Гоце Седлоски, првиот што одигра 100 натпревари во дресот на националниот тим, официјално е назначен за нов селектор на Фудбалската репрезентација на Македонија. На функцијата, Седлоски дојде на местото на Благоја Милевски, чии договор не беше продолжен по завршувањето на квалификацискиот циклус за пласман на Светското првенство.

„Ова е голема чест, во исто време и голема одговорност, веројатно најголема во мојата кариера. Нашата цел ќе биде да изградиме јасен систем на игра, дисциплина, карактер. Од играчите ќе барам максимален ангажман, храброст и желба на секој натпревар“, рече новиот селектор.

Седлоски вече на стартото ќе биде соочен со тежок предизвик, дуелот со Данска во Копенхаген, во полуфиналето од плеј офот за пласман на Светското првенство.

Foto/ arhiva, Topsport

ФФМ го назначи Гоце Седлоски е нов селектор на фудбалската репрезентација

Дефанзивецот на Баерн Минхен, Дајо Упамекано, конечно би можел да потпише нов договор со клубот.

Преговорите што траат неколку месеци влегуваат во последна фаза, а наводно единствената преостаната ставка е клаузулата за откуп.

Како што откри „Билд“, менаџерите на Упамекано ги прифатиле апсолутно сите услови што ги понудил Баерн Минхен, но исто така побарале да се постави клаузула за откуп и тоа во првата година од договорот.

Ставот на челниците на Баерн е дека такво нешто нема смисла, понудуле опција краткорочната клаузула да биде активна само во втората година по потпишувањето, односно во 2027 година.

Сите други детали биле решени, платата, бонусот за потпис на договорот, а уредникот на „Билд“, Кристијан Фалк, откри дека Упамекано неодамна нашол нова куќа во Минхен, и дека ова не е потег што би го направил некој, што сака да си оди од клубот.

Сè укажува дека Упамекано им одолеал на понудите од Реал Мадрид и Пари Сен Жермен, и дека наскоро конечно ќе потпише нов договор со Баерн.

Дајо Упамекано пристигна во Баерн Минхен летото 2021 година од РБ Лајпциг за 42.500.000 евра, а претходно играше за РБ Салцбург од 2015 до 2017 година.

Foto/ depositphotos

Францускиот прволигаш Олимпик Лион постигна договор со Реал Мадрид за позајмица на талентираниот бразилски напаѓач Ендрик (19). Клубот активно бараше голгетер по заминувањето на Александар Лаказет и Жорж Микаутадзе во лето, а младиот Бразилец беше главна цел на тренерот Пауло Фонсека од самиот почеток. Ендрик брзо се согласи да се пресели во францускиот клуб, како што објави „Л’Екип“.

Клучната причина за трансферот е желбата на Ендрик, повеќе време да минува на теренот, со цел да ги зголеми шансите да се најде меѓу патниците на Светското првенство.

Со оглед на тоа што не доби многу можности во Мадрид, 19-годишникот пристигнува во Лион на шестмесечна позајмица без опција за откуп на договорот. Францускиот клуб ќе му плати на Реал милион евра, а Ендрик ќе го носи дресот со број 9 во новиот тим, истиот што го носеше во Реал.

Лион сега се трка со времето за да го регистрира Ендрик на време за гостувањето против Монако, кое е закажано за сабота, 3 јануари. Оваа сезона, Ендрик играше само на три натпревари. Тоа е неспоредливо помалку од времето кога тренер беше Карло Анчелоти минатата сезона. Ендрик кај Анчелоти одигра 37 натпревари и постигна седум гола.

Реал го ангажираше пред три години, а Ендрик дојде од Палмеирас во трансфер вреден 60 милиони евра минатото лето, кога стана полнолетен. Покрај Мбапе, Винисиус, Родриго и Гонзало Гарсија, тој не успеа да се избори за место во тимот и инсистираше да оди на позајмица за да го добие повик од селекторот Анчелоти за Светското првенство.

Foto/ depositphotos