Спорт
Мото ГП-календар за 2025 година, 22 трки во 18 земји

Светската мото федерација и Дорна конечно објавија како треба да изгледа календарот на Мото ГП шампионатот за следната сезона.
Иако претходните години се случуваше првите нацрти на календарот да бидат објавени на почетокот на летото, а конечната верзија да стигне во септември, тоа не е случај втора година по ред.
Оваа година се случија неколку промени во текот на самото првенство. Она што е сигурно во моментов е дека календарот за 2025 година ќе брои 22 трки во 18 земји, а најдобрите мотоциклисти во светот треба да се вратат во Чешка и Унгарија.
Извесно е враќањето на Брно по четири години пауза, додека трката за ГН на Унгарија на Балатон парк зависи од тоа дали патеката ќе биде готова или не, но поголеми се шансите да не биде. Под знак прашалник е и трката во Аргентина која во моментов е втора на календарот.
Уште порано се знаеше дека шампионатот ќе биде отворен во Тајланд на 2 март, бидејќи Катар не може да ја организира првата трка поради Рамазан, па таа рунда беше преместена за април.
Во однос на стандардните датуми, веќе беше познато дека Големата награда на Британија ќе биде во мај, а меѓу другото, трката во Барселона е поместена за септември бидејќи Формула 1 е на таа патека подоцна од вообичаеното, Германија се враќа во јули, додека трката во Португалија ќе биде во ноември, како претпоследна сезона, а не на самиот почеток.
Кога станува збор за актуелната сезона, таа продолжува викендов со Големата награда на Индонезија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Аморим е јасен: Фокусот е на Лига Европа

Манчестер Јунајтед се пласираше во полуфиналето на Лига Европа по сензационалниот камбек против Лион.
„Црвените ѓаволи“ водеа со 2:0, па губеа со 2:4 на само шест минути до крајот на продолжението, а потоа го направија еден од најголемите пресврти и стигнаа до 5:4.
Многу работи беа чудесни во пресвртот на Јунајтед, но многу работи ќе треба да се поправат за повеќе да не се соочуваат со ситуација да примат два гола со играч повеќе на теренот. За тоа е свесен и Рубен Аморим.
Тренерот на англискиот клуб како прва цел до крајот на сезоната ја спомена Лигата на Европа.
„Освојувањето на ова натпреварување би било единствениот билет за Манчестер Јунајтед за Европа следната година: „Мораме да ризикуваме со децата во Премиер лигата, мора да се фокусираме на Лига Европа“, изјави Аморим.
Јунајтед одамна ги загуби сите шанси да дојде до добра позиција во Премиер лигата за Европа, а Атлетик Билбао ќе им застане на патот во полуфиналето на Лига Европа.
Спорт
Санчез е блиску до враќање во татковината
Алексис Санчез ја заокружи европската приказна во својата кариера со враќањето во Удинезе, а се чини дека неговата бајка ќе има уште еден убав момент, можеби и последен во кариерата.
Поранешниот напаѓач на Арсенал и Барселона го започна своето европско патување во Удинезе, каде што игра и денес. Сепак, тој би можел да го напушти тимот од северот на Италија по истекот на договорот со тимот од Удине и да се врати во Чиле.
Договорот на Санчез со италијанскиот тим трае до летото 2026 година, кога треба да се раздели и со Удинезе. Т
Санчез многу рано си замина од Чиле, а немаше можност да игра за првиот тим на клубот за кој навива Универсидад. Сега, се чини, ќе ја има таа можност.
Од чилеанскиот клуб сериозно се распрашуваат за Санчез, но не се единствените заинтересирани. Наводно интерес за неговите услуги покажава и Ривер кој би сакал да го вклучи во составот, сега останува на Санчез што ќе избере.
Спорт
Бешикташ ги започнал преговорите со Митровиќ

Српскиот фудбалер Александар Митровиќ наводно е на мета на Бешикташ.
Митровиќ наводно е главната желба на турскиот Бешикташ за следната сезона, објави сигурниот турски портал „Фотомач“.
Наводно, Бешикташ веќе започнал преговори со Ал Хилал околу трансферот на капитенот на српската репрезентација.
Ова е планот на црно-белите од Истанбул следната сезона сериозно да ги предизвикаат Галатасарај и Фенербахче, кои се единствените пред нив во поредокот.
Се додава дека шефот на стручниот штаб на тимот, Оле Гунар Солскјаер, инсистира на доведување на триесетгодишниот напаѓач.
Митровиќ оваа сезона постигна 14 гола на 17 натпревари.