Италијанскиот напаѓач Филипо Фалко до крајот на оваа недела ќе потпише договор со Црвена звезда. „Скај Спорт Италија“, објави дека српскиот шампион на Лече, за услугите на Фалко, ќе им плати 1.500.000 евра.

Според овој извор, Црвена звезда и Лече се договориле, трансферот на Фалко, да биде платен во две рати.

Овој 28-годишен фудбалер, во актуелниот преоден рок имал понуди од Парма и Сасуоло. Понудите на клубовите кои играат во Серија ги одбил бидејќи не му гарантирале дека ќе биде стартер.

Фалко, во кариерата, бил играч на Болоња, Реџина, Јуве Стабија, Трапани, Чезена, Беневенто и Перуџа.

Зинедин Зидан ја задржа присебноста и покрај сензационалната елиминација на Реал Мадрид од Купот на Шпанија. „Кралскиот клуб“, синоќа, со играч повеќе, во дополнителните 30 минути, беше поразен од членот на Третата лига, Алкојано со 2:1.

По овој шокатнтен пораз сериозно е разнишана позицијата на Зидан во Реал. Реал, против Алкојано, излезе со респектибилиен тим, од стартерите на теренот ги немаше Куртоа, Варан, Рамос, Модриќ и Карвахал, а во второто полувреме на теренот влегоа Азар, Бензема, Крос и Марко Асенсио.

„Мирен сум, мислам дека момците сакаа да победат. Мислам дека играчите се уште ми веруваат. Да почекаме, да видиме што ќе се случи во наредните неколку дена. Направивме неколку добри работи од почетокот на сезоната, за жал тоа не е така во последно време“, рекол Зидан по натпреварот.

„Ја прифаќам вината. Како тренер, јас сум одговорен“.

Бруклин Нетс, од формирањето на големата тројка, Харден-Дурент-Ирвинг, го доживеа првиот пораз. Нест се поразени од Кливленд Кавалирс со 147:135. Кливленд до победата го предводеше Колин Секстон со рекордни во кариерата 42 поени.

Големата тројка на Бруклин ја предводеше Дурент со 38 поени, 12 скокови и 8 асистенции, Харден забележа трипл-дабл (21 поен, 10 скока, 12 асистенции), а Ирвинг во првиот меч по паузата од четири натпревари постигна 37 поени.



Лука Дончиќ и Далас ја забележаа седмата победа во сезоната. Пред Маверикс падна Индијана Пејсерс (124:112). Дончиќ мечот го заврши со 13 поени и по 12 скока и асистенции. Најефикасен кај Далас беше Прозингинс со 27 поени, Кај Индијана се истакнаа Бронгдон со 26 и Сабонис со 26 поени.

Изминатата ноќ неколку кошаркари имаа неверојатни индивидуални остварувања.

Џоел Ембид постигна 42 поени, забележа и 10 скока во победата на Филалдлефија над Бостон 117:109.

Атланта, по едно продолжение, запиша триумф над Детроит 125:113.

Тре Јанг имаше 38 поени и 10 асистенции, брилијантен меч одигра Клинт Капела со 27 поени и 26 скокаови. Кај Детроит со 32 поени се истакна Џереми Грент.

Орландо со тројка во последната секунда дојдоа до победата над Минесота 97:96. Орландо го предводеше Црногорецот Никола Вучевиќ со 28 поени и 8 скока.