Спорт
„Моравме да се одбраниме, судиите постојано му помагаа на Реал Мадрид“
![](https://makfax.com.mk/wp-content/uploads/2023/03/530.jpg)
„Случајот Негреира“ е нов скандал во шпанскиот фудбал во кој главната улога ја има ФК Барселона. Против каталонскиот тим е покрената кривична постапка за исплата на членот на судиската комисија Енрикез Негреира за совет за судии и откриени се уплати од 7,3 милиони евра во периодот од 2001 до 2018 година. Поранешните челници на клубот имаа интересни одговори зошто биле вршени уплати на сметка на агенцијата на Негреира.
Шпанските медиуми откриваат различни детали од истрагата. Сведоци ќе бидат поранешни клупски челнииц и тренери, а еден од разговорите откриени во овој случај покажува зошто Барса го плаќала Негреира.
„Плативме за да се одбраниме бидејќи судиите постојано му помагаа на Реал Мадрид. Тоа го криевме за да го заштитиме клубот“, изјави еден од поранешните челници на клубот.
За се што се случувало знаел и поранешниот претседател Сандро Росел. Доказ за тоа се неговите изјави дадени во време на првиот мандат на Џоан Лапорта.
„Плаќањата кон Негреира? Ако сакаме да ја имаме нивната почит, мора да продолжиме да плаќаме“, беа зборовите на Росела кои се појавија во јавноста.
Меѓу оние кои ќе бидат повикани како сведоци во овој случај се и поранешните тренери на клубот Луис Енрике и Ернесто Валверде.
„Не знам за никакви судиски извештаи. Изненаден сум. Уверен сум дека се ќе се расчисти. Не се сеќавам дека имавме статистика за судиите кои требаше да ги судат нашите натпревари, како претходно судеа, како игравме кога судат, дали покажуваат повеќе картони. Имаше извештаи што ги добија моите помошници, но јас никогаш не ги ни погледнав“, изјави Валверде.
Во врска со целиот случај, ставот на актуелниот претседател на клубот Џоан Лапорте е јасен. Барселона никогаш не ја купила наклонетоста на судиите и е подготвена да се бори за да го докаже тоа.
Поради овој скандал, доколку бидат прогласени за виновни, на Барселона и се заканува одземање на 15 бодови од оваа и минатата сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Италија со победа над Албанија ја започна одбраната на титулата
![](https://makfax.com.mk/wp-content/uploads/2024/06/12301520.jpg)
Актуелниот шампион Италија со победа над Албанија од 2:1 ја запошна одбраната на титулата на Европското првенство.
Натпреваро запошна шокантн за Италијанците кои примија гол по само 23 секунди. Бајрами ја искористи грешката на Димарко и го постигна најбрзиот гол во историјата на ЕП. До последната минута од натпреварот тоа беше се што направија Албанците на овој натпревар.
По голот фудбалерите на Албанија веднаш се повлекоа зад топката, а на Италијанците не им требаше многу за да се вратат во игра.
Италија имаше корнер во 11. минута од натпреварот, топката дојде до Пелегрини кој упати одличен центаршут и на втората статива го пронајде Бастони кој ја заби топката во мрежата.
Само пет минути подоцна Италија направи целосен пресврт. Николо Барела ја искористи лошо исфрлената топка од албанската одбрана и упати фантастичен волеј удар кој Стракоша не можеше да го одбрани.
Италија целосно ја презеде иницијативата, Албанија чекаше прилика од контранапад, а во 33. минута Фратези можеше да ја зголеми предноста на „аѕурите“, сепак стативата го спаси Стракоша.
До крајот на првото полувреме Скамака можеше да постигне гол во 40. минута, Стракоша беше на вистинското место и го одбрани ударот на напаѓачот на Аталанта.
Во второто полувреме, Италијанците се решија само да ја контролираат топка и да чекаат грешка на Албанците. Во 60. минута Скамака му ја додаде топката на Киеза, но играчот на Јувентус од 16 метри шутираше покрај стативата.
До крајот Италија имаше иницијатива на теренот, но не успеа да направи многу. Нападите беа бавни, без вистинска идеја и без желба да се нападне голот на Албанија.
Таквата определба можеше сакпо да ги чини, бидејќи Манај имаше шанса во 90. минута по одлична долга топка, но ударот го одбрани Донарума.
Следниот натпревар „азурите“ ќе го играат за пет дена против Шпанија, додека Албанија ден порано ќе игра со Хрватска.
Спорт
(Видео) Бајрами го постигна најбрзиот гол во историјата на ЕП, Италија сепак води во Дортмунд
![](https://makfax.com.mk/wp-content/uploads/2024/06/12301301-1.jpg)
Репрезентативецот на Албанија, Недим Бајрами го постигна најбрзиот гол во историјата на Европските првенства.
На стадионот „Вестфален“ во Дортмунд, Бајрами ја искористи катастрофалната грешка на Ди Марко и го совлада Донарума по само 23 секунди игра.
Albania scores in 25 seconds against Italy 🤣 #albania #italy #EURo2024 pic.twitter.com/c48owFmYcs
— Heybets (@playheybets) June 15, 2024
Актуелните европски шампиони експресно се опоравија по почетниот шок.
Бастони го изедначи резултатот во 11.минута. Дефанзивецот на Интер, погоди со глава откако остана сам на втората статива по нафрлувањето на Пелегрини.
Четири минути подоцона, Италија направи целосен пресврт. По една флипер ситуација пред голот на Албанија, топката дојде до Барела кој од 15 метри ја смести топката во голот.
Спорт
Далиќ: Изгледавме немоќно
![](https://makfax.com.mk/wp-content/uploads/2024/06/Zlatko-Dalic-England-vs-Croatia-1024x571-1.jpg)
Репрезентацијата на Хрватска загуби од Шпанија со 3:0 во 1. коло од групата Б на Европското првенство. Головите за Шпанија ги постигнаа Алваро Мората во 29. минута, Фабијан Руиз во 33. минута и Дани Карвахал во 45. минута.
Селекторот на Хрватска, Златко Далиќ, на прес конференцијата рече дека неговиот тим го заслужил поразот.
„Секоја чест за Шпанија. Почнавме доста тешко, потоа се прегупиравме и потоа таа длабока топка за која зборувавме не отвори и Мората постигна гол. Наша грешка, работевме на тоа и примивме гол од ситуација на која предупредувавме.
Она што ме изненади од наша страна е што стоевме предалеку од играчите. Дадовме премногу простор на нивната предна линија, бевме премногу бавни, предалеку и не бевме агресивни.
Рековме дека треба да играме со многу помалку допири, рековме дека треба да ја свртиме страната во два допири и не го прававме тоа добро. Високиот пресинг не беше пресуден“, рече Далиќ.
Во второто коло, за четири дена Хрватска ќе игра против Албанија.