Спорт
Мората се сели во Милан
![](https://makfax.com.mk/wp-content/uploads/2024/07/w640xh480_GettyImages-2157804968.jpg)
Алваро Мората брзо си најде нов клуб по завршувањето на Европското првенство. Шпанскиот напаѓач ќе стане нов играч на Милан.
Мората со капитенската лента ја предводеше Шпанија до европската титула, постигна еден гол на ЕУРО 2024. Минатата сезона дресот на Атлетико Мадрид постигна 15 гола во Примера.
Милан се реши за Мората и ја искористи неподготвеноста на Атлетико да го продолжи договорот со напаѓачот.
Трофејниот италијански клуб ја активираше откупната клаузула од (само) 13 милиони евра и ги договори сите услови со Мората, наскоро се очекува соработката да биде официјализирана.
Мората договори четиригодишен договор со Милан, а лекарските прегледи ќе ги помине во текот на оваа недела. Мората ќе му биде конкуренција во нападот на Лука Јовиќ, кој го продолжи договорот.
🚨🔴⚫️ Álvaro Morata to AC Milan, here we go soon! AC Milan, informing Atlético of plan to trigger €13m release clause.
Morata has verbally agreed on four year deal at Milan, leaving Atlético Madrid after difficult time in Spain.
Formal steps and medical to follow this week. pic.twitter.com/l6iv7j596Z
— Fabrizio Romano (@FabrizioRomano) July 15, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Нејмар сака да се врати во Барселона?!
![](https://makfax.com.mk/wp-content/uploads/2024/08/64975.jpg)
Шпанскиот новинар и фудбалски инсајдер Жоан Фонтес „крена прашина“ во фудбалската јавност кога во својот подкаст изјави дека Нејмар (32) му признал дека сака по секоја цена да се врати во Барселона. Оваа изјава ги подгреа шпекулациите дека легендарниот Бразилец би можел да се врати во клубот кој го прослави.
Нејмар, кој моментално настапува за Ал-Хилал од Саудиска Арабија, пред 11 години дојде на „Камп Ноу“ од бразилскиот Сантос и брзо стана миленик на навивачите. Со Лионел Меси и Луис Суарез, тој формираше смртоносно напаѓачко трио познато како МСН.
Нејмар со Барселона освои две шампионски титули во Шпанија и Лигата на шампионите во 2015 година, но две години подоцна го шокираше светот кога се пресели во ПСЖ во најскапиот трансфер во историјата, за 222 милиони евра. Иако играше добро на „Паркот на принцовите“, не ги исполни во целост очекувањата на навивачите.
Поради бројните повреди, тој играше се помалку и се повеќе беше мета на критики од навивачите и новинарите во Франција. Затоа минатата година го напушти Париз и реши да потпише договор со Ал-Хилал вреден 150 милиони евра годишно. Сепак, Фонтес откри дека Бразилецот сака повторно да игра на високо ниво и дека сонува да се врати во Каталонија.
Бидејќи Барселона е во финансиски колапс, не можат да му понудат многу, но се повеќе се шпекулира за можноста Нејмар да се согласи да игра за симболична плата, само за да се врати во Барселона.
Спорт
(Видео) Роберто Карлос: Модриќ е подобар од Зидан, Роналдо…
![](https://makfax.com.mk/wp-content/uploads/2024/08/1338348560.jpg)
Поранешниот фудбалер на Реал Мадрид, Роберто Карлос, во интервју за „Страница 443“, добил задача да ги рангира легендите на Реал од првото до петтото место. Тоа е популарен предизвик на социјалните мрежи во кој човек не знае кои имиња ќе ги добие, па мора напамет да го направи редоследот.
Карлос ги доби Зинедин Зидан, Кристијано Роналдо, Лука Модриќ и Роналдо Назарио, познат и како вистинскиот Роналдо, а на спиското беше и неговото име.
Во таквиот избор на легенди, Карлос реши на прво место да го стави Лука Модриќ. Втор беше Кристијано Роналдо, трет Зидан, четврти Бразилецот Роналдо. Карлос се стави на последното, петто место.
51-годишниот Роберто Карлос денеска работи како амбасадор на Реал Мадрид. Има кратка и не многу успешна тренерска кариера во Турција. Тој ги водеше Сиваспор и Акисарспор. Во својата кариера мина 11 години во Реал, постигна 70 гола.
Спорт
(Видео) УЕФА направи промени во химната на ЛШ
![](https://makfax.com.mk/wp-content/uploads/2024/08/GettyImages-1635507606-scaled-1.jpg)
Лигата на шампиони, најпрестижното клупско натпреварување, од оваа сезона ќе се игра во нов формат. По 33 години во кои главната фаза се играше по групи, Лигата на шампионите станува вистинска лига. Од овој септември 36 клуба ќе играат по лига систем.
Синоќа на фановите им стана јасно дека ова не е единствената промена што ја доживеа најатрактивното и најпрестижното клупско фудбалско натпреварување. На првите натпревари од последното квалификациско коло во Лигата на шампионите, на стадионите на Јанг Бојс, Малме, Митјиланд и на привремениот на Динамо Киев можеше да се слушне дека најпознатата фудбалска химна за прв пат е сменета откако беше промовирана во 1991 година.
Промените не се големи, но предизвикаа огромни контроверзии. Текстот на химната, отпеан на англиски, француски и германски, официјалните јазици на УЕФА, остана непроменет. Но затоа беа сменети акордите и легендарната мелодија, која е побрза во однос на оригиналот, а на неа беа додадени и ефекти.
Иако симболот на Лигата на шампионите претрпе многу помалку промени од самото натпреварување, фудбалските фанови се револтирани од новата верзија на старата и химна.
На социјалните мрежи никој нема убави зборови за изменетата химна на Лигата на шампионите: „Ја сменија химната на Лигата на шампионите. Фудбалот официјално е мртов. Почивај во мир“, е еден од коментарите.