Спорт
MOZZART спонзор на турнирот во мал фудбал во Крива Паланка 2023

Регионалниот лидер во приредување игри на среќа уште еднаш ја покажа и докажа својата посветеност во помагање и развивање на спортот во Македонија.
Овојпат Mozzart даде поддршка на вториот по ред национален турнир во мал фудбал во Крива Паланка кој полека но сигурно прераснува во традиција.
На турнирот учество ќе земат дванаесет тимови од Скопје, Куманово и Крива Паланка.
Антонио Давитковски, еден од организаторите, изрази благодарност до компанијата Mozzart за несебичната помош и поддршка која ја добија за организација на овој спортски настан.
,,Општина Крива Паланка втора година по ред е организатор на Турнирот во мал фудбал Крива Паланка 2023. Минатата година настанот се покажа како полн погодок за локалната заедница и спортската јавност која ги наполни трибините во салата ,,Бранители 2001’’. Тоа беше и главниот мотив и оваа година повторно да го организираме турнирот со подобар квалитет од претходната година. Пријавени се дванаесет екипи составени од квалитетни футсал играчи, а меѓу нив има и голем број репрезентативци. Голема благодарност до Mozzart што го препозна овој турнир како голем потенцијал и многу значаен за заедницата и истиот го поддржа. Се надеваме дека ќе успееме да ја оправдаме помошта со квалитет и оваа соработка ќе биде успешна и ќе продолжи и во наредните години’’, изјави Давитковски.
Турнирот во мал фудбал свечено беше отворен вчера, а истиот ќе трае две недели.
Mozzart и натаму продолжува да одговара на барањата за помош при организација на спортски настани, истите да ги поддржува, помага и да дава свој придонес во развојот на спортот и спортскиот дух.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мексикански клуб исфрлен од Светското клупско првенство, прекршени се правилата за сопственост на повеќе клубови

Клуб Леон од Мексико е исфрлен од Светското клупско првенство кое летово првпат ќе се одржи во нов формат.
Комисијата за жалби на ФИФА ја донесе оваа одлука откако ги разгледа дисциплинските постапки против мексиканските тимови Пачука и Клуб Леон.
ÚLTIMA HORA | El Mundial de Clubes, patas arriba: León, expulsado https://t.co/e46GaBCoTo
— MARCA (@marca) March 21, 2025
Утврдено е дека овие клубови ги прекршиле пропишаните правила за сопственост на повеќе клубови.
Поради ова, ФИФА одлучи да го суспендира учеството на клубот чиј најпознат играч е Хамес Еодригез, поранешен член на Реал Мадрид и колумбиската репрезентација.
Светското клупско првенство ќе се игра од 14 јуни до 13 јули во САД. Ќе учествуваат 32 клуба, а подоцна ќе биде објавено кој ќе го замени Клуб Леон.
Спорт
Луаку размислува(л) да ја напушти репрезентацијата

Белгискиот фудбалер Ромелу Лукаку изјави дека размислува да се откаже од националниот тим, делумно поради токсичната атмосфера во тимот за време на Европското првенство во Германија минатото лето.
Лукаку е еден од најдобрите белгиски фудбалери на сите времиња и е најдобар стрелец во националниот тим со 86 голови, постигнати на 121 натпревар.
Белгија минатото лето беше елиминирана во осминафиналето на Европското првенство, а Лукаку не беше задоволен од атмосферата во тимот. Репрезентацијата на Белгија во последните години беше во центарот на вниманието поради контроверзи, вклучувајќи ја и одлуката на капитенот Кевин Де Бруине да ја одведе екипата надвор од теренот без да ги поздрави навивачите кои ги исвиркуваа за нивната лоша игра, по ремито со Украина.
По заминувањето на поранешниот селектор Доменико Тедеско, голманот Тибо Куртоа ја промени одлуката да се повлече од репрезентацијата. Неговото враќање во репрезентацијата, со одлука на новиот селектор Руди Гарсија предизвика контроверзии, бидејќи голманот Кун Кастелс веднаш ја напушти репрезентацијата во знак на протест.
Лукаку, кој настапува за Наполи, изјави дека разочарувачкиот настап на Европското првенство влијаел врз него, поради што размислувал да се повлече од националниот тим.
„Размислував за заминување по Европското првенство и поразот од Франција. Бев многу фрустриран и му кажав на Јан Вертонген дека повеќе не ми се допаѓа она што се счучува. Премногу брзо се случи. Но, не можев да ја напуштам мојата земја”, изјави Лукаку за француските медиуми.
„За време на турнирот целосно се концентрирам на тимот. После тоа беше тешко да се разбере се што се случуваше на ЕП. Атмосферата беше прилично токсична, а ние не дававме резултати. Не реагирам добро на пораз“.
Инаку, Белгија, синоќа во Мурсија, дожиеа пораз од Украина (3:1), во првиот натпревар за опстанок во А-дивизијата во Лигата на нации.
Спорт
Хојлунд: Не го исмевав Роналдо, тој е мојот идол

Данскиот фудбалер Расмус Хојлунд изјави дека не сакал да се потсмева на својот идол Кристијано Роналдо откако го прослави победничкиот гол против Португалија во четвртфиналето на Лигата на нации на ист начин како и славниот Португалец – со скокање и извикување „сиу“.
Данска ја совлада Португалија со 1-0 синоќа во Копенхаген, во првиот четвртфинален натпревар од Лигата на нации, со неговиот гол во 78. минута.
„Не го исмејував, секогаш велев дека има големо значење за мене и мојата фудбалска кариера. Играв против најдобриот светски фудбалер, мојот идол, и не можеше да биде подобро да постигнам гол за победа“, изјави Хојлунд изјави за данската телевизија ТВ2.
„Да постигнеш гол против него и Португалија е огромна работа. Го гледав Роналдо во 2009 година кога постигна слободен удар и оттогаш сум негов обожавател“.
Реваншот е в недела во Лисабон, победникот ќе оди на завршниот турнир, а поразениот ќе биде во група со Шкотска, Грција и Белорусија во квалификациите за СП 2026 година во САД, Канада и Мексико.