Дајо Упамекано го продолжи договорот со Баерн Минхен до 30 јуни 2030 година, објави германскиот клуб.

Упамекано (27) пристигна во Минхен во сезоната 2021/22 од Лајпциг, а со Баерн досега освои три титули во Бундеслигата и три германски Суперкупа. Во дресот на баварскиот клуб одигра 180 натпреварувачки натпревари, постигна шест гола и запиша девет асистенции.

Генералниот менаџер на Баерн, Јан-Кристијан Дрезден, истакна дека Упамекано израснал во врвен играч во Минхен, додека членот на спортската администрација Макс Еберл нагласи дека францускиот стопер е еден од главните столбови на тимот и пример за развој на играчите во клубот.

Самиот фудбалер рече дека е среќен поради продолжувањето на соработката и дека има големи цели со тимот, со желба да освои повеќе трофеи.

Упамекано одигра 35 настапи и постигна два гола за француската репрезентација, ја освои Лигата на нации во 2021 година и беше дел од тимот што го играше финалето на Светското првенство во 2022 година против Аргентина.

Foto/ depositphotos

Македонскиот репрезентаивец, Ставре Јада, го заврши своето учество на Зимските олимписки игри во Милано и Кортина во петокот. Јада го освои освои 83-то место во трката крос-кантри на 10 километри.

Во трката учествуваа 113 натпреварувачи, Јада ја помина целта како 83-ти, со време од 25:286,9, за 4:52,7 зад олимпискиот шампион. Ставре Јада претходно го освои 88-мо место во трката со спринт.

Златниот медал го освои кралот на овие Игри, Јоханес Хесфолт Клабо. Норвежанецот ја заврши трката за 20:36,02. Ова е негово трето злато на Игрите во Милано и Кортина, а негов осми златен медал – десетти вкупно, бидејќи Клабо има едно сребро и една бронза.

На Клабо му недостига само уште едно злато за да стане најуспешниот олимпиец во крос-кантри. Осум златни медали, и вкупно 12 олимписки медали во кариерата, освои Бјорн Дели.

Сребрениот медал му припадна на Матјас Делож, кој беше фантастичен, францускиот ас ја заврши трката 4,9 секунди зад Клабо. За дваесет и тригодишниот Французин, ова е прв олимписки медал.

Бронзата оди во Норвешка, кај Ејнар Хедегерт, кој имаше задоцнување од 14 секунди. И за него ова е првиот олимписки медал во неговата кариера.

Foto/ EPA

Американската скијачка легенда Линдзи Вон доживеа тежок пад во спустот на Зимските олимписки игри во Милано и Кортина, а според француските експерти, примарната цел сега е да се спаси нејзината нога.

Четириесет и едногодишната Вон доживеа комплексна фрактура на тибијата за време на последната трка во Кортина.

По падот, можеше да се чуе како вреска од болка, а потоа беше евакуирана од патеката прво на носилка, а потоа и со хеликоптер.

Специјалистот за колено од Лион, д-р Бертран Сонери-Кот, за „RMC Sport“, изјави дека ваквите повреди се исклучително сериозни и во некои случаи можат да завршат со ампутација.

„Времето за закрепнување е непредвидливо. Ќе поминат месеци пред повторно да може нормално да оди. Нејзината прва цел сега е да ја задржи ногата и повторно да стои на неа. Враќањето на врвното скијање во моментов не е тема на разговор. Некои повреди како оваа можат да завршат со ампутација“, предупреди францускиот доктор.

Тој додаде дека фотографиите објавени од Вон на Инстаграм покажуваат дека и покрај успешните операции, поставен е надворешен фиксатор, метална структура што ја стабилизира коската, што значи дека фрактурата сè уште не е целосно санирана.

„Повредата е исклучително сериозна, ќе предизвика проблеми со месеци, а можни се и доживотни последици“, истакна Сонери-Кот, додавајќи дека ваквите повреди почесто се забележуваат во сообраќајни несреќи, особено кај мотоциклистите.

Слично мислење изрази и друг француски хирург, Николас Бодрие, кој за весникот „Лекип“ изјави дека станува збор за сериозна, можеби повеќекратна фрактура со можно оштетување на кожата, нервите и мускулите.

Според него, дури и на помлада личност би ѝ требало околу една година за целосно да се опорави.

Вон, пак, откри дека веќе имала три операции и рече дека не жали што се вратила на патеката, и покрај тоа што го скинала предниот вкрстен лигамент (ACL) само неколку дена пред трката, за што тврди дека не е поврзано со падот.

Foto/ depositphotos