Ракометарот на Загреб, Милош Кос е отстранет од тимот откако предизвикал тепачка по натпреварот со нант (22:25) во Лигата на шампионите.

Хрватските медиуми објавија детали од инцидентот, а клубот потврди дека против Кос е порената дисциплинска постапка. Во наредните денови ќе биде познато каква казна ќе добие.

Во меѓувреме се појавија детали за инцидентот во доблекувалната. Медиумите тврдат дека српскиот репрезентативец физички нападнал соиграч.

„Некои соиграчи во соблекувалната му рекле на Кос дека не игра добро, а откако хрватскиот голман и репрезентативец Матеј Мандиќ му рекол нешто, Кос му удрил тупаница. Го повредил, а повредата е таква што може да го спречи Мандиќ да игра на Светското првенство. Закрепнувањето може да потрае четири до шест недели…Потоа интервенираа другите играчи, при што Звонимир Срна наводно неколку пати го удрил српскиот ракометар“, откриваат хрватските медиуми.

Кос во последно време игра во лоша форма, на последните два натпревари постигна само три гола од 17 обиди.

Меѓународната фудбалска федерација (ФИФА) ги објави кандидатите за наградата „Најдобар (The Best)“, која ја доделува на најдобриот играч во светот.

ФИФА воведе една голема промена кога станува збор за гласањето.

Досега во изборот учествуваа капитените и селекторите на сите светски репрезентации, но и новинари, а сега можност да гласаат за еден од 11-те кандидати ќе имаат и навивачите.

Најмногу играчи на спискот има Реал Мадрид, дури шестмина: Дани Карвахал, Федерико Валверде, Џуд Белингем, Тони Крос, Килијан Мбапе и Винисиус Жуниор. Во конкуренција се и Родри и Ерлинг Халанд од Манчестер сити, односно Флоријан Вирц (Баер Леверкузен), Ламин Јамал (Барселона). Изненадување е што на листата се наоѓа и Лионел Меси кој минатата година осми пат во кариерата ја доби оваа награда.

Ќе биде интересно да се види одлуката на ФИФА, со оглед на скандалозната реакција на Реал Мадрид, кога клупската делегација го бојкотираше доделувањето на Златната топка, кога дознаа дека лауреат ќе биде Родри, а не Винисиус Жуниор.

Во конкуренција за најдобар тренер се Карло Анчелоти (Реал Мадрид), Лионел Скалони (Аргентина), Луис де ла. Фуенте (Шпанија), Пеп Гвардиола (Манчестер сити) и Чаби Алонсо (Баер Леверкузен).

Исто така, ќе бидат наградени и најдобрата фудбалерка, најдобар женски тренер во светот, односно ќе бидат доделени награди за најдобар голман, дефанзивец, фудбалер(ка) од редот за врска и напаѓач во двете конкуренции.

Заедно со наградата „Пушкаш“ за најдобар голт во машка конкуренција, во женска конкуренција за првпат во историјата ќе биде доделена наградата „Марта“.

Гласањето на навивачите на веб-страницата на ФИФА ќе трае до 10. декември, а доделувањето на наградите ќе се одржи на почетокот на следната година.

Ливерпул во средата на „Енфилд“ го победи Реал Мадрид со 2:0 во петтото коло од Лигата на шампионите. Алексис Мек Алистер ги доведе Англичаните во водство во 52. минута, а Коди Гакпо во 76. минута го постави конечниот резултат.

Реал можеше да се врати во игра во 61. минута, но пеналот на Килијан Мбапе го одбрани голманот на Ливепул, Келехер.

Пенал имаа и домашните, но ударот на Мохамед Салах заврши на левата статива од голот на Тибо Куртоа.

Реал Мадрид моментално е 24-та екипа во Лигата на шампионите и го држи последното место кое води во плеј-офот во нокаут фазата. Во следните три натпревари Реал гостува кај Аталанта, ќе го пречека Салцбург и ќе гостува кај Брест.

На тие натпревари избраниците на Карло Анчелоти ќе бидат под притисок да обезбедат пласман во следната фаза, но тренерот на Реал е сигурен дека неговиот тим ќе оди далеку во Лигата на шампионите.

Во изјава за „Ел Ларгуеро“, Италијанецот рече: „Најважно е што Реал ќе биде во финалето на Лигата на шампионите“.

Анчелоти е најуспешниот тренер во историјата на Лигата на шампионите со пет титули, две освои со Милан, три со Реал.