Спорт
Модриќ пак го одби клубот за кој навива од дете

Хрватскиот фудбалер во редовите на Реал Мадрид, Лука Модриќ до крајот на сезоната останува на „Бернабеу“, јавува италијански „Тутоспорт“.
Информациите од „Чизмата“ се дека Модриќ одбил уште една нова понуда од Милан, клубот за кој навива од детството.
Модриќ не сака да го напушти Реал по серијата лоши резултати, и сака со мадридската екипа уште еднаш да ја покори Европа.
Додоворот со Кралевите му е до крајот на сезоната и засега нема информации дека 34-годишниот фудбалер од средниот ред преговара со клубот за нов договор. Тоа значи дека голема е веројатоста дека уште во јануари ќе потпише преддоговор со друга екипа, а на крајот на сезоната ќе го напушти кралскиот клуб.
Во Мадрид е веќе седум ипол години.
„Тутоспорт“ пишува и дека Милан сега се врти кон Иван Ракитиќ, играчот на Барселона, но проблем е високата цена. Барса за Хрватот бара 30 милиони евра.
Сепак, за „Росонерите“ позајмица со можност за откуп на договорот е многу подобра варијанта, но хрватскиот фудбалер, пак, не сака да оди на позајмица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Страшен пад на најдобрата скијачка во светот

Италијанската скијачка Федерика Брињоне, победничка на овогодинешниот Светски куп, заработи исклучително тешка повреда.
Федерика Брињоне се здоби со повеќе скршеници на ногата откако падна во велеслаломот што се одржа во рамките на италијанскиот шампионат.
Брињоне падна на патеката Вал ди Фаси откако изгуби контрола над скиите. Со хеликоптер била префрлена во најблиската болница, во Трент.
Италијанската скијачка федерација веднаш соопшти дека Брињоне се здобила со повеќе сложени скршеници на тибијата и главна фибула на левата нога и дека во најбрз можен рок ќе биде префрлена во Милано на дополнителни прегледи, по што ќе биде донесена одлука за операција.
Италијанските медиуми наведуваат дека тоа значи дека Брињоне нема да може да скија до неколку месеци пред Олимписките игри, чиј домаќин следната година ќе биде Кортина.
Fratture multiple a tibia e perone per Federica Brignone, caduta rovinosamente durante la seconda manche dello slalom gigante ai Campionati italiani assoluti in Val di Fassa. La campionessa del mondo sarà operata a Milano pic.twitter.com/mSMu95yhkm
— Tg3 (@Tg3web) April 3, 2025
Спорт
Заврши сезоната за Габриел

Најдобриот дефанзивец на Арсенал, Габриел Магаљаеш, ја заврши сезоната. Најлошата можна информација Микел Артета ја доби шест дена пред првиот четвртфинален натпревар во Лигата на шампионите против Реал Мадрид.
Габриел се повреди пред два дена против Фулам, во Премиер лигата. На теренот мина само 15 минути.
Бразилецот заработи повреда на задната ложа, а бидејќи се работи за тешка повреда која бара операција, 27-годишниот стопер ќе мора да закрепнува неколку месеци.
„Габи ќе биде опериран во наредните денови и веднаш ќе започне со програма за опоравување и рехабилитација, со цел да биде подготвен за почетокот на следната сезона“, се вели во соопштението на Арсенал.
Спорт
Челси нуд 70 милиони за Ендрик

Реал Мадрид во вторникот избори пласман во финалето на шпанскиот Куп. Избраниците на тренерот Карло Анчелоти во реваншот одиграа 4:4 со Реал Сосиедад по продолженијата и благодарение на победата од 0:1 во првиот меч влегоа во борбата за титулата.
Стрелец на првиот гол на Реал беше Ендрик, 18-годишен Бразилец кој ја игра првата сезона во клубот. Досега одигра 29 натпревари, најмногу како резерва, акумулираше 562 минути на теренот. Тој постигна седум гола.
„Дефенса централ“, медиум специјализиран за следење на Реал, тврди дека на „Бернабеу“ по натпреварот со Сосиедад пристигнала понуда од 70 милиони евра за Ендрик. Според овој извор понудата била испратена од Челси.
„Челзи веќе некое време го следи младиот Бразилец и бара напаѓач кој би бил стартер следната сезона. Тие веруваат дека Ендрик е идеалното решение, поради што испратија конкретна понуда од 70 милиони евра за напаѓачот на Реал. На „Станфорд Бриџ“, веруваат дека со атрактивна финансиска понуда и со гаранција дека ќе биде прв напаѓач ќе можат да го привлечат младиот Бразилец“, пишува „Дефенза централ“ и тврди дека Реал нема намера да го продаде Ендрик.
Инаку, Ендрик има договор со Реал до 30.јуни 2030 година.