Спорт
Може ли Македонија повторно да биде црна мачка за Италија?

FOTO/ EPA-EFE/GEORGI LICOVSKI
Фудбалската репрезентација на Македонија вечерва на „Олимпико“, во претпоследното коло ќе гостува кај актуелниот европски првак Италија. На кулниот стадион, Италија мора да победи, доколку сака да ги задржи шансите за пласман на ЕП, додека Македонија ќе игра за својата чест.
Англија од Ц групата е сигурен патник на ЕУРО 2024, за второто место во конуренција се Украина и Италија. „Азурите“ имаат јасна математика, потребни им се четири бода за да ја остварат целта.
Македонија, од друга страна со порзот од Украина остана без шанси за второто место. Јасно е дека избраниците на Благоја Милевски ќе дадат се од себе за да одиграат добар натпревар. Најавите од нашиот табор се дека „во Рим не дошле на туристичко патување“.
Ја имаат и традицијата на своја страна. Во последнте две соочувања, Македонија е „црна мачка“ за Италија.
Македонија ја елиминираше Италија во Палермо, од плеј-офот за пласман на СП во Катар, а пред два месеци ги сопна „азурите“ во Скопје, кога одигра 1:1.
Пред мечот италијански „Скај спорт“ предвидува со кои состави ќе настапат Спалети и Милевски. Според вој извор Италија ќе игра со лажна деветка.
Италија (4-3-3): Донарума – Дармијан, Гати, Ачерби, Димарко – Барела, Жоржињо, Бонавентура – Берарди, Распадори, Киеза.
Македонија (3-5-2): Димитриевски – Манев, Серафимов, Муслиу – Атанасов, Ашковски, Елези, Барди, Алиоски – Елмас, Миовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Во Фенербахче ми нудеа допинг“

Францускиот фудбалер Алан Сен Максиман излезе во јавноста со многу сериозни обвинувања против Фенербахче, каде што играше претходната сезона.
Тој беше позајмен од Ал Ахли во турскиот клуб. Одигра 31 натпревар, забележа четири гола и исто толку асистенции.
Сен Максиман беше гостин во подкаст со францускиот јутјубер Зак Нани и искажа зборови што ќе одекнат.
Имено, тој изјави дека му нуделе допинг во турскиот клуб, со закани дека не смее да зборува за тоа.
„Фенербахче не стана шампион и не е шампион 11 години поради работи што немаат никаква врска со фудбалот. Клубот е опколен од надворешни влијанија. Дури и се обидоа да ме натераат да земам допинг таму во еден момент. Луѓето не го знаат тоа, бидејќи не можете отворено да зборувате за тоа кога сте таму, тие ви се закануваат од сите страни. Ти велат: „Ако зборуваш, ќе ти направиме ова или она“. Во Турција бев во ситуации што ги надминуваат границите на фудбалот“, рече Максиман.
Сепак, тој зборуваше со пофалби за Жозе Мурињо, но дека атмосферата во Истанбул е многу проблематична.
Се очекува Фенербахче да даде соопштение во оваа пригода.
Foto/ EPA
Спорт
Ливерпул остатокот од договорот на Жота ќе му го исплати на неговото семејство

Ливерпул ќе ги исплати преостанатите две години од договорот на починатиот Диого Жота на неговото семејство.
Како што објави португалскиот „Рекорд“, клубот од „Енфилад“, откако ќе го повлече дресот со број 20, ќе ги измири и преостанатите две години од договорот, кои ќе му бидат исплатени на семејството на починатиот Жота.
Фудбалскиот свет беше запрепастен од информацијата дека португалскиот фудбалер загинал во сообраќајна несреќа, кога тој и неговиот брат починале во Шпанија, во близина на португалската граница во областа Замора.
Жота беше член на Ливерпул, каде што пристигна во 2020 година и оттогаш постигна 65 гола во 182 натпревари. Со Ливерпул ја освои Премиер лигата, ФА Купот и два Лига Купа.
Во текот на својата кариера играше и за Пакош Фереира, Атлетико Мадрид, Порто и Вулверхемптон.
Играше 49 пати за Португалија и постигна 14 гола, двапати освојувајќи ја Лигата на нации.
Погребот на браќата Жота ќе биде оваа сабота.
Foto/ EPA/PETER KLAUNZER
Спорт
(Видео) Челси преку Палмеирас до полуфиналето на клупскиот Мундијал

Foto/ EPA
Фудбалерите на Челзи го победија Палмеирас во четвртфиналето на Светското клупско првенство на ФИФА со 2:1 (1:0).
Благодарение на победата во Филаделфија „сините“ се пласираа во полуфиналето, каде што ги чека уште еден тим од Бразил, Флуминенсе.
Двократниот европски шампион ја оствари победата благодарение на голот на Кол Палмер во 16-та минута и автоголот на голманот Вевертон во 83-та минута. Стрелец за Флуминенсе беше фудбалерот што „сините“ веќе го купија, креативниот играч од средниот ред Вилијан Естевао.
Крилниот напаѓач Педро Нето беше дел од англискиот клуб од самиот почеток.
Настапот на Португалецот беше неизвесен, откако Челзи му даде одврзани раце да избере дали да игра по смртта на неговиот голем пријател – фудбалерот на Ливерпул Диого Жота и неговиот брат Андре Силва.