Позицијата на Давид Вагнер на клупата на Шалке станува неоддржлива откако неговиот клуб и во 10-тиот меч во низа во Бундеслигата не успеа да победи, губејќи со 2:1 од Фортуна Диселдорф, за трет пораз по рестартот, по 4:0 „катастрофата“ од Борусија Дортмунд и понижувачкиот 0:3 пораз од Аугзбург.

На „Меркур-шпил арената“, Шалке дојде во водство преку Американецот Вестон Меккени со одличен гол со глава во 53. минута. Радоста траеше само десет минути, откако Хенингс израмни по хаотичната реакција на одбраната на Шалке. Целосниот пресврт го комплетираше Караман само пет минути подоцна.

Со поразот, Шалке паднаа на деветтото место со 37 поени, додека Фортуна останува во зоната за испаѓање на 16. место со 27 поени, еден помалку од Мајнц, кои одиграа само 1:1 со Унион Берлин.

Хофенхајм пак, ја оствари првата победа по рестартот на лигата, триумфирајќи со 3:1 над Келн предводени од двата гола на Криштоф Баумгартнер.

БУНДЕСЛИГА, 28.КОЛО

Аугзбург – Падерборн 0:0

Фортуна Диселдорф – Шалке 2:1

Хофенхајм – Келн 3:1

Унион Берлин – Мајнц 1:1

ФОРТУНА – ШАЛКЕ

ХОФЕНХАЈМ – КЕЛН

УНИОН БЕРЛИН – МАЈНЦ

АУГЗБУРГ – ПАДЕРБОРН

Собранието на АБА лигата ја потврди одлуката за прекинување на сезоната во регионалното кошаркарско натпреварување и тоа во АБА лигата, АБА втората лига и У-19 шампионатот поради корона вирусот.

Сезоната завршува без шампиони во сите натпреварувања, и сега фокусот се префрла на сезоната 2020/21, во која Македонија ќе добие два претставници, но во втората лига.

Главата АБА лига ќе се прошири на 14 клуба, откако на досегашните 12 (Будуќност, Цедевита Олимпија, Цибона, Црвена звезда, ФМП, Игокеа, Копер, Крка, Мега, Морнар, Партизан и Задар) ќе им се приклучат два тима со вајлд-карта, Борац и Сплит.

Втората лига на АБА ќе биде составена од 12 клуба според резултатите на националните шампионати – сите шест земји-учеснички ќе добијат по два натпреварувачи.

Светскиот моторспорт совет (ВМСЦ) на ФИА преку електронско гласање ги усвои промените на спортските, техничките и финансиските правила во Формула 1 шампионатот, и можеби најзначајно го ограничи буџетот на Формула 1 тимовите.

Формула 1 од следната сезона првпат во историјата ќе воведе ограничување на буџетот на тимовите на 145 милиони долари, а ќе развие ие „хендикеп-систем“ за развојот на болидите на поуспешните тимови. Буџетот ќе биде ограничен на 145 милиони долари во 2021, 140 милиони долари во 2022 и 135 милиони долари за 2023-25 со максимум од 21 трки по сезона.

Во 2021 година исто така ќе има и „аеродинамички хендикеп“, односно тимовите ќе можат да ја развиваат својата аеродинамика на болидот во однос на тоа каде ќе завршат во сезоната. Со „токен“ системот за 2021 тимовите ќе можат да прават само минимални подобрувања на болидот од 2020 за следната сезона.

Тие кои бараа намалување на трошоците се пресреќни.

„Формула 1 денеска победи! Ова е клучен момент во историјата на нашиот спорт. Формула 1 подолго време не е финансиски оддржлива и без акција ќе се загрозеше самото постоење на спортот“, вели шефот на Мекларен, Зек Браун.

Формула 1 претходно се согласи за ограничен буџет од 175 милиони долари за следната сезона, но поради кризата со корона вирусот тимовите кои имаат седиште во Велика Британија се најдоа во тешка финансиска ситуација, приморувајќи подрастично намалување на трошоците.