Челси го доби Милан со 3:0 во дербито на вечерашната програма во Лигата на шампиони, која ни донесе убедливи победи на Манчестер сити и Борусија Дортмунд, рутини на Јувентус и Реал Мадрид, но и само реми за ПСЖ на гостувањето во Португалија.

На „Стемфорд Бриџ“, новиот менаџер Греем Потер, конечно, го доби тоа што го посакуваше откако Челси стигнаа до убедлива победа над Милан. Весли Фофана во 24. минута го отвори резултатот по мешаница пред голот на „росонерите“, пред во второто полувреме, Пјер-Емерик Обамејанг да стрела во 56. минута од мечот за негов втор гол во два меча. Рис Џејмс во 62. минута зголеми на 3:0, ставајќи крај на надежите на гостите дека можат да приредат камбек.

Борусија Дортмунд, слично како Наполи вчера против Ајакс, стигна до неверјатна 1:4 победа на гости кај Севилја, зголемувајќи го притисокот на тренерот Хулен Лопетеги. Првото полувреме на „Писхуан“ беше катастрофално – Рафаел Гереиро во 6. минута донесе водство за гостите, Џуд Белингем во 41. минута зголеми на 0:2, за Карим Адејеми само две минути подоцна да постигне гол за 0:3. Ел Несири им ја врати надежта на Севилја во 55. минута, но Јулијан Бранд во 75. минута зголеми на 1:4.

Во Манчестер пак, Сити стигна до нова убедлива победа, овојпат со 5:0 над Копенхаген, откако неверојатниот Ерлинг Халанд стигна до 28 гола во 22 меча во европското елитно натпреварување во првото полувреме. Халанд го отвори резултатот веќе во 7. минута, за да го удвои водството во 32. минута, а само седум минути подоцна, Давит Хочолава си постигна автогол за 3:0. Тимот на Пеп Гвардиола не застана – Ријад Марез во 55. минута од пенал зголеми на 4:0, за во 76. минута да му асистира на Хулијан Алварез за 5:0.

Актуелниот шампион Реал Мадрид дојде во водство од 2:0 преку бразилските таленти Винисиус Жуниор и Родриго дојдоа до брзо 2:0 водство против Шахтјор, но украинскиот тим ги остави нервозни до крајот откако Зубков во 39. минута намали на 2:1. Јувентус исто така рутински дојде до 3:1 победа над Макаби Хаифа благодарение на двата гола на Адриен Рабио, но ПСЖ и покрај прекрасниот гол на Лео Меси, се задоволи само со 1:1 реми на гости кај Бенфика.

ЛИГА НА ШАМПИОНИ, 3.КОЛО
ГРУПА Е
Челси – Милан 3:0
ГРУПА Ф
Реал Мадрид – Шахтјор Доњецк 2:1
ГРУПА Г
Манчестер сити – Копенхаген 4:0
Севилја – Борусија Дортмунд 1:4
ГРУПА Х
Бенфика – Пари Сен-Жермен 1:1
Јувентус – Макаби Хаифа 3:1



Веспрем го продолжи совршениот старт на новата сезона во ЕХФ Лигата на шампиони, откако во драматичен меч успеа да извлече 31:30 победа во Данска кај ГОГ.

Откако целио меч бее израмнет, ГОГ стигнаа до второто водство на мечот на само 32 секунди пред крајот, кога Емил Мадсен постигна гол за 30:29 водство. Но, искуството на Веспрем се покажа во тие моменти – Драган Пешмалбек и Петар Ненадиќ постигнаа два брзи гола за импресивна победа.

Нант, пак, не дозволи Целје да стигне до втора шокантна победа по таа над Кил, откако доминираа од почетокот до крајот на мечот за 35:24 победа, трет во низа за францускиот клуб. јмерик Мин повторно беше ѕвезда за Нант, завршувајќи со 11 гола, со што францускиот клуб со вкупно 144 гола се лидери во елитата.

До својата прва победа во натпреварувањето стигнаа Динамо Букурешт, откако со 32:27 го совладаа Порто, клубот кој останува без победа по четири кола. Египќанецот Али Зеин, кој заврши со 10 гола, ги предводеше Динамо до клучната предност од 18:14, по која до крајот на мечот рутински стигнаа до победата. Македонскиот голман Никола Митревски имаше 10 одбрани, кои на крајот беа залудни за португалскиот клуб.

ЕХФ ЛИГА НА ШАМПИОНИ, 4.КОЛО
ГРУПА А
Динамо Букурешт – Порто 32:27 (13:12)
ГОГ – Веспрем 30:30 (14:16)

(function (el) {
window.addEventListener(“message”, (event) => {
if (event.origin.startsWith(“https://www.sofascore”)) {
if (el.id === event.data.id) {
el.style.height = event.data.height + “px”;
}
}
});
})(document.getElementById(“sofa-standings-embed-2465-42851”));

ГРУПА Б
Целје – Нант 24:35 (14:20)

(function (el) {
window.addEventListener(“message”, (event) => {
if (event.origin.startsWith(“https://www.sofascore”)) {
if (el.id === event.data.id) {
el.style.height = event.data.height + “px”;
}
}
});
})(document.getElementById(“sofa-standings-embed-2466-42851”));

Баер Леверкузен го потврди Чаби Алонсо како нов тренер, откако легендарниот поранешен шпански фудбалер потпиша договор до 2024 година, откако наводно добија „корпа“ од Томас Тухел.

Шпанецот имаше фантастична играчка кариера со Баерн Минхен, Ливерпул и Реал Мадрид, а ова му е прва посериозна тренерска работа, откако претходно работеше со јуниорските тимови на Реал Мадрид, а беше и тренер на Б-тимот на Реал Сосиедад.

Во Леверкузен тој ќе има вистински предизвик, бидејќи „фармацевтите“ се на претпоследното место на табелата со само една победа во првите осум меча од бундеслигашката сезона.

„Го познавам Леверкузен од моето време во Германија и знам дека се работи за фантастичен клуб. Баер 04 секогаш имале големи фудбалери и сега гледам многу квалитет во тимот. Клубот е амбициозен и мое е да ја остварам таа амбиција“, вели Алонсо.

???? @XabiAlonso : “I know Leverkusen as an excellent club from my time in Germany. #Bayer04 has always had great players, I also see a lot of quality in the current squad. This task excites me a lot.” pic.twitter.com/EuaWSs2H5j

— Bayer 04 Leverkusen (@bayer04_en) October 5, 2022