Спорт
Мората ќе добие уште една шанса во Атлетико

Јувентус не успеа да се договори со Атлетико Мадрид за Алваро Мората. Шпанскиот репрезентативец, последните две сезони играше како позајмен играч во Јувентус. За две години „страта дама“ плати 20 милиони евра за позајмицата.
Мората е миленик на тренерот Масимилијано Алегри. Тој смета дека Шпанецот може да му биде идеален партнер во нападот на Душан Влаховиќ.
Јуве се обиде, но не успеа да ги убеди луѓето од Атлетико да ја намалат сумата. Атлетико за напаѓачот бара 35 милиони евра.
Јувентус, понудиле пари 15 милиони евра и двајца играчи Мојсе Кен и Адриен Рабио или Денис Закарија. „Јорганџиите“ одбиле да го продадат напаѓачот.
По разделбата со Луис Суарез, Чоло Симеоне реши да го задржи Мората, бидејќи не може да најде напажач по негов вкус на трансфер пазарот.
Договорот на Мората со Атлетико истекува во летото 2023 година и тој ќе добие шанса да блесне на „Ванда Метрополитен“ следната сезона.
Мората дојде во Атлетико во 2019 година на позајмица од Челзи, следната сезона Мадрид го откупи неговиот договор за 55 милиони евра. На почетокот на сезоната 2020/2021, кога во тимот дојде Луис Суарез, Атлетико го испрати во Јувентус.
Јувентус сега ќе мора да се сврти кон други решенија во офанзивата, се споменуваат бројни имиња меѓу кои се Марко Арнаутовиќ и тандемот на Сасуоло Џакомо Распадори и Џанлука Скамака, а тука е и синот на Чоло Симеоне, Џовани, кој настапува за Верона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Волејот на Зубименди му го трасираше патот до победата на Арсенал

Фудбалерите на Арсенал рутински го победија Нотингем Форест со 3:0, во четвртото коло од Премиер лигата.
Тимот од Лондон поведе во првото полувреме, а потоа рутински ја потврди победата во второто. На клупата на Форест, неуспешно дебитираше, Ангелос Постекоглу.
Се играше 32-та минута кога Мартин Зубименди постигна еден од најубавите голови оваа сезона во Премиер лигата.
По корнерот на Мадуеке, реагираше одбраната на „шумарите“, поточно Крис Вуд, кој ја испрати топката со глава надвор од шеснаесетникот и право на ногата на Мартин Зубименти кој со волеј ја испрати зад грбот на Селс. .
Со гол предност, Арсенал отиде на пауза, а веднаш по враќањето во 46-та минута, Виктор Ѓекерес постигна гол по додавање од Ебречи Езе за 2:0.
Стрелецот на првиот гол, Зубименди, стави точка на натпреварот со асистенцијата за Ландро Тросар во 79-та минута од натпреварот.
Сенка на победата фрли повредата на Мартин Одегард кој се поврди во раната фаза на првото полувреме и мораше да го напушти теренот.
Арсенал е на првото место со девет бода, но и натпревар повеќе од другите тимови. Додека Нотингем Форест е на 11-та позиција со четири бода.
Во следната рунда Арсенал во дербито ќе го пречека Манчестер Сити, а Нотингем гостува кај Барнли.
Foto/ EPA
Спорт
Бецеки победи во спринт трката во Мизано

Марко Бецеки возачот на Априлија го освои спринтот во Сан Марино. На патакета во Мизано, Бецеки победи пред Алекс Маркез (Гресини Дукати) и Фабио Диџанантонио (ВР46). Лидерот во генералниот пласман, Марк Маркез со својот Дукати не ја заврши трката.
Бецеки трката во Мизано ја стартуваше од пол-позицијата, успеа да ја задржи на стартот, пред Марк Маркез кој се проби од четвртата на втората позиција. Зад нив беа Диџанантонио и Фабио Квартараро.
Квартараро со својата Јамаха излета од патеката во петтиот круг, позицијата му ја препушти на Франко Морбидели (В46).
Шестиот круг беше клучен за трката. Најпрвин Маркез го мина Бецеки, а во истиот круг лидерот во вкупниот пласман, излета од патеката.
Спорт
Гвардиола: Халанд е пред Исак

Пеп Гвардиола јасно стави до знаење дека за него нема подобар напаѓач од Ерлинг Халанд. Менаџерот на Манчестер сити одговори на новинарско прашање да направи споредба меѓу Халанд и Александар Исак, новиот напаѓач на Ливерпул платен 145 милиони евра, откако Арне Слот рече дека Исак е најдобар на светот.
„Го ставам Халанд малку повисоко. Исак е исклучителен играч, но ме прашавте за Ерлинг и тој е на врвот“, рече Гвардиола.
Тој додаде дека Исак е достоен за сите пофалби, но и дека според него, дури ни Лионел Меси не може да се спореди со Норвежанецот.
„Исак е веројатно врвен играч штом го платиле толку многу. Некој друг би можел да ги именува Мбапе, Меси или Кристијано Роналдо, но јас не би го менувал Ерлинг за никого“, нагласи Гвардиола и ги изненади Англичаните бидејќи е познато колку каталонскиот стручњак го обожава Меси.
Норвежанецот пристигна во Сити во 2022 година од Борусија Дортмунд. Досега одигра 149 натпревари и постигна 127 гола во дресот на Сити. Оваа сезона во Премиер лигата продолжи во ист ритам, со три гола на три натпревари.
Покажа дека е во одлична форма во дресот на репрезентацијата. На квалификацискиот тест против Молдавија неодамна постигна дури пет гола и стана најдобар стрелец во квалификациите за Светското првенство.