Иван Ракитиќ (37), во недела ќе се збогува со фудбалот по натпреварот меѓу Хајдук и Шибеник. Легендарниот играч од средниот ред и поранешен хрватски репрезентативец беше снимен како седи и плаче по вчерашниот натпревар на „Пољуд“, а сега е познато значењето на тие солзи. Тоа беше неговиот последен натпревар пред домашната публика во Сплит и претпоследен во неговата кариера.

Ова го наведува Далматинскиот портал, во чиј текст се нагласува дека Ракитиќ сè уште официјално не ја соопштил одлуката, но дека донел одлука според која неговата кариера е завршена.

Ракитиќ пристигна во Хајдук ова лето и стана еден од најголемите фудбалери кои играле во националниот шампионат на Хрватска. Тој постигна два гола и пет асистенции во 38 настапи за клубот од Сплит.

Хрватот е легенда на Севилја, имаше брилијантна кариера и во Барселона, пред 20 години стапна на теренот како играч на Б тимот на Базел.. Од 2007 година, тој беше и член на првиот тим на швајцарскиот клуб, пред да замине во Шалке. По четири сезони во Бундес лигата се пресели во Севилја. Од Андалузија замина во Барселона, со која ги освои Ла Лига, Купот на Шпанија и Лигата на шампионите. Играше заедно со Иниеста, Меси, Суаре, Бускетс, Нејмар…За Барселона одигра 310 натпревар.

Од Барселона повторно се врати во Севилја, со која го повторни успехот од 2014 година и во 2023 го освои трофејот во Лига Европа. По кратка епизода во Ал-Шабаб, минатото лето пристигна во Хајдук.

Сезоната првенството на Холандија заврши со големо разочарување за Ајакс. Иако поголемиот дел од годината го поминаа на врвот на табелата, успаја да испушта предност од едвет бода во последните пет кола.

Ајакс ја заврши сезоната со победа над Твенте, но тоа не беше доволно за да се подобри впечатокот по катастрофалните резултати во април и мај.

Тренерот Франческо Фариоли, кој го презеде Ајакс минатото лето со големи амбиции, потврди по последното коло дека го напушта клубот. Информацијата ја потврди Ајакс преку објава на официјалната веб-страница на клубот.

Во последното коло, кога Ајакс го победи Твенте и но сепак остана без титулата, Фариоли отиде да ги поздрави навивачите заедно со играчите, но во тој момент се расплака на тревникот.

Франческо Фариоли беше тренер на Алањаспор и Фатих Караѓумрук во Турција, на Ница во Франција, а потоа го презеде Ајакс во летото 2024 година. Пред неговата самостојна кариера, работеше како асистент на Роберто Де Зерби во Беневенто и Сасуоло.

Хрватското првенство доби нов заплет во претпоследното коло. Иако се чинеше дека Хајдук нема шанси, тимот од „Пољуд“ со победата над Риека (2:1) останаа во трката за пехарот, но реално со најмали шанси да дојде до неа.

Во исто време, Риека ја испошти првата меч топка, но и покрај поразот од Хајдук, тимот предводен од клупата од Радомир Ѓаловиќ е сè уште прв фаворит, а ќе има пресметка пред своите навивачи против Славен Белупо во сабота.

Во исто време, Динамо Загреб игра против Вараждин, додека Хајдук ќе патува во Шибеник.

Со оглед на тоа што сите три екипи имаат шанса за шампионската титула, челниците на Хрватската лигасе во проблем, потребно е да се организира доделувањето на пехарите и медалите.

Сепак, постои план. Првиот на трите стадиони да бидат испратени реплики од трофејот и медалите, кои би се користеле за церемонијата, а потоа тие би биле заменети со оригиналните.

Втората опција е спектакуларна, речиси филмска, и вклучува хеликоптер кој, во зависност од резултатите, би го носел трофејот до местото каде што ќе се прославува шампионската титула. Било да е тоа Риека, Загреб или Шибеник.