Спорт
„Морент ќе загуби 50 милиони, најлошата казна некогаш видена во професионалниот спорт“

Брајан Виндхорст, новинар на ЕСПН, објасни како новата казна ќе му ја испразни банкарската сметка на ѕвездата на Мемфис Гризли Џа Морент.
НБА лигата, вчера го казни Морент со 25 натпревари, што значи дека ќе загуби 7.600.000 долари од договорот за следната сезона.
Виндхорст пресметал дека финансиската загуба на Морент ќе биде многу поголема.
„Проценувам дека ќе загуби околу 50.000.000 долари. Нема да добие плата за 25. натпревари што нема да ги игра, не доби плата ниту за осумте натпревари што ги пропушти оваа сезона, а не се сомневам дека ќе беше член на идеалната петорка доколку не го предизвикаше првиот инцидент. Тоа што не беше избран во идеалната петорка на лигата го остави без бонуси од 40.000.000 долари“, рече Виндхорст и дополни.
„Да не зборуваме за потенцијалните спонзорства. Само од финансиска гледна точка, тоа е најлошата казна што некогаш сме ја виделе во професионалниот спорт“.
Засега нема индикации дека спонзорите ќе ја прекинат соработката со Морент, згора на тоа, со официјално соопштение застанаа на негова страна. Парадоксално, тоа го направија откако од веб-страницата ја повлекоа линијата на патики со потпис на Морент.
“[Ja Morant] is at least looking at $50M in losses. … It’s as bad of a penalty as we’ve seen in the history of professional sports.”
—@WindhorstESPN pic.twitter.com/dndV7RlK2S
— First Take (@FirstTake) June 16, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Исак се договорил со Ливерпул

Фудбалерот на Њукасл и шведски репрезентативец, Александар Исак, постигнал усмен договор со Ливерпул и едвај чека да им се придружи на англиските шампиони.
Ова го тврди добро информираниот новинар и специјалист за трансфери на „Скај спорт Германија“, Флоријан Плетенберг. Германскиот новинар објави дека голгетерот Њукасл ги договорил условите со Ливерпул, но сè уште се чека договор меѓу клубовите.
Њукасл првично соопшти дека Исак не е на продажба, но потоа фудбалерот побара трансфер. Во меѓувреме, Ливерпул го потпиша Уго Екитике од Ајнтрахт, но не се откажа ниту од шведскиот голгетер.
Специјализираниот портал „Трансфермаркт“ ја проценува вредноста на играчот на 120 милиони евра. Сепак, Њукасл ги диктира условите бидејќи Исак е обврзан со договорот до 30 јуни 2028 година.
Наводно, Њукасл сега бара дури 170 милиони евра, додека Ливерпул понудил 50 милиони помалку. Се претпоставува дека клубовите ќе се сретнат некаде на средина.
Интересно е што во исто време клубовите од Саудиска Арабија ја прифатија сумата што ја побара клубот од „Сент Џејмс Парк“, но Исак ги одби и рече дека сака да оди само во Ливерпул.
Фото/ Принскрин
Спорт
(Видео) Шкендија победи во Букурешт, обезбеди есен во Европа

Foto/ primasport.ro
Фудбалерите на Шкендија изборија пласман во третата квалификациска рунда во Лигата на шампионите. Македонскиот шампион ги доби двата натпревари со фаворизираниот ФЦСБ. По победата на домашен терен во првиот меч (1:0), вечерва Шкендија победи во Букурешт со 2:1.
Шкендија со пресврт победи во престолнината на Романија. ФЦСб дојде до предност во 30.минута со голот на Кисоти. Само три минути подоцна изедначи Љатифи.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6uphzo”,”div”:”rumble_v6uphzo”});
Победата Шкендија ја обезбеди во 87.минута со голот на Крстевски.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6upm2i”,”div”:”rumble_v6upm2i”});
Противник на Шкендија во третото коло ќе и биде Карабаг од Азербејџан. Инаку со пласманот во третата рунда Шкендија обезбеди настап во фазата по групи во едно од европските натпреварувања.
Доколку биде елиминирана од Лигата на шампионите, Шкендија ќе игра плеј-оф за пласман во групите во Лига Европа, ако го загуби плеј-офот ќе игра во фазта по групи во Конференциската лига.
Досега групна фаза во натпреварувањата, во организација на УЕФА, од македонските клубови изборил само Вардар.
Спорт
Четирикратниот олимписки шампион го сруши светскиот рекорд во Сингапур

Францускиот пливач Леон Маршан го сруши светскиот рекорд на 200 метри мешано на Светското првенство во Сингапур.
Четирикратниот олимписки шампион постигна резултат од 1:52,69 минути во полуфиналната трка.
Маршан го сруши светскиот рекорд поставен од Американецот Раџан Локти во Шангај во 2011 година за 1,31 секунда.
Финалето на 200 метри мешано на Светското првенство е закажано за четврток.
Фото: принтскрин