Спорт
Многу фудбалери ќе се приклучат на Бејл и Златан во борбата против ФИФА 21?

Голем број на професионални фудбалери се подготвени да се приклучат на Златан Ибрахимовиќ и Герет Бејл во протестот против користењето на нивните ликови во видео играта ФИФА 21 на „ЕА спортс“, тврди „Атлетик“.
Двајцата фудбалери, заедно со агентот на Ибрахимовиќ, Мино Рајола, преку Твитер ги повикаа „ЕА спортс“ и организацијата на фудбалери ФИФПро да реагираат за користењето на нивните ликови во видео играта, сметајќи дека тоа не го дозволиле. Сепак, во „ЕА спортс“ сметаат дека со договорите кои ги иамаат со нивните клубови, Милан и Тотенхем, се добиваат и правата за фудбалерите, стадионите и дресовите.
Иако не постои идеа за кампања за борба против „ЕА спортс“, се верува дека многу фудбалери охрабрени со потегот на двете фудбалски ѕвезди ќе се јават јавно против американската компанија. Другите извори пак, велат дека се работи за борба за влијание пред состанокот на ФИФПро во јануари, кога ќе се одлучува за реформа на правилата на фудбалските агенти и користењето на ликовите на фудбалерите.
Иронично, една друга поранешна фудбалска ѕвезда, Дејвид Бекам, неодамна по 23 години се „смири“ со „ЕА спортс“ потпишувајќи богат договор за користење на неговиот лик во играта.
.@Ibra_official Interesting… what is @FIFPro? ? #TimeToInvestigate
— Gareth Bale (@GarethBale11) November 23, 2020
Hope we get the answer to our letters now @Ibra_official https://t.co/IRwh2CDcL5
— Mino Raiola (@MinoRaiola) November 23, 2020
Somebody is making profit on my name and face without any agreement all these years.
Time to investigate— Zlatan Ibrahimović (@Ibra_official) November 23, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Сити лесно се справи со Наполи, Рашфорд го реши Њукасл, дебакл на Галатасарај во Франкфурт

Големото дерби од првото коло од Лигата на шампионите на „Етихад“ заслужено им припадна на „Граѓаните“: Манчестер Сити го победи Наполи со 2:0.
Во центарот на вниманието беше довчерашниот капитен на „Граѓаните“, Кевин Де Брујне, со кого си поигра судбината. Тој го имаше своето деби за Наполи во Лигата на шампионите против „својот“ Сити, но беше заменет во 25-та минута.
Едноставно, Антонио Конте мораше да жртвува некого кога Ди Лоренцо доби директен црвен картон и реши да го направи тоа поранешниот капитен на Сити.
Од тој момент Сити нападна со сите оружја, но Вања Милинковиќ Савиќ беше одличен на голот на гостите. Тој го чуваше својот гол брилијантно, имаше шест одбрани во првото полувреме.
Сепак, во продолжението од натпреварот, тој и Наполи не издржаа со еден играч помалку.
Прво, Ерлинг Холанд ја потврди својата одлична форма и го доведе Сити во водство, а конечниот резултат го постави Дока со првиот гол во сезоната.
На другиот крај од Англија, во Њукасл, домаќинот и Барселона одиграа просечен натпревар. Славеа Каталонците со головите на поранешниот играч на Манчестер јунајтед, Маркус Рашфорд.
Првото полувреме донесе само една шанса, пред голот на Барселона, но Барнс не успеа да го совлада Гарсија.
Во вториот дел Рашфорд во 56-та минута со глава го постигна првиот гол, а девет минути подоцна ја скина мрежата на Пуоп. До крајот во 90-та минута Гордон успеа само да го намали резултатот.
Ајнтрахт во Франкфурт го декласира Галатасарај. Турскиот шампион кој вложи многу во тимот оваа сезона загуби со 5:1. Акгун му донесе предност на Галатасарај по само осум минути игра и тој резултат на семафорот стоеше до 37.минута, кога изедначи Доан. До крајот на првиот дел играчите на Ајтрахт во втората и четвртата минута од судиското надополнување на времето, постигнаа два гола, преку Узун и Буркарт. Овој вториот со уште еден гол ја зголеми предноста во 66-та, а Кнауф во 75-та минута стави точка на натпреварот.
Убедливи на домашен терен беа и играчите на Спортинг против дебитантот Каират (4:1).
Лошо започна мечот за Спортиг, Хјумланд не реализираше пенал. Тринкао погоди за 1:0 во претпоследната минута од првиот дел. Второто полувреме започна со две големи шанси за Каират. Гостите не реализираа, по што следуваше сурова казна, три гола за три минути. Тринкао постигна гол во 65-та, Алисон две минути подоцна, а во 68-та минута стрелец беше и Кенда. Првиот гол во историјата на Каират во Лигата на шампионите го постигна Едмилсон во 86-та минута.
Спорт
Последните 10 минути кобни за Пелистер – Македонскиот првак загуби од ПСЖ

Ракометарите на Пелистер доживеаја пораз во Париз, од ПСЖ 33:27 (16:16) во второто коло во Лигата на шампионите.
Пелистер на фаворизираниот противник му пружи сериозен отпор. 50 минути македонскиот првак играше егал со фаворизираниот противник. Последните 10 минути беа кобни за Пелистер, ПСЖ г заклучи натпреварот со серија 7:0.
Во текот на мечот Пелистер имаше минус од четири гола, во првиот дел, но на полувремето резултатот беше изедначен, 16:16.
Играчите на тренерот Рубен Гарабаја, во вториот дел два пати имаа предност од три гола, не успеаја да ја задржат, а се чини дека во финишот немаа сила да го задржат темпото во кое играа 50 минути.
Десниот бек на Франција и ПСЖ, Пранди со 11 гола беше најефикасен на натпреварот,
Шипжак постигна седум гола. Пелистер го предводеа Манасков со пет гола, еден помалку имаше Кузмановски, а Цехте постигна три гола. Во следното коло Пелистер ќе го пречека ГОГ Гудме,
Foto/ facebook.com/hceurofarmpelister
Спорт
(Видео) Бриж го декласира Монако, Баер во 92-та минута се спаси од пораз во Копенхаген

Третиот ден од првото коло во Лигата на шампионите започна со убедливата победа на Бриж над Монако (4:1) и ремито меѓу Копенхаген и Баер Леверкузен (2:2).
Бриж за десет минути во првото полувреме го реши прашањето околу конечниот победник на стадионот „Јан Брајдел“.
Сè можеше да биде поинаку доколку Манес Акљуш реализираше пенал за Монако во 10-та минута.
Домашниот голман Симон Мињоле успеа да направи многу за само 18 минути. Тој беше виновникот за пеналот, потоа го одбрани ударот на Акљуш, доби жолт картон и ја напушти играта поради повреда.
Бриж, потоа имаше неколку шанси, но Филип Коне беше на висина на задачата и ги спречи обидите на Никол Тресолди и Христос Цолис.
Конечно Бриж го скрши отпорот на „кнезовите“ во 32-та минута, кога капитенот Ханс Ванакен елегантно му ја додаде топката на Тресолди, кој конечно го совлада Коне.
Домашниот тим го дуплираше водството во 39-та минута. Александар Станковиќ шутираше со глава по корнер, Коне одбрани, а Рафаел Онједика го постигна вториот гол за Бриж.
Бриж не застана тука до полувремето, па во 43-та минута Ванакен ја круниса добрата игра со гол.
Четвртиот гол за Бриж го постигна Мамаду Диакон во 75-та минута.
До крајот на натпреварот, Монако успеа да постигне почесен гол, а стрелец беше резервниот играч Ансу Фати во втората минута од судиското продолжение.
Во истиот период, Копенхаген и Леверкузен одиграа нерешено 2:2 по возбудлив финиш.
Копенхаген добро го отвори натпреварот и поведе со 1:0, кога Џордан Ларсон го искористи додавањето од провери Марк Флекен.
Во првото полувреме немаше многу шанси, а на крајот, Јусуф Мукоко можеше да го удвои водството на Копенхаген, но голманот на Баер беше сигурен.
Во вториот дел од натпреварот немаше возбудувања до завршните десет минути. Со спектакуларен гол изедначи Алехандро Грималдо во 82-та минута.
🚨🇪🇺 WHAT A FREE KICK FROM GRIMALDO WITH BAYER LEVERKUSEN! 🤯pic.twitter.com/t4ZleTFEvW
— Tekkers Foot (@tekkersfoot) September 18, 2025
Само пет минути подоцна, Бразилецот Роберт повторно му донесе водство на Копенхаген.
Токму кога се чинеше дека натпреварот ќе заврши со победа на домашниот тим, Клаудио Ечевери шутираше кон голот, а Гркот Пантелис Хацидијакос во обид да блокира си постигна автогол за конечен резултат – 2:2.
Foto/ EPA