Оперативниот директор на Манчестер сити, Омар Берада, не бил задоволен од календарот во Премиер лигата и фактот дека актуелните англиски шампиони за „Боксинг деј“ ќе треба да одиграат два натпревари за помалку од 48 часа.

„Граѓаните“ на 27 декември (20.45 часот) ќе гостуваат кај Вулверхемптон, а два дена подоцна од 19 часот ќе го пречекаат Шефилд Јунајтед.

„Разочарани сме бидејќи за Божик“ распоредот е толку ‘тесен’. Натпреварите во Премиер лигата бараат добра физичка подготвеност. Не се препорачува да се игра два пати за помалку од 48 часа. Играчите нема да имаат доволно време да се опорават“, рекол Берада и дополнил.

„Разбираме дека телевизиските станици се важен фактор во подготвувањето на календарот меѓутоа мора да се води сметка и за здравјето на фудбалерите“.

Инаку од клубот одржале состанок со челниците на Премиер лигата но не нашле на разбирање.

Нандо де Коло постигна рекордни за него 39 поени за да ги предводи Фенербахче до 87:80 победа над Басконија во Истанбул, прв триумф на турскиот клуб во Евролигата оваа сезона.

Торнике Шенгелија имаше 18 поени, а Шејвон Шилдс 17 за Басконија, за шпанскито клуб да води со 63:62 на 8:32 пред крајот на мечот, пред Фенербахче да се „разбуди“ и Никола Калиниќ и Боби Диксон да вратат со две тројки за одвојување.

Де Коло, покрај личниот рекорд, постави и рекорд за Фенер, надминувајќи ги 34-те поени на Дру Гуделок против Баерн во 2014 година.

„Се чувствував одлично и не е важно што јас направив, туку тимот. Во првите два меча имавме големи проблеми, но денеска се вративме“, изјави Де Коло.

Црвена звезда го намачи Макаби Тел Авив во четири четвртини, но одигра мизерно продолжение за да дозволи израелскиот клуб да стигне до 84:69 победа. Звездашите постигнаа само два поени во продолжението и примија 17 поени за да пропуштат голема шанса.

Рикардо Мораскини со своите први поени од слободен удар во Евролигата им донесе на Милано импресивна 78:77 победа над Панатинаикос во Атина за втора победа оваа сезона. Од другата страна, Ник Калатес, кој беше најдобар стрелец на ПАО со 23 поени и 5 скока, го промаши скок-шутот за да дозволи победа на италијанскиот клуб.

ЕВРОЛИГА, 3.КОЛО

Фенербахче – Басконија 87:80 (22:22, 17:14, 24:22, 24:22)

Макаби Тел Авив – Црвена звезда 84:69 (24:23, 15:17, 16:17, 12:20, 17:2)

Баерн – Асвел Лион 104:63 (30:13, 27:22, 26:16, 21:12)

Панатинаикос – Армани Милано 78:79 (20:24, 18:14, 19:23, 21:18)

Зек Ледеј постигна 26 поени за да ги предводи Жалгирис до првата победа оваа сезона во Евролигата, импресивен 86:73 триумф над Реал Мадрид во третото коло.

Ледеј покрај 26 поени (10-од-14 од поле) имаше 9 скока, додека Најџел Хејс додаде 15, а Мариус Григонис 13 поени за литванскиот клуб. Со оваа победа, Жалгирис ја прекина низата од шест порази од Реал во Каунас и им го нанесе првиот пораз на „кралскиот клуб“.

За Реал, само Ентони Рендолф постигна двоцифрен број на поени (15), додека Серхио Љуљ и Факундо Кампацо имаа по 9 поени.

Руското дерби пак, помеѓу ЦСКА Москва и Химки им припадна на „армејците“, за што најзаслужен беше Американецот Мајк Џејмс. Тој постигна 18 од своите 28 поени во последните 10 минути игра по израмнетиот меч. Вил Клајбурн додаде 21 поен за ЦСКА. Химки доби 25 поени од Алексеј Швед, Девин Букер додаде 18, а Јанис Тима 12 поени.

ЕВРОЛИГА, 3.КОЛО

ЦСКА Москва – Химки 99:86 (29:20, 25:24, 22:16, 23:26)

Жалгирис Каунас – Реал Мадрид 86:73 (18:15, 20:19, 19:26, 29:13)