Спорт
Мората е во Торино ќе потпише со Јувентус

Алваро Мората денес треба да го стави својот потпис на договорот со Јувентус. Напаѓачот го пропушти последниот тренинг на Атлетико Мадрид, синоќа пристигнал во Торино, а откако ќе ги мине лекарските прегледи ќе го потпише договорот. Неговиот потпис ќе го отвори трансферот на Луис Суарез од Барселона во Атлетико.
Мората оваа сезона ќе настапува како позајмен играч во Јувентус. „Старата дама“ позајмицата ќе ја чини 10.000.000 евра, а на крајот од сезоната ќе може да го откупи неговиот договор за 45.000.000 евра. Исто така во договорот постои опција и во втората сезона Мората да настапува како позајмен играч за 10.000 евра, а по таа сезона Јувентус да доплати 35.000.000 за откуп на договорот.
? Ciao @AlvaroMorata! ❤️ pic.twitter.com/fTgGqQOzyD
— JuventusFC (@juventusfc) September 21, 2020
Заминувањето на Мората отвори место во Атлетико за Луис Суарез. Уругваецот кој стана вишок во Барселона постигнал договор со клубот од „Ноу Камп“ под кои услови може да замине. Барса ќе му исплатат дел од платата која требаше да ја заработи оваа сезона. Суарез со Атлетико договорил две годишен договор вреден 9.000.000 евра по сезона.
Најголем губитник во целата оваа приказна е Един Џеко од Рома. Репрезентативецот на Босна и Херцеговина ќе остане во Рим, бидејќи Аркадиуш Милик најверојатно ќе се пресели во Тотенхем, што значи дека Џеко не може да замине во Јувентус.
Алваро Мората доаѓа во Јуветус на барање на тренерот Андреа Пирло. Тие играа заедно во Јувентус во периодот од 2014 до 2016 година. Во овој период Мората одиграл 53 натпревари и постигнал 27 голови. Престојот во Јувентус е најдобриот период во кариерата на шпанскиот напаѓач.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Олимпијакос ја освои титулата во Грција

Кошаркарите на Олимпијакос го победија Панатинаикос во финалето на грчката лига и ја освоија шампионската титула.
Невидени тензии владееја во Грција за време на финалната серија помеѓу Олимпијакос и Панатинаикос, буквално беше борба на „живот и смрт“.
Дури и сопствениците на двата тима беа вмешани во сè, а Владата на Грција речиси ја прекина финалната серија, што никогаш не се случило во историјата на грчкиот спорт.
Олимпијакос го победи Панатинаикос со 85:71 во салата „Мир и пријателството“ и ја освои шампионската титула.
Ова беше четвртиот натпревар во финалната серија, а Олимпијакос победи со 3-1, завршувајќи го најдраматичното финале во грчката историја со шампионска прослава.
Шакил Мекисик беше најефикасен со 20 поени, додека Тајлер Дорси имаше 17, Еван Фурние го заврши натпреварот со 13 поени, 6 скока и 4 асистенции, Алек Питерс имаше 11, а исто така и Никола Милутинов со 10 скока, додека Саша Везенков имаше само 2 поени, кој го повреди глуждот и беше изнесен од теренот.
Во редовите на Панатинаикос, Кендрик Нан постигна 18 поени, додека Костас Слукас постигна 11 со 2 скока и 7 асистенции, Грант додаде 10, а Хуанчо Ернангомез имаше 9 со 9 скока.
Спорт
(Видео) Мората трагичар, Португалија ја освои Лигата на нации

Португалската фудбалска репрезентација ја освои Лигата на нации за оваа година по подоброто изведување на пенали во финалето против Шпанија.
Ова е втор пат Португалците да го освојат ова натпреварување, тие беа победници на првото, а сега станаа првата репрезентација што го освоила купот двапати.
Натпреварот во регуларниот дел и по дополнителните 30 минути заврши 2:2, а Португалците пенал серијата ја добија со 5:3.
Шпанците два пати имаа предност, со головите на играчите на Реал Сосиедад, Мартин Зубименди и Микел Ојарзабал, Португалците се враќаа во натпреварот преку Нуно Мендеш и Кристијано Роналдо.
Трагичар во пенал серијата беше Алваро Мората, чии удар во четвртата серија го одбрани Диого Кошта.
За најдобар играч на завршниот турнир е прогласен левиот бек на Португалија, кој на 31.мај со ПСЖ ја освои Лигата на шампионите, Нуно Мендеш.
Спорт
Спектакл во Париз – Алкараз се врати од 0:2 спаси три меч топки и го победи Синер

Шпанецот Карлос Алкарас, во спектакуларно финале, едно од најдобрите во историјата на тенисот, успеа да ја одбрани титулата на Ролан Гарос. Алкараз, против првиот светски рекет, Јаник Синер, се врати по негативата од два сета, во четвртиот спаси три меч топки и славше победа 4:6, 6:7, 6:4, 7:6, 7:6.
Епското финале на стадионот „Филип Шатрие“ траеше пет часа и 31 минута. Пресвртна точка во мечот беше 10.гем во четвртиот сет. Синер, кој претходни ги доби првите два сета, па Алкараз намали на 2.1, имаше три меч топки, но Алкараз волшебно се извлече, нарави брејк, а потоа во тај-брејкот изедначи на 2:2.
Во решавачкиот сет, се случи брејк на Алкараз на стартот, потоа Шпанецот во 10.гем сервираше за победа, но Синер се врати избори супер тај-брејк, во кој беше прегазен од Шпанецот со 1:0.
Алкараз и Синер прв пат играа еден против друг во Гренд слем финале. Мечот во Париз беше 12, Алкараз сега води со 8:4. Шпанецот ги доби последните пет дуели.