Ферари потврди дека тројца возачи од нивната академија ќе добијат прилика можност да возат Ф1 болиди до крајот на актуелнава сезона.

Мик Шумахер, синот на седумкратниот светски Ф1 шампион, Михаел Шумахер ќе дебитира за десетина дена, на домашен терен на патеката „Нирбургринг“.

Шумахер помладиот ќе го вози „Алва ромеото“ на Антонио Џовинаци на првиот слободен тренинг. Освен него, шанса за Ф1 промоција ќе добијат и Калум Илот, односно Роберт Шварцман.

Пред натпреварувачкиот викенд во Германија, тројцата перспективни возачи ќе го тестираат болидот наа Ферари од 2018 година, во италијанската патека „Фиорано“.

„Сакаме да организираме тестирање за нашите најдобри тројца млади возачи да се подготват содветно за случувањето кое ќе им остане во убаво сеќавање. Тоа ќе им биде можност да го запознаат болидот за Формула 1 кој е многу покомплициран за разлика од оние кои тие сега ги возат“ – изјави спортскиот директор на Ферари, Лорен Мекис.

Мик Шумахер моментно е водечки во Формула 2 со дури 22 бода повеќе од Илот, а до крајот на сезоната се вози уште само една трка, онаа во Бахреин.

Михаел Шумахер на „Нирбургринг“ победуваше петпати, еднаш во болидот на Бенетон и четирипати со Ферари.
Последен пат на славната германска патека возеше во 2006 година.

Стигна и официјална потврда за она што се шпекулираше деновиве. Дуелот меѓу унгарски ПИК Сегед и европскиот ракометен шампион, скопски Вардар што требаше да се игра задутре е одложен.

Причината за ова е тоа што поголем дел од ракометарите на унгарскиот тим се позитивни на вирусот Ковид 19.

Информациите се дека комплетниот тим на ПИК Сегед е во карантин, па поради тоа мечот е одложен.

Вардарци втор меч по ред не успеваат да го одиграат својот меч во Лигата на шампиони. „Црвено-црните“ минатата недела не го одиграа во Скопје мечот против норвешки Елверум по налог на ЕХФ. Одложувањето беше поради тоа што по враќањето од Македонија ракометарите на Елверум ќе мораа да бидат во 14-дневен карантин, поради тамошните протоколи.

Досега се уште актуелниот европски ракометен владетел одигра само еден меч во новата сезона. Загуби со 24-22 во Брест (Белорусија), кај екипата на Мешков.

Лукас Касилјас Карбонеро тргнува по стапките на неговиот татко, легендата на шпанскиот фудбал, Икер Касилјас судејќи според видеото кое денеска се појави на неговиот Инстаграм профил.

Четиригодишниот Лукас одбрани удар по земја, правејќи „парада“ на импровизирано игралиште.

На видеото искоментира и екс-фудбалерот на Барселона, Карлес Пујол кој напиша: „Тој го прави тоа подобро од татко му“.

И Икер со пофалба за наследникот, напиша „Преубава одбрана“.

View this post on Instagram

Wonderful save 😁❤️⚽️

A post shared by Iker Casillas (@ikercasillas) on Sep 29, 2020 at 2:12am PDT