Спорт
Милко Ѓуровски: Тадиќ е фино момче, јас да бев негово место немаше да влезам во игра

Милко Ѓуровски во интервју за „Моцарт спорт“, го најави утрешниот натпревар меѓу Словенија и Србија на Европското прврнство. Милко, со години ивее во Марибор, а во кариерата играше за белградските великани Црвена звезда и Партизан.
„Мала предност и давам на Словенија. Пред се поради менталитетот. Ќе се подготват многу добро. И тие што играат и тие што седат на клупата. Таму има добри играчи. Го имаш Шешко, кој е добар, го имаш Шпорар, кој лесно влегува во шанси… Ме потсетува малку на Златко Вујовиќ. Само што Златко беше десет пати подобар. Имаат страшен голман, тој Стојановиќ… Како тим треба да ги почитуваш. Но, ако гледаме поединечно, Србија е многу посилна. За жал, не играат имиња“.
Милко ја коментирае и изјвата на српскиот капитен Душан Тадиќ по натпреварот со Англија. Тадиќ јавно го искажа незадоволството што го почна мечот со Англија од клупата за резерви.
„Па кажи ми зошто да го осудам? Дали ја слушна изјавата? Не навлегувам во тоа дали е најдобар… Прво, тој е капитен. Тој само рече дека сакал да игра од самиот почеток. И дека ја почитува одлуката. Не спомна дека е лут, дека повеќе нема да игра, ниту нешто слично. Добро, седеше на клупата, па влезе. Јас, на пример, не би влегол“.
Се ставаш во негова позиција…
„Да! Затоа што јас сум таков лик. Јас не би влегол! Тој е мирно, примерно момче. Тој само го кажа она што му беше на ум. Тоа го знае и Пикси. И тој беше во такви ситуации. Ќе се вратам на себе – кога тренерот ќе ме остави на клупата, навивав мојот тим да загуби. Така размислував кога играв. А Тадиќ видовте како реагираше. Изјавата е коректна. Момчето само се цени себеси“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона не знае каде за две недели ќе ја пречека Валенсија

Барселона е во трка со времето за да го игра натпреварот против Валенсија во 4. коло од Ла Лига на реновираниот „Камп Ноу“. Натпреварот е закажан за 13 или 14 септември, но сè уште не е сигурно дали Каталонците дотогаш ќе ги добијат сите потребни дозволи.
Доколку враќањето на кулниотт стадион не е можно, „Монтиливи“, стадионот на Џирона, се разгледува како резервна опција, додека играњето на „Монжуик“, односно Олимпискиот стадион, е откажано бидејќи концертот на Пост Мелоун ќе се одржи таму на 12 септември, а стадионот нема да биде подготвен за фудбалски натпревар.
Ла Лига нема да дозволи промена на распоредот или промена на домаќинствата, па Барселона не може да игра натпревар на „Местаља“ во Валенсија.
Стадионот „Јохан Кројф“, исто така не е во игра бидејќи со своите 6.000 седишта не го исполнува минималниот капацитет од 8.000 седишта потребни за натпреварите од Примера.
Клубот јасно стави до знаење дека опцијата за играње без публика не доаѓа предвид. Одлучувачка ќе биде инспекцијата на Градскиот совет на Барселона, најавена за вторник.
Потоа ќе се одлучи дали „Камп Ноу“ може повторно да се отвори за навивачите.
Во понеделникот, градежниот инспекотрат, геодетите и компанијата „Лимак“ го потпишаа сертификатот за фаза 1А од работите, со кои стадионот е опремен за 27.000 гледачи.
Технички, ова остава можност дербито со Валенсија да се игра на „Камп Ноу“, но клубот сè уште чека конечни дозволи.
Фото/ Принтскрин
Спорт
Таткото на Белингем се карал со директорот на Борусија откако неговиот син бил заменет на полувремето

Борусија Дортмунд одлучи да ги заостри протоколите во соблекувалната и им забрани на сите членови на семејствата на фудбалерите влез во таа зона. Клубот се реши на ваков чекор, по инцидентот што го направија родителите на Џоб Белингам во саботата.
Дортмунд имаше предност во дуелот со Сент Паули од 3:1 во 85-та минута од натпреварот, но не успеа да победи. Дуелот заврши со резултат 3:3.
Тензијата по натпреварот, само ја зголемија родителите на Џобе Белингам, Марк и Дениз, кои биле незадоволни откако го видоа својот син како останува во соблекувалната на полувремето.
Тие го чекале во тунелот по завршувањето на натпреварот раководството на Дортмунд за да се соочат со нив. Според новинарите на „Скај Спортс Германија“, Марк Белингам прво имал емотивен разговор со спортскиот директор на Дортмунд, Себастијан Кел.
Тој ја изрази својата фрустрација од од одлуката на тренерот неговиот син да остане во сблекувалната по првите 45 минути. Но, според овој извор, си зел за право да ги критикува играчите на тимот за кој игра неговиот син.
„Билд“, објави дека Марк Белингам побарал итен состанок со тренерот Нико Ковач.
Џоб Белингам е помалдиот брат на играчот на Реал, Џуд. Тој пристигна во Дортмунд од Сандерленд ова лето за 32 милиони фунти.
Фото/ Принтскрин
Спорт
Тотенхем тргна по потписот на Инкапие, Арсенал би можел да му го украде
Арсенал е подготвен да му зададе уште еден тежок удар на Тотенхем. Во финишот на преодниот рок Арсенал се распрашува за Пјеро Инкапие. Еквадорецот кој може даигра како лев бек, но и како лев стопер е на радорот на Тотенхем.
Тотенхем се обидува да се засили во финишот на преодниот рок. Мета им е Инкапие, клубот е подготвен да ја активира откупната клаузула во неговиот договор од 60 милиони евра.
„Скај Спортс“, тврди дека за Еквадорецот постои интерес и кај Арсенал, бидејќи во клубот работата на трансферите на неколку играчи од одбраната (Зинченко, Виеира, Нелсон).
Минатата недела, Арсенал го „украде“ Ечебери Езе од Кристал Палас, со кого Тотенхем веќе имаше постигнато договор.
Инкапие има уште четири години од договорот со Баер, а германскиот клуб сака да го задржи. Но, „Скај Спорт Германија“ пишува дека 22-годишниот Еквадорец одлучил да го напушти Леверкузен.
Инкапие е уште еден играч од најславната генерација на клубот од Леверкузен кој ова лето сака да замине. Претходно Баер го напуштија голманот Храдецки, капитенот Тах, Вирц, Џака, Фримпонг, Адли.