Спорт
Момци за историја! Македонија ја „урна“ Германија сред Дуизбург!
Македонската фудбалска репрезентација ја забележа најголемата победа во својата историја, откако на гостувањето во Дуизбург успеа да слави со 2:1 над четирикратниот светски шампион Германија, покажувајќи дека „четата“ на Игор Ангеловски е подготвена за големи натпреварувања какво што ни следува ова лето на Европското првенство.
И покрај тоа што Германците добија пенал, а на нас не ни беше досуден пенал по очигледна игра на рака во шестнаесетникот, трпеливата игра на Македонија на крајот вроди со плод со „дијамантот“ на Наполи, Елиф Елмас за едно од најголемите изненадувања во историјата на квалификациите за Светско првенство
Иако „маншафт“ на домашен терен во првото полувреме имаше над 60 отсто од поседот на топката, Македонија играше цврсто во одбраната, а Германците не направија некое „чудо“ во првите 45 минути. Леон Горецка на почетокот на мечот доби одлична топка од Каи Хаверц за да ја стресе гредата, а Серж Гнабри двапати беше во изгледна ситуација, но беше непрецизен. Ние пак, имавме одлична шанса преку Аријан Адеми во 23. минута од мечот, но Александар Трајковски задоцни. Кога сите се подготвуваа за полувреме, на сцена стапи Горан Пандев, кој одлично беше пронајден од Енис Барди за да го матира Марк-Андре Тер Штеген за фантастично водство на Македонија.
Во второто полувреме, Јоаким Лев направи неколку замени, но клучниот момент се случи во 62. минута, кога Езѓан Алиоски го „закачи“ Лирој Сане, а рускиот судија досуди „мек“ пенал, кој капитенот Илкај Гундоган лесно го смести во мрежата. Во 76. минута, судијата Карасев не досуди пенал по очигледното играње со рака на Емре Џан по нафрлањето на Алиоски и џабе беа протестите на македонските фудбалери.
На крајот, правдата стигна на виделина, откако Елиф Елмас во 85. минута успеа да го совлада Тер Штеген за уште една блескава страница во нашата фудбалска историја од тимот на Игор Ангеловски.
БРАВО!
СП 2022 КВАЛИФИКАЦИИ
ГРУПА Ј
Ерменија – Романија 3:2
Германија – Македонија 1:2
Лихтенштајн – Исланд 1:4
Табела: 1.Ерменија 9, 2.Македонија 6, 3.Германија 6, 4.Романија 3, 5.Исланд 3, 6.Лихтенштајн 0
Фото: ДФБ
El gol de Elmas con el que Macedonia está derrotando a Alemania. ⚽️
Alemania 1 ? 2 Macedonia
— Garra Sports (@GarraSportsMx) March 31, 2021
#Macedonia ?? da la sorpresa. ??
Con este gol de Elmas, vence 2-1 a #Alemania ??. Increíble. pic.twitter.com/TQPEgRAz3A
— Nicolás Escobar (@NicoEscobarRS) March 31, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.