Борусија Дортмунд неколку месеци ќе биде без дефанзивецот Никлас Суле (29), откако во саботата го повреди скочниот зглоб на мечот со Борусија Менхенгладбах (1:1), откри тренерот Нури Сахин во пресрет на натпреварот од Лигата на шампионите против Барселона.

„На 30 ноември, Суле се врати од својата прва повреда на зглобот на натпреварот против Баерн Минхен. Сега ја обнови повредата. Вестите не се добри, за жал“, рече Сахин на прес-конференцијата пред дуелот со Барселона во среда.

„Тој ќе биде надвор од терените неколку месеци. Има сериозна повреда. Тоа е истата повреда”, рече Сахин, а потоа додаде: “Не е добро кога ќе се обнови стара повреда. Не сме среќни, бидејќи ни требаше”, дополни Сахин.

Дортмунд кој се наоѓа на шестото место во Бундес лигата од почетокот на сезоната има проблеми со повредени играчи. Во еден момент Сахин не можеше да смета на 10 фудбалери.

Дани Олмо и Пау Виктор се во неволја пред вториот дел од сезоната, бидејќи на Барселона и истекува времето за нивна регистрација.

Барселона има уште три недели да ги најде парите што и се потребни за да ги регистрира двајцата фудбалери. За сега клубот не успеа да реализира ниту една од идеите.

Поранешниот играч на Динамо беше пријавен само за воведниот дел од сезоната, откако Барселона го искористи правилото според кое и беше дозволено да воведе нови играчи во протоколот, поради повредите на Роналд Араухо и Андреас Кристенсен

Истовремено, клубот доби дозвола да искористи 80 отсто од сумата одредена за платите на повредените Араухо и Кристенсен.

Бидејќи ист играч не може двапати во една сезона да биде пријавен во ист клуб, на Олмо и Виктор им се заканува неиграње во вториот дел од сезоната.

Олмо пристигна во Барселона во летниот преоден рок на Лајпциг во трансфер вреден 55 милиони евра, кој со бонусите ќе ја пробие границата од 60 милиони.

Шпанските медиуми пишуваа дека на Барселона и се потребни 50 милиони евра за продолжување на регистрацијата до 31. декември.

Неодамна каталонски „Спорт“, тврдеше дека клубот е во преговори за „продажба на ВИП места на стадионот во следните 20 години, што веднаш треба да им донесе 200 милиони евра“.

„АС“, во текстот со наслов „Дани Олмо е во опасност“ пишува дека клубот почнува да се грижи за моменталната ситуација, но и додава дека постои одреден степен на доверба дека претседателот Џоан Лапорта ќе успее да го реши проблемот.

Олмо досега за Барселона одигра 12 натпревари, од кои повеќето на позицијата офанзивен играч за врска. Тој постигна шест гола, од кои еден на три натпревари во Лигата на шампионите и пет во девет натпревари во Ла Лига.

Никола Јокиќ, најдобриот кошаркар во светот е вистинска ѕвезда, тоа потврдува и нов хит на социјалните мрежи.

Станува збор за рап песна посветена на српскиот центар со фантастичен спот, со мотиви на српската традиција, но и клучни детали од кариерата на Јокиќ, најверојатно направени со помош на вештачка интелигенција.

Песната е направена од американскиот музичар и Ди-џеј Макулејт.

„Никола Јокиќ никогаш не би направил своја рап песна, па во последните пет недели го направив тоа за него. Ви го претставувам: Сомбор Шафлин (Shufflin). Со неверојатна анимациска работа на Алек Гвин. Најдобриот играч на сите времиња овој месец доби патики и книга, а сега има и химна“, изјави авторот.

„Јо, ова е Големиот Џокер, директно од Сомборската рамнина, трикратен МВП, но тие се обидуваат да го скротат моето владеење. Требаше да имам четири, но тие му ја дадоа круната на Џо. Молчам, излегувам на теренот и го затворам. Јас сум несебичниот крал, ме нарекуваат машина за асистенции. Нижам трипл-даблови, носам среќа за двајца“, се вели во дел од песната.

Nikola Jokic would never make his own rap song, so over the last 5 weeks, I did it for him. I present to you: Sombor Shufflin. Featuring the amazing work of @alecgwin all animated by me. The best player of all time got a shoe and a book this month and now he has an anthem. pic.twitter.com/zhlHkywa0n

— Maculate🌹 (@DJMaculate) December 9, 2024

Рап музиката нераскинливо поврзана со НБА и кошарката, особено во последните триесет години.

Нема атрактивно видео од најдобрите НБА потези без рап поддршк, ниту натпревар без рап битови во арените, а многу кошаркари се испробале како рапери.

Најпознат меѓу нив секако е Шекил О’Нил, а покрај него Ален Ајверсон, Демиен Лилард, Лонзо Бол, Андре Драмонд…

Јокиќ моментално ја игра најдобрата кошарка во кариерата со просек од 32,3 поени со 13,6 скока и 10,2 асистенции по натпревар.