Спорт
Модриќ: За да биде најдобар Мбапе треба да замине од ПСЖ

Фудбалерот на Реал Мадрид Лука Модриќ има совет за Килијан Мбапе како да стане најдобар играч во светот. Младиот напаѓач е играч на ПСЖ од 2018 година кога Монако од неговиот трансфер заработија 145 милиони евра. Инаку, Мбапе 2017 година ја мина во ПСЖ како позајмен играч.
Мбапе во 2018 година беше еден од клучните играчи во француската репрезентација на патот кон светската титула.
21 годишникот е еден од најдобрите во светот, а Модриќ верува дека ќе стане најдобар во светот доколку замине од Париз.
„Мбапе има се што е пторебо за да доминира. Сепак мислам дека највиското ниво ќе го достигне само доколку се пресели во некој друг клуб, во првенство во кое неговиот тим нема да победува со леснотија како што тоа го прави ПСЖ во Франција“, рекол освојувачот на Златната топка за 2018 година.
Мбапе има договор со ПСЖ до 2022 година, долг период тој се поврзува со Реал Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Торино сака да го задржи Елмас

Првиот човек на Торино, Урбано Каиро, сериозно размислува да го откуши договорот на Елиф Елмас од Лајпциг.
Македонскиот репрезентативец во Торино пристигна од Лајпциг во јануари на поозајмица, со можност да го откупи неговиот договор по завршувањето на сезоната.
Елмас досега одигра седум натпревари, постигна четири гола. Вчера беше стрелец во ремито 1:1 против Верона.
„Елмас? Ремек-дело е голот против Верона. Среќни сме што е тука, ќе се обидеме да го задржиме. Во овој момент не сме размислувале, ова прашање ќе го решаваме по крајот на сезоната“, изјави Каиро.
Кога потпиша за Торино, клубот доби опција по завршувањето на сезоната да го откупи од Лајпциг за 17 милиони евра.
Спорт
Сити нуди 275 милиони евра за Јамал

Манчестер сити планира да испрати понуда за Ламин Јамал со која би го соборил светскиот рекорд, пишува шпански „Фихаес“. Понудата би требало да изнесува 275 милиони евра, со што овој трансфер би бил најголем во историјата на фудбалот доколку Барселона била заинтересирана да го продаде најголемиот талент.
Иако има само 17 години, Јамал плени сите со своите вештини, визија и способност да направи разлика на теренот. Неговиот талент го привлече вниманието на најголемите светски клубови, а сега Манчестер сити изгледа подготвен да инвестира рекордна сума за да го обезбеди неговиот потпис.
Иако е тешко да се поверува дека Барселона би го пуштила токму така, финансиската понуда ги става Каталонците во тешка ситуација. Клубот веќе работи на продолжување на неговиот договор, бидејќи истиот трае до јуни 2026 година.
„Моментално се потпираат на неговата откупна клаузула од една милијарда евра. Преговорите би можеле да бидат долги, но вистината е дека неговата иднина останува неизвесна, а интересот на големите клубови како Манчестер сити може да го забрза целиот процес“, вели „Фихаес“.
Спорт
Напредуваат преговорите помеѓу Ливерпул и Ван Дајк

Ливерпул е на прагот да ја освои титулата во Премиер лигата, но паралелно со тоа се водат преговори околу нови договори со клучните играчи, Мохамед Салах и капитенот Вирџил ван Дајк.
Холанѓанецот, по вчерашниот меч со Фулам, кој Ливерпул го загуби со 3:2, откри дека има напредок во преговорите со клубот.
„Напредок има, но не знам дали ќе останам, ќе видиме. Тоа не го менува фактот дека го сакам клубот, ги сакам навивачите и едвај ја чекам неделата кога Вест Хем ќе дојде кај нас и сакам да ги израдувам навивачите“, изјави Ван Дијк.
На седум кола до крајот, Ливерпул има 11 бода повеќе од второпласираниот Арсенал.