Спорт
Mozzart и „ОЦР Кучково 2025“ – каде што природата и спортот создаваат непобедливи херои

Трета година по ред, компанијата Mozzart стои зад една од најекстремните и највпечатливи трки во Македонија „ОЦР Кучково 2025“, организирана од Здружението за спортски игри со препреки „ОТАКУ Скопје“.
Овој спортски спектакл, кој важи за еден од најпосетените настани во земјава, повторно блесна во препознатливите сино-жолти бои.
Лидерот во приредување игри на среќа, и оваа година учествуваше со свој тим од осум натпреварувачи, кои храбро се соочија со предизвиците на патеката и го оправдаа слоганот на тимот “Непобедливи”.
„Оваа година ги имавме сите услови за најдобрата OCR трка досега – кал, дожд и препреки изработени по највисоки стандарди за овој спорт, кон кои целиме уште од првата OCR трка во Леуново. Горди сме што по петти пат ја организиравме оваа спортска приказна, и тоа првпат како дел од Светската и Европската OCR федерација. Во патеката и препреките вложивме многу труд за да им понудиме на учесниците вистинско искуство исполнето со предизвици и силни емоции. Ова е можеби најтешката трка во Македонија како од тркачки така и од логистички план. Искрена благодарност до нашиот главен спонзор Mozzart, без кого оваа трка немаше да биде возможна, како и до клубовите и заедницата што се со нас од првиот ден”, изјави Марија Алексова, претседател на здружението „ОТАКУ Скопје“.
По завршувањето на трката, вработените од Mozzart организираа еко-акција за чистење на излетничкото место, со што уште еднаш го потврдија својот ангажман за зачувување на природата и подигнување на еколошката свест кај граѓаните.
„Ова е трета година по ред како ја поддржуваме трката ОЦР Кучково 2025. Без сомнение ќе кажам дека ова е еден од најубавите спортски настани кај нас, каде владее натпреварувачки дух но и многу дружба. Под слоганот ‘Непобедливи’, за нашиот тим се натпреваруваа осум тркачи. Покрај поддршката на трката, реализирана беше и еко акција за чистење на излетничкото место каде се одржуваше трката. Ваквите и слични настани секогаш ќе ја имаат поддршката од нашата компанија”, изјави Ивана Стефановска Крстевска од Mozzart.
Со активно учество и поддршка на вакви иницијативи, Mozzart не само што го зајакнува тимскиот дух меѓу вработените, туку и го потврдува значењето на слоганот – Непобедливи.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Црвена звезда пред договор со Џаред Батлер

Американскиот кошаркар Џаред Батлер (25, 191) се откажа од трансфер во Олимпијакос или Партизан и се согласил да се пресели во Црвена Звезда, пишува „Јурохупс“.
Грчките медиуми наведоа дека Батлер се свртел кон Црвена Звезда, која бара бек по повредите на Изеа Кенан и Тајсон Картер, како и на Девонте Греам. Во исто време, кошаркарскиот портал „Јурохупс“, тврди дека Батлер веќе одлучил да се пресели во црвено-белиот дел од Белград.
Звезда сега има најголеми шанси да го добие потписот на поранешен кошаркар од бројни НБА клубови.
Партизан исто така беше во игра за неговиот потпис.
Олимпијакос потврди за „Спорт24“, дека е заинтересиран за Батлер, дека има преговори, но дека играчот бара одредени минути во играта, што клубот не може да му ги гарантира.
Друга пречка за договор меѓу двете страни е фактот што истиот агент ги застапува Тајлер Дорси и Џаред Батлер, па затоа не беше во негов интерес да стави двајца од неговите клиенти во ист тим за да се борат за место во тимот.
Да потсетиме дека Олимпијакос во надворешната линија, покрај Дорси, ги има и Фурние, Вокап, Еванс и Ниликина.
На Батлер му се потребни минути бидејќи сака да се врати во НБА, дефинитивно ќе ги добие во Звезда бидејќи црвено-белите очајно имаат потреба од играч со неговите карактеристики и пред сè играч на позицијата „два“.
Џаред Батлер игра на позицијата бек и важи за извонреден стрелец.
Минатата сезона ја започна во Вашингтон, но во февруари се пресели во Филаделфија, одигра 28 натпревари, 17 како стартер и имаше просек од 11,5 поени со 4,9 асистенции и 2,5 скока за 24,4 минути по натпревар. Потоа се пресели во Феникс, во предсезонски натпревар против Лос Анџелес Лејкерс, блескаше со учинок од 35 поени (пет тројки), пет скока и девет асистенции, но донекаде изненадувачки, сепак доби отказ.
Спорт
Со спортот до посилна заедница: улогата на Државната лотарија во развојот на спортот

Во време кога спортот сè повеќе се препознава како моќна алатка за позитивна општествена трансформација, со значајно влијание врз младите генерации, се појавува потреба од интензивна поддршка и унапредување на спортската инфраструктура и активности. Во таа насока, Државна лотарија во текот на изминативе години презеде активна улога во унапредување на спортската инфраструктура, соработка со спортски колективи низ државата, ставајќи посебен акцент на развојот на млади спортисти, создавање подобри услови за тренинг и натпреварување, но и зачувување на спортските традиции.
Во последната година компанијата воспостави соработка со значителен број спортски колективи, вклучувајќи клубови од различни спортски дисциплини, како кошарка, фудбал, бокс, ракомет, боречки вештини и шах. Преку оваа поддршка, не се настојува само да се подобрат условите во кои функционираат спортските организации, туку и да се афирмираат вредностите што ги носи спортот со себе: тимска работа, фер-плеј игра, дисциплина, истрајност, почитување на различностите и здрав начин на живот.
Меѓу клубовите со коишто се остварени партнерства се кошаркарските екипи „Куманово“, „МЗТ“ и „Чаир“, фудбалските клубови „Форца – Вардар“, „Фенебахче – Тефејуз“ и „Албарса“, боксерските клубови „Шкупи“ и „Албарса“, како и ракометните клубови „Аеродром“ и „Спартек“. Во областа на боречките вештини, клубовите „Дрвени“ и „Викинг“, карате клубот „Аеродром“, планинарски клуб „Остри врв“, Кратово и други. Овој широк опфат на спортови укажува на намерата поддршката да не биде ограничена само на најпопуларните дисциплини, туку да се прошири и на помалку видливи спортски заедници, кои, сепак, играат клучна улога во развојот на спортската култура во државата.
Важно е да се истакне дека критериумот за поддршка не се темели исклучиво на спортскиот успех или на популарноста на клубовите. Наместо тоа, се вреднува посветеноста кон работа со млади категории, создавање инклузивна средина за тренирање и натпреварување, како и посветеноста на пренесување на спортските вредности кон идните генерации. Спортот, во овој контекст, се гледа како образовен и воспитен ресурс, кој игра важна улога во социјалниот развој и во оформувањето активни, здрави и одговорни граѓани.
Дополнително, соработката со Шаховскиот клуб на ветерани „Скопје 72“ е показател за ангажманот на Државна лотарија и кон повозрасната спортска популација. Поддршката на спортски ветерани значи признавање на нивниот придонес во спортската историја на земјата и важноста на нивната улога во пренесувањето на знаењето и искуството кон помладите. Преку вакви иницијативи, се овозможува континуитет на спортската традиција, а истовремено се отвора простор за интергенерациска поврзаност во рамките на спортските заедници.
За Државна лотарија, како општествено одговорна компанија, инвестицијата во спортот е влог во човечкиот капитал, во здравјето на идните генерации и во заедницата во целина. Преку доследна и стратегиска поддршка на спортските колективи и индивидуалци, може да се создаде основа за долгорочен развој на спортот, но и на општеството во поширока смисла.
ПР
Спорт
(Видео) Прва голема грешка на судиите во новата НБА-сезона

Првиот натпревар во сезоната во НБА лигата ја донесе првата голема грешка на судиите. Оклахома го победи Хјустон, по две продолженија со 125:124. Судиите не ги почитуваа правилата, наместо тоа тие му „прогледаа низ прсти“ на Кевин Дурант.
Сè се случи на крајот од натпреварот помеѓу Хјустон и Оклахома, односно на крајот од првото од двете продолженија.
Оклахома имаше напад за победа, но само неколку секунди до крајот, топката заврши во рацете на Гилџес-Александер, тој беше блокиран од Тери Исон, а топката падна во рацете на Дурант со околу една секунда до крајот.
Дурент ја фати топката и побара тајм-аут што Рокетс го немаа. Веднаш по рекацијата на Дурант, Шенгун се фати за глава свесен за последиците.
Според правилата требаше да биде судена техничка и едно слободно фрлање за Окалхома, што веројатно ќе им ја донесе победата на Тандер.
Играчите на Оклахома жестокот протестираа, но судиите воопшто не реагираа.
По натпреварот, судијата Зак Зарба рече дека ниту еден од судиите не го видел Дурант како бара тајм-аут, а видео што кружи на социјалните мрежи покажува дека тој го сторил тоа, како и неговиот соиграч Алперен Шенггун како се обидува да го прикрие тоа.
Kevin Durant called for a timeout, but Houston had none, and the refs didn’t see it.
WOW — DOUBLE OVERTIME.
— Hoop Central (@TheHoopCentral) October 22, 2025