Спорт
Многу емоции на „Сан Паоло“, Наполи со висока победа во чест на Марадона

Во меч со многу емоции, Наполи вечерва на „Сан Паоло“, по ново стадион „Диего Армандо Марадона“ забележа победа со 4-0 против екипата на Рома.
„Дербито на сонцето“ започна со едноминутно молчење поради смртта на Диего Марадона, фудбалерот кој остави неизбришива трага токму на овој стадион и во овој клуб.
Пред почетокот на мечот, капитенот на Наполи, Лоренцо Инсиње остави букет цвеќе пред големиот постер во чест на „Ел Пибе“ на една од трибините на стадионот.
Il Capitano omaggia Diego Armando Maradona sotto le Curve A e B
Diego ? pic.twitter.com/gg25C4Y9Cm
— Official SSC Napoli (@sscnapoli) November 29, 2020
Во 10-тата минута, на сред натпревар, играчите на двете екипи застанаа и со едноминутен аплауз оддадоа почит на екс-фудбалерот кој на грбот го носеше бројот 10- Диего Армандо Марадона.
Избраниците на Џенаро Гатузо успеаја со триумф со 2-0 на некој начин да се заблагодарат кон Марадона за својата трага во овој клуб.
Капитенот Инсиње во 31 минута со одличен шут од слободен удар донесе водство од 1-0. Веднаш по голот отрча до клупата за резерви, го зема дресот со број 10 на кој стоеше презимето Марадона, го бакна и го сврте кон камерите.
Наполи имаше повеќе од играта во целиот меч, а резултат на тоа е и зголеменото водство во вториот дел. Се играше 65 минута, па по одличната асистенција на Марио Руи, Фабијан Руис прецизно шутираше до самата статива за 2-0. Руис голот го прослави во прегратка со нашиот репрезентативец Елиф Елмас кој во игра влезе во 78 минута.
Токму Елмас придонесе за третиот гол за Наполи на овој меч. Се играше 81 минута кога Елмас силно шутираше од 20-тина метри, голманот на Рома – Миранте лошо ја одби топката, на неа налета Мертенс и реализираше за 3-0.
И тоа не беше се. Политано со вистински слалом во 86 минута погоди за високи 4-0.
Со овој триумф Наполи се искачи на петтата позиција со 17 бода. Исто колку што има и Јувентус позиција погоре, но и Рома која е шеста со ист број бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Фудбалот е повеќе од игра – Караванот на Mozzart пристигнува во Свети Николе!

После Охрид и Велес, радоста и спортскиот дух продолжуваат да го освојуваат и Свети Николе. Караванот „Фудбалот е повеќе од игра“ утре ќе го донесе третиот мини пич терен, ново место каде младите соништа ќе се будат, топките ќе тропаат со надеж, а срцата ќе чукаат во ритамот на спортот.
Оваа акција, започната во Србија, годинава со љубов и посветеност се реализира и во Македонија. Секој терен е доказ дека фудбалот поврзува генерации, зајакнува заедници и инспирира идни шампиони.
Теренот во Свети Николе со гордост ќе го носи името на легендарниот македонски фудбалер Бобан Бабунски, додавајќи му посебен дух и чест на овој простор. Претходно, фудбалската магија веќе оживеа во Охрид со теренот на Гоце Толески и во Велес со теренот посветен на Панче Ќумбев.
Свеченото отворање ќе се одржи утре, на 05.08.2025, со почеток во 18:30 часот, на ул. 29 Ноември.
Mozzart ве поканува да бидете дел од овој незаборавен момент – да го прославиме спортот, заедништвото и соништата.
„Ве покануваме сите љубители на фудбалот – дојдете, поддржете, инспирирајте! Заедно да го заокружиме патувањето на караванот оваа година со радост, емоција и верба дека фудбалот навистина е повеќе од игра,“ порачуваат од компанијата Mozzart.
(ПР)
Спорт
Барселона не може да регистрира пет играчи

Барселона сè уште има проблеми со финансискиот фер-плеј, што дополнително ја комплицира ситуацијата.
Каталонците ставија неколку играчи на трансфер листата, но додека чекаат нивна продажба, се соочуваат со истата ситуација како и минатата сезона.
Станува збор за регистрација на играчи за новата сезона. Како што пишува „Мундо Депортиво“, засега Барселона не може да смета на Рашфорд, Жоан Гарсија, Жерар Мартин и Руни Барги.
Дури ни на Војчех Шчесни, кој неодамна потпиша нов договор, а мора повторно да биде регистриран, бидејќи официјално беше слободен агент од први јули.
Ќе видиме како ќе ја решат ситуацијата во Барселона, но сигурно е дека Ханси Флик не спие многу мирно две недели пред почетокот на првенството.
Фото/ Принтскрин
Спорт
Ако Шкендија го мине Карабаг во плеј-офот за ЛШ ќе игра против Лудогорец или Ференцварош

Македонскиот шампион Шкендија знае против кого ќе игра во плеј-офот за пласман во Лигата на шампионите, доколку во третото коло го елиминира Карабаг.
Лудогорец или Ференцварош ќе и биде противник на Шкендија, под услов клубот од тетово да го мина Карабаг.
Плеј-офот ќе се игра на 19/20, односно 26/27 август.
Плеј-оф двојки за пласман во Лигата нашампиони:
Лудогорец/Ференцварош – Шкендија/Карабах
Лех Познањ/Црвена Звезда – Динамо Киев/Пафос
Бодо/Глимт – Штурм Грац
Селтик – Каират/Слован Братислава
Базел – Малме/Копенхаген
Фото/ Принтскрин