Спорт
Милијардерот Џејмс ја предводи листата на Форбс
![](https://makfax.com.mk/wp-content/uploads/2022/10/download-1-1.jpg)
Леброн Џејмс деветта година по ред ја предводи листата на Форбс на кошаркари со најголема годишна заработка, со речиси 30 милиони долари повеќе од следниот на листата Стеф Кари. Иако има НБА-играчи со поголеми договори од Џејмс, тој ја направи разликата со инвестиции надвор од теренот.
Џејмс во наредната сезона ќе заработи 44 милиони долари од договорот со ЛА Лејкерс, а Форбс остатокот од неговиот приход го проценува на околу 80 милиони долари, што на годишно ниво изнесува 124,5 милиони долари.
Ниту еден играч во историјата на НБА не успеал да инкасира толку пари за една година.
Во пресметката се вклучени и спонзорските договори, но не и сите приватни инвестиции, така што ова е најниската можна проценка.
Втор на листата е Стивен Кари од Голден Стејт Вориорс (95,1 милиони), потоа Кевин Дурант (88), Џанис Антетокунмпо (86,5) и Расел Вестбрук (82,1). Топ 10 ја затвораат Клеј Томпсон, Демијан Лилард, Џејмс Харден, Пол Џорџ и Џими Батлер. Десеттемина заедно ќе заработат околу 750 милиони долари.
Листата на Форбс на НБА-кошаркари
1. Леброн Џејмс (ЛА Лејкерс) 124,5 милиони долари
2. Стивен Кари (Голден Стејт) 95.1
3. Кевин Дурент (Бруклин) 88,0
4. Џанис Антетокунмпо (Милвоки) 86,5
5. Расел Вестбрук (ЛА Лејкерс) 82.1
6. Клеј Томпсон (Голден Стејт) 60,6
7. Демијан Лилард (Портланд) 60,5
8. Џејмс Харден (Филаделфија) 53,0
9. Пол Џорџ (ЛА Клиперс) 51,0
10. Џими Батлер (Мајами) 49,7
Џејмс неодамна стана првиот активен кошаркар кој надмина милијарда долари во кариерата. Мајкл Џордан влезе во друштвото на милијардери во 2016 година, долго по завршувањето на неговата играчка кариера.
Леброн е исто така еден од само петте спортисти во тимски спортови со годишна плата од повеќе од 100 милиони долари, останатите се ѕвездата на НФЛ Дак Прескот и фудбалерите Лео Меси, Кристијано Роналдо и Нејмар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
УЕФА покрена дисциплинска постапка против ФС на Албанија
![](https://makfax.com.mk/wp-content/uploads/2024/06/112233.jpg)
Дисциплинската комисија на Европската фудбалска унија (УЕФА) покрена истрага против Фудбалскиот сојуз на Албанија, поради непримерното однесување на нивните навивачи пред, за време и по натпреварот против Италија во петок, на 15 јуни.
Албанците фрлаа предмети на теренот на стадионот, употребија пиротехника, а еден од навивачите во самиот финиш влезе на теренот. Имаше и провокативни пораки кои беа главна причина за поведување на постапката.
Засега не е важно кога ќе биде изречена казната и колку таа ќе биде сериозна.
Во меѓувреме, албанските навивачи не се смируваат и денеска учествуваа во судири со српските навивачи низ улиците на Гелзенкирхен.
Спорт
(Видео) Данска и Словенија одиграа без победник
![](https://makfax.com.mk/wp-content/uploads/2024/06/12303902.jpg)
Словенија и Данска одиграа без победник 1:1 (0:1) во првиот меч од Ц групата на Европското првенство. Ова е прв нерешен резултат на првенството и воедно прв натпревар на кој беа постигнати помалку од три гола.
Натпреварот на стадионот во Штутгарт, според квалитетот, беше најслаб од почетокот на турнирот. Данска доминираше и играше подбро во првиот дел, а Словенците издоминираа во последните 25 минути од натпреварот.
Данците во 17.минута ја одиграа најубавата акција на мечот, Винд му асистираше на Ериксен на кого не му беше тешко да го совлада Облак. Ериксен постигна гол на ЕП точно 1.100 дена откако доживеа срцев удар на последниот континентален турнир.
Словенците во првиот дел се определија да го бранат својот гол, ретки беа нивните напади, а Шпорар имаше шанса да постигне гол.
Клучниот момент на натпреарот се случи во 66.минута кога Облак го одбрани ударот на Хојлунд и спречи водство на Данска 2:0.
Од тој момент Словенците тргнаа во офанзива. Се редеа шансите пред голот на Шмајхел. Два пати не успеа Шпорар, Шешко со страотен удар од 25 метри ја погоди стативата, а во 77.минута изедначи Јанжа со мала помош на Јумланд.
Спорт
(Видео) Срби и Англичани се тепаа во Гелзенкирхен
![](https://makfax.com.mk/wp-content/uploads/2024/06/Untitled-2-7.jpg)
Навивачите на Србија и Англија физички се пресметаа низ улиците на Гелзенкирхен во пресрет на натпреварот на Европското првенство.
На видеата кои се шират по мрежите се гледа дека навивачите фрлаат предмети од кафулињата.
Германската полиција мораше итно да реагира и релативно брзо ја стави ситуацијата под контрола. Искршени се неколку излози и градини.
И додека еден дел од странските медиуми пишуваат дека се работи за пресметки меѓу англиски и српски навивачи, „Билд“ јавуваат дека биле вмешани и албански навивачи.
Искршени се неколку излози и градини.
Натпреварот ќе започне во 21 часот.
I have arrived to Gelsenkirchen ❤️ pic.twitter.com/6eOQVAw0Ay
— Diego | It’s coming home 🏴 (@DiegoNUFC) June 16, 2024
Liebe Grüße aus Gelsenkirchen#EURo2024 pic.twitter.com/3jQ012qmTQ
— slevin 🥷🏼 (@DieserOnkel) June 16, 2024
Just arrived in centre of Gelsenkirchen and a large group of hooded face-covered locals attacked a load of Serbian fans outside a bar!
Hundreds of England fans including kids eating and drinking yards away, totally uninvolved!
Lively start to the day! pic.twitter.com/7mn0DAzIPS
— Simon Clare (@SiClare) June 16, 2024