Спорт
Модриќ одигра лоша партија, доби аплауз, а Бејл само свирежи

Најдобриот фудбалер за минатата 2018 година, Хрватот Лука Модриќ вчера во тешката победа на Реал Мадрид против Еибар од 2-1 не беше на своето стандардно ниво.
„Тој се чувствуваше чекор подалеку од „фрлање пешкир“. Ова не е добро, и она што го опкружува воопшто не му помага. Кога неговиот светилник ќе се угасне, Реал е изгубен“ – пишува угледниот „АС“.
Шпанските новинари се сложни дека вчера беше една од најлошите партии на Модриќ во „кралскиот дрес“. Зидан го извади од игра во 76 минута, но навивачите го наградија со аплауз.
Модриќ е миленин на навивачите на Реал Мадрид што не може да се каже за Велшанецот Герет Бејл кој од трибините на „Сантијаго Бернабеу“ доби свирежи.
Модриќ сезонава има 41 настап за „кралевите“ во сите натпреварувања, постигна 4 гола и имаше 7 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Денвер Нагетс загубија од најлошиот тим во НБА лигата

Кошаркарите на Денвер Нагетс доживеаја шокантен пораз на домашен терен од најлошиот тим во лигата, Вашингтон Визардс 123:126. Ова е втор пораз на Денвер од Вашингтон оваа сезона.
Нагетс не играат добро оваа сезона и тоа е јасно. Премногу осцилираат, па им се случува да губат и кога Никола Јокиќ ќе постигне 40 поени. Србинот имаше и 13 скокови и девет асистенции. Џамал Мареј уфрли 24, а Расел Вестбрук 22 поени со кои ја префрли границата од 26.000 поени во кариерата. Стана 26.кошаркар во историјата со ваков учинок.
Деневер го уништи Џордан Пул, во завршната фаза од натпреварот. Постигна 19 поени, но три тројки во финишот, меѓу кои и оваа за триумф на Визрдс. Најефикасен кај победникот беше Сар со 34 поени.
Резултати:
Бруклин – Бостон 113:115
/Џонсон 23 – Порзингис 24/
Детроит – Оклахома 107:113
/Харис 18 – Гилџес-Александар 48/
Милвоки – Индијана 126:119
/Антетокунбо 34 – Нејсмит 30/
Мемфис – Мајами 125:91
/Џексон Јуниор 31 – Вер 19/
Хјустон – Чикаго 117:114
/Грин 28 – Вајт 23/
Голден Стејт – Њујорк 97:94
/Кари 28 – Таунс 32/
Сан Антонио – Њу Орлеанс 119:115
/Васел 22 – Мекалум 26/
Спорт
(Видео) Лајпциг во дербито ја победи Борусија Дортмунд

Лајпциг на домашен терен ја совлада Борусија Дортмунд со 2:0, во дерби натпреварот одигран во 26. коло од Бундес лигата.
Лајпциг поведе во првото полувреме и ја потврди победата во вториот дел од натпреварот. Борусија имаше иницијатива, но не успеа да ги материјализира шансите.
Домашните поведоа во 18. минута, кога Чави Симонс погоди на асистенција на Бенџамин Шешко за 1:0.
Победата ја потврди Лоис Опенда во 48. минута, на кого му асистираше стрелецот на првиот гол, Симонс.
Лајпциг е на петтото место во Бундеслигата со 42 бода, додека Борусија е на 11. место со 35.
Во наредната рунда, по репрезентативната пауза, Лајпциг ќе гостува во Менхенгладбах, додека Борусија Дортмунд ќе го пречека Мајнц.
Спорт
(Видео) Два гола на Мбапе за триумф на Реал кај Виљареал

Фудбалерите на Реал Мадрид го совладаа Виљареал со 2:1 (2:1) по пресвртот во 28. коло од шпанската Ла Лига.
„Кралскиот клуб“ успеа да направи пресврт, да освои три бода и накратко да го заземе првото место во шпанското првенство благодарение на головите на Килијан Мбапе.
Не почна најдобро за избраниците на Карло Анчелоти, кои губеа од 7. минута, кога Виљареал поведе преку Хуан Фојт.
Предноста на Виљареал траеше само 10 минути, бидејќи Килијан Мбапе во 17. минута успеа да постигне гол за израмнување.
Истиот играч повторно погоди во 23. минута на асистенција на Лукас со што го постави конечниот резултат 2:1.
Реал моментално е прв на табелата со 60 бодови, додека Виљареал е на шестото место со 44.