Спорт
Модриќ направи хаос на последниот натпревар за Реал, Хрватот бил гневен на двајца соиграчи
Лука Модриќ, еден од најголемите фудбалери во историјата на Реал Мадрид, својата блескава ера во „кралскиот клуб“ ја заврши со пораз и горчлив вкус. Во натпревар кој беше симболично негов проштален, поразот од ПСЖ со 4:0 не беше најтешкиот момент. Она што го потресе Модриќ беше однесувањето на дел од соиграчите.
Според шпанските медиуми, Модриќ бил видно фрустриран по последниот судиски свиреж и во соблекувалната гласно го искажал своето незадоволство од ангажманот на неколку ѕвезди во тимот. Според извори блиски до тимот, Хрватот им префрлил на двајца од најекспонираните фудбалери дека „играле без жар и не покажале доволна борбеност кога било најпотребно“.
По дуелот со ПСЖ имал забелешки за пристапот кон играта кон Винисиус Жуниор и Џуд Белингем. Едноствно им рекол дека не се труделе доволно пред се во одбраната, играле без желба за победа и едноставно „се сокриле“ на теренот кога било најпотребно. Тоа не им се допаднало на двајцата кои реагирале и дошло до мал конфилкт меѓу сега веќе поранешните соиграчи.
Иако натпреварот против ПСЖ беше крај на еден епски циклус, 38-годишниот хрватски ветеран не дозволи емоциите да го спречат да го изрази ставот, дури и на својот последен ден во дресот на Реал Мадрид.
Лука Модриќ за 13 години во Мадрид освои вкупно 28 трофеи, меѓу кои и шест титули од Лигата на шампионите, со што се вброи меѓу најтрофејните и најважните фигури во историјата на клубот.
Во новата сезона, која најверојатно ќе биде и последна во неговата професионална кариера, Модриќ ќе го носи дресот на италијанскиот Милан, каде се очекува да му даде искуство и стабилност на средниот ред.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лил ја згасна Звезда
Фудбалерите на Лил триумфално го завршија натпреварот во Белград. Надополнија минус од еден гол, и по продолженијата со 2:0 славеа на „Рајко Митиќ“.
Дека Црвена звезда ќе има тешка вечер, навести ветеранот Оливие Жиру со голот во четвртата минута. Лил ја анулира предноста на противникот и потоа доминираше во првиот дел, но резултатото не се промени.
Второто полуврме донесе подобра игра на домаќинот, неколку шанси, без реализиција, па натпреварот замина во дополнителните 30 минути.
Таму на црвено-белите им пресуди Ендој во 99-та минута.
Лил во осминафиналето ќе игра против Лион или Астон Вила.
Foto/ Starsport
Спорт
Убедлив пораз на Шкендија кај Самсунспор
Фудбалерите на Шкендија го завршија својот настап во Конференциската лига. Вечервва, во рамките на плејофот за место во осминафиналето, Шкендија загуби со 4:0 кај Самсунспор. Турскиот тим со вкупен резултат 5:0 се пласира во следната фаза.
Шкендија успеа да издржи во првиот дел, но во вториот домаќинот ја демонстрираше својот квалитет.
Нтчам од пенал погоди во 53-та минута, а Ендиај го зголеми резултатот во 71-та. Точка на победата стави стрелецот на голот во Скопеј, Мариус во 79-та и 92-та минута.
EPA/GEORGI LICOVSKI
Спорт
Челзи или Баселона – Луис Енрике откри со кого сака да се соочи
Тренерот на Пари Сен Жермен, Луис Енрике, повеќе би сакал да се соочи со Челзи отколку со Барселона во осминафиналето од Лигата на шампионите.
Актуелниот првак немаше лесна задача во баражот, но успеа да го елиминира Монако. Утре ќе го дознае противникот во осминафиналето.
„Ќе бидам целосно искрен, нека Барселона не заобиколи овој пат. Веќе реков дека сакам повторно да играм против Челзи. Овој пат не сакам да играм против Барселона. Од емотивна страна, дуелот со Барса е секогаш посебен за мене, бидејќи е убаво да се вратиш дома. Барселона е прекрасна и многу посебна за мене. Затоа би сакал да играм против Челзи, ни должат, рече Луис Енрике.
Шпанецот алудираше на поразот во финалето на Светското клупско првенство во кое Челзи победи со убедлив резултат од 3:0.
Ждрепката за осминафиналето од Лигата на шампионите е закажана за петок во 12:00 часот.
Foto/ depositphotos

