Спорт
Милосављев правеше чуда, Берлин е во финалето на завршниот турнир

Ракометарите на Фуксе Берлин, во своето прво учество на завршниот турнир во Лигата на шампионите, изборија пласман во финалето. Актуелните германски шампиони, во првото полуфинале го декласираа Нанат со 34:24 (18:12).
Првото полуфинале на завршниот турнир мина во апсолутна доминација на поранениот голман на Вардар, Дејан Милосављев. Во ситуација кога најдобриот играч во светот, Матијас Гидсел доби црвен картон во деветтата минута, српскиот голман ја презеде одговорноста и доминираше на теренот.
Берлин во експресно, на почетокот, дојде до предност од три гола (6:3), пооа Гидсел поради невниматепен старт беше исклучен од натпреварот. До крајот тоа не се почувствува во играта на германскиот тим.
Берлни максимално ги користеше одбраните на Милосављев и констатнто ја зголемуваше предноста. Нант во ниту еден момент не успеа да се наметна.
Милосављев мечот го заврши со 15 интервенции, за споредба голманите на Нант заедно имаа осум. Најефикасни на теренот беа Фрајхефнер со 10 и Андерсон со седум кај Берлин, односно Турна со шест во редовите на Нант.
Берлин во финалето ќе го чека подобриот од дуелот помеѓу Барселона и Магдебург.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пјастри му ја подари победата на Норис, Хулкенберг е херојот во Британија

Ландо Норис го искористи подароот од тимскиот колега Оскар Пјастри и победи на трката за Големата награда на Велика Британија. Тркањето на култната патека во Силверстоун ја обележа безбедносното возило, кое шест пати излезе на патеката и брилијантниот Нико Хулкенберг кој го комплетираше подиумот.
Трката која се возеше по тешки услови, требаше, но не ја доби Пјастри. Австраиецот направи глупава греша додека безбедносното возило беше на патеката, поради што доби казна од 10 секунди, што му овозможи на Норис да ја забележи осмата победа во кариерата.
Херој на денот е Хулкенберг од Заубер, во 239 настап во Ф1 трка прв пат се искачи на подиумот. Германецот трката ја започна од 19. позиција.
Бодови во Британија освоија Хамилтон, Ферстапен, Гасли, Строл, Алонсо, Албон и Расел.
Во првенството сега следува пауза од три недели. Следната трка ќе се вози во Белгија на Спа Франкошамп.
Foto/ EPA/PETER POWELL
Спорт
Осимен реши да остане во Истанбул

Виктор Осимен донесе (не) очекувана одлука каде ќе ја продолжи кариерата.
Нигерискиот напаѓач имаше бројни понуди од клубови ширум светот, но сепак, одлучи да остане во Галатасарај.
Осимен одби многу попрофитабилни понуди, како оние од Саудиска Арабија. Тој сакаше да остане во Европа и на крајот ќе го стори тоа, но не во најголемите европски лиги.
Осимен и Галатасарај постигнаа договор за условите, но турскиот клуб сега има уште еден проблем.
Галата треба да му плати на Наполи 75.000.000 евра и тоа е проблем. Турскиот клуб сега се обрати до разни компании низ целата земја за да собере пари за Нигериецот.
Foto/ EPA-EFE/ERDEM SAHIN
Спорт
(Видео) Зубименди во Арсенал

Арсенал во неделата објави дека потпишал договор со шпанскиот фудбалер Мартин Зубименди.
Дефанзивниот играч од средниот ред, кој играше 19 пати за шпанската репрезентација, е производ на младинската академија на Реал Сосиедад, а е член на првиот тим на баскискиот тим од 2018 година.
За тимот од Аноета одигра 236 натпревари и постигна десет голови. Од неговиот трансфер, Сосиедад ќе заработи над 50 милиони фунти.
Со Зубименди, Арсенал ја продолжи традицијата на доведување шпански фудбалери, пред него дресот на лондонскиот клуб го носеа Сеск Фабрегас, Хозе Антонио Рејес, Хектор Белерин, Санто Казорла, Дани Себаљос, Микел Артета (сега тренер), Начо Монреал, Мануел Алмунија, Давид Раја, Микел Мерино…
Foto/ EPA-EFE/RONALD WITTEK
Controlling the tempo.
Martin Zubimendi is a Gunner ✊
Original music by Ezra Collective's Femi Koleoso. pic.twitter.com/sYbDanRUnT
— Arsenal (@Arsenal) July 6, 2025