Спорт
Модриќ или Меси – Хрватска или Аргентина

Започнува разврската на 22.Светското фудбалско првенство. До крајот на првенството останаа уште четири натпревари. Вечерва ќе се одигра првото полуфинале. Од 20 часот, на Лусаил Ајконик стадионот во Лусаил ќе играат Хрватска и Аргентина.
Светската фудбалска јавност погледите ќе ги насочи кон лидерите на двете репрезентации, ветераните Лука Модриќ и Лионел Меси.
„Коцкестите“ на Модриќ ќе се обидидат да го повторат резултатот од последното Светско првенство во Русија кога го играа финалето. Пред четири години во групната фаза ги победија Аргентинците со 3:0.
Од друга страна, Меси е во мисија да го освои својот прв Мундијал и да замине во репрезентативна пензија.
Победникот од мечот во финалето ќе игра со подобриот од дуелот меѓу актуелниот шампион Франција и сензацијата на турнирот Мароко.
Хрватска и Аргентина досега играле пет пати.
Првиот дуел го имаа во 1994 година на пријателски натпревар кој заврши без голови.
Потоа, на Светското првенство во Франција во 1998 година, Аргентина победи благодарение на голот на Маурицио Пинеда.
Следеа два пријателски натпревари – во 2006 година, на дебито на Лука Модриќ за Хрватска, Хрватска победи со 3:2 со головите на Иван Класниќ, Дарио Срна и Дарио Шимиќ. Карлос Тевез погоди за Аргентина, а првиот гол за „гаучосите“ го постигна и Лионел Меси.
Осум години подоцна во Англија, Аргентина оствари нова победа 2:1. Анас Шарбини погоди за Хрватска, а Аргентина победи со головите на Кристијан Ансалди и Лео Меси.
Последната средба беше на Светското првенство во Русија. Хрватска победи со 3:0 во групната фаза со головите на Ребиќ, Модриќ и Ракитиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шеј Гилџис-Александер е МВП

Шеј Гилџис-Александер од Оклахома Сити Тандер ја доби наградата за најкорисен играч (MВП). Оваа вест ја објави познатиот инсајдер Шамс Чаранија.
Беше многу напната трка помеѓу канадскиот кошаркар и поранешниот MВП, Никола Јокиќ. Сепак, најдобриот стрелец во сезоната доби предност пред Србинот, кој водеше во четирите најважни категории во плејофот.
Шеј Гилџис-Александер доби поголема поддршка од оние што гласаа. Канаѓанецот ја предводеше Оклахома до најдобриот скор во лигата и до финалето на Западната конференција.
Оклахома стигна до борбата за големото финале победувајќи го Денвер на Никола Јокиќ во седум натпревари.
Инаку, бекот на Оклахома е вториот канадски кошаркар по Стив Неш кој ја добил наградата за најкорисен играч (MВП).
На овој начин, Канада стана првата земја, освен САД, која има повеќе лауреати на наградата MВП. Ова е исто така седма сезона по ред Американец да не биде прогласен за најкорисен играч во регуларниот дел од сезоната.
Серијата започна во 2018/19 година. Јанис Адетокумбо беше беше двократен МВП. Потоа Никола Јокиќ двапати беше прогласен за најкорисен играч во лигата. Потоа е сезоната 2022/23 кога лауреат беше Камерунецот Џоел Ембид, а Никола Јокиќ повторно ја освои наградата минатата сезона.
Спорт
(Видео) Тотенхем преку Манчестер јунајтед до трофејот во ЛЕ и место во ЛШ

Фудбалерите на Тотенхем го победија Манчестер Јунајтед, ја освоија Лига Европа и обезбедија директен пласман во Лигата на шампионите следната сезона.
Финалето во Билбао на стадионот „Сан Мамес“ заврши со резултат 1:0 (1:0). Бренан Џонсон го постигна единствениот гол во 42-та минута.
Тотенхем одигра неверојатно дисциплинирано во текот на целиот меч, ја искористија шансата преку Џонсон, а Јунајтед ќе жали за шансите на Хојлунд (кога Ван дер Вен со акробатска интервенција ја исфрли топката од гол линијата), Бруно Фернандеш и Лук Шо во претпоследната минута, кога Викарио брилијантно интервенираше.
Тотенхем го освои првиот трофеј по 2008 година, воедно ова е прв европски трофеј за клубот по пауза од 41 година. Тотенхем во 1984 година го освои Купот на УЕФА.
Спорт
Вардар шести пат во историјата го освои Купот на Македонија

Фото/ EPA-EFE/GEORGI LICOVSKI
Фудбалерите на Вардар го освоија Купот на Македонија за сезоната 2024/25. Црвено-црните во финалето славеа со 2:0 над Струга ТЛ. Вардар го освои шестиот Куп во клупската историја, прв по пауза од 18 години.
Вардар до триумфот го предводеше младиот напаѓач Талевски. Ги постигна двата гола во 26. и 48.минута од натпреварот.
Струга имаше свои шанси во ова финале, но не искористи ниту една. Најдобрите не ги искористија Укпа, Радески и Кривањева кога резултатот беше 0:0. Откако Талевски го постигна првиот гол, Доминго ја погоди стативата.
Тренерот на Вардар, Гоце Седлоски го освои првиот трофеј во Купот, додека неговиот колега Илчо Ѓорѓиоски не успеа да дојде до трофејот во Купот и во своето второ финале.
Вардар со оваа победа избори пласман во квалификациите во Конференциската лига.