Спорт
ММА: Јулија Паиќ тепа мажи, ќе се бори за милион долари

Јулија Паиќ е последната ММА-атракција од балканските простори откако 23-годишната ѕвезда, која е родена во Германија, настапува за Црна Гора, а тренира во Хрватска, влезе во игра за џекпотот од милион долари во Професионалната фајтерска лига (ПФЛ).
Паиќ минатата година стана ѕвезда во Германија кога победи еден човек што работи како обезбедување во егзибициски меч, во неверојатно доминатнен меч, а сега ПФЛ потврди дека таа е во игра за големата награда.
„Сакав да се борам со маж бидејќи целиот мој живот сонувам за големи борби, без разлика на полот. Тоа не се случува секогаш“, вели Пајиќ.
Нејзините тетоважи, но и лузни, предизвикаа многу интерес, и таа првин тврдеше дека се работи за повреди од напад на тигар.
Паиќ е една од петте дебитанти во ПФЛ оваа сезона, покрај Белгијката Синди Дандоа, Украинката Олена Колесник, Американката Лора Санчез и Бразилката Маријана Мораиш. Осумте натпреварувачи ќе се борат во четврт-финале и полуфинале пред големиот меч за големата награда. Актуелна шампионка е двократната олимписка шампионка во џудо, Американката Кајла Херисон.
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Дончиќ за судењето: Вакво нешто никогаш не ми се случило во животот

Најдобриот словенечки кошаркар, Лука Дончиќ, даде изјава за медиумите по натпреварот против Германија, кој неговата репрезентација го загуби со 99:91. Дончиќ натпреварот го заврши со 39 поени, 10 скока и седум асистенции.
Словенија водеше во поголемиот дел од натпреварот, но не издржа, Германците направија пресврт во последниот период.
„Горд сум на Словенија. Навистина сум горд“, беше првото нешто што го кажа Дончиќ во микс-зоната на салата во Рига.
Беше прашан дали чувствувал дека судиите не го почитуваат. За потсетување, тој доби техничка грешка веднаш на почетокот, а потоа уште една лична грешка во првите три минути.
Полувремето го заврши со три, а на почетокот од третиот период ја заработи и четвртата лична грешка, што значително ја ограничи неговата продуктивност и во одбраната и во нападот.
„Не сакам да зборувам за судиите. Навистина не сакам. Но, четири фаули на почетокот на третата четвртина, нешто такво никогаш не ми се случило во животот.“
Што се ве боли?
„Не кревајте паника. Ќе имам неколку дена за одмор, па потоа започнува новата сезона“, подвлече Дончиќ.
Foto/ EPA
Спорт
Пелистер со победа ја започна сезоната во Лигата на шампионите

Ракометарите на Пелистер со победа ја отворија новата сезона во Лигата на шампионите. Вечерва во Битола македонскиот првак го победи Загреб со 25:23 (13:12).
Натпреварот беше тврд и неизвесен, на крајот пелистерци имаа среќа и ја остварија победата.
Пелистер водеше во текот на целото прво полувреме, најмногу со три гола, но Загреб во ниту еден момент не му дозволи на протигвникот да се одлепи. Со два гола гостите го заклучија првиот дел (13:12).
Стартот на вториот дел им припадна на гостите, со серија од четири гола го презедоа водството (14:16). Пелистер одговори со три гола (19:18), а во последните 10 минути домашните влегоа со предност од три гола (23:20, 24:21).
Сепак Пелистерци дозволија мечот да има драматичен финиш. Пешевски при резултат 24:23 промаши зицер на 24 секунди до крајот. Загреб лошо го одигра последниот напад, Хеидарирад го одбрани шутот на Кларица, а потоа на празен гол погоди, со што ја круниса добрата партија во вториот дел.
Иранскиот голман забележа шест одбрани, додека најефикасни беа Мансков со осум и Кузмановски со шест гола.
Foto/ facebook.com/hceurofarmpelister
Спорт
Дончиќ испиша историја, Германија избори полуфинале на Евробаскетот

Кошаркарите на Германија обезбедија пласман во полуфиналето на Европското првенство.
Во натпревар полн со возбудувања, актуелните светски шампиони ја победија Словенија со 99:91.
И покрај победата на „Панцерите“, натпреварот го одбележа неверојатниот Лука Дончиќ, кој го одигра речиси целото второ полувреме со четири фаули, и покрај тоа, го сруши рекордот на Евробаскетот.
Натпреварот го заврши со 39 поени (11/25 од поле), што е најмногу во историјата на четвртфиналињата на континенталното натпреварување. Тој имаше и 10 скока, односно седум асистенции, како и три изгубени топки.
Ова беше осмиот натпревар во неговата Евробаскет кариера во кој постигна најмалку 30 поени, а само Дражен Петровиќ (9), Радивој Кораќ (12) и Никос Галис (23) имаат повеќе од него.
Клемен Препелиќ со 13 и Грегор Хорват со 11 беа единствените кои имаа двоцифрен број поени кај Словенија.
Германците не блескаа, но на крајот сепак покажаа дека се подобар тим. Франц Вагнер беше најефикасен со 23 поени (седум скока, четири асистенции), но постигна повеќе од половина од поените од линијата за слободни фрлања (13/14).
Денис Шрудер го заврши натпреварот со 20 поени и седум асистенции, со 1/9 тројка. Тајс имаше 15, Ло 11, а Обст исклучително вредни 10 поени.
Словенија остана без гориво на крајот. Иако беа брилијантни три периоди, падот на концентрацијата на крајот од третиот период ги чинеше скапо.
Тимот на Александар Секулиќ водеше во поголемиот дел од првите 30 минути. На Германија вештачко дишење и даде неверојатната тројка на Тристан Да Силва со свукот на сирената, откако Николиќ промаши чист шут за предност од девет поени.
Потоа во првата минута од последната четвртина Германците постигнаа уште шест поени, го презедоа водството и не го испуштија до крајот.
Германија во полуфиналето ќе игра против Финска, во второто полуфинале ќе играат Грција и Турција.
Foto/ EPA