот помеѓу Реал Мадрид и Барселона во финалето на Купот на кралот имаше многу нервоза. На крајот, тимот на Барселона победи по голот на Жил Кунде во 116.минута.
Пред овој натпревар Реал Мадрид не беа задоволни од изборот на Рикардо де Бургос за главен судија на тој натпревар, па дури и се заканија дека нема да го одиграат натпреварот.
Играчите на Реал имаа големи забелешки поради начинот на кој судијата го водеше овој натпревар.
Кон крајот на овој дуел, Антонио Ридигер го загуби трпението, кој од клупата го гаѓаше судијата, а потоа тренерскиот штаб едвај го спречи кога тргна да се пресмета со Де Бургос.
„АС“ пишува дека тој ќе биде суспендиран на најмалку четири, а можеби и 12 натпревари, што е максималната казна за таков испад.
Оваа суспензија ќе важи и за лигашките натпревари, што значи дека Германецот нема да биде на последното Ел Класико од оваа сезона, кое ќе се игра во Барселона како дел од Ла Лига.