Спорт
Му го украде медалот на тренерот, па му пиша на Инстаграм: Фала, Пиоли!
Навивачот на Милан кој го украде медалот за освојување на Серија А на тренерот на Милан, Стефано Пиоли, се пофалил со „пленот“ на социјалните мрежи.
Пиоли остана без медалот во хаотичната завршница на „Мапеи“ во Реџо Емилија по победата над Сасуоло, по што веднаш побара да му биде вратен бидејќи „нема друг медал“, посочувајќи дека ова му е прва титула во кариерата.
Според италијанските медиуми, „крадецот“ се идентификувал преку социјалните мрежи, откако на Инстаграм објавил фотографија од медалот со порака: „Фала, Пиоли“
Лега Серија А веќе објавија дека нема да има проблем да му направат копија од медалот на тренерот.
Sui social spunta la medaglia rubata durante la festa: "Grazie Pioli" #Milan #Pioli #medaglia #scudetto #SportMediaset https://t.co/kg0GolgEqL pic.twitter.com/173v3FsTuJ
— SportMediaset.it (@sportmediaset) May 23, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Прогноза на Суперкомпјутерот: Реал ќе ја освои титулата во Шпанија
Ден по победата на Реал над Барселона (2:1), во „Ел Класико“, Суперкомпјутерот пресмета дека „кралскиот клуб“ ќе ја освои титулата во Шпанија оваа сезона.
Пред натпреварот со Барселона, шансите беа еднакви, пишуваат денес шпанските медиуми, но по триумфот, рапидно пораснаа шансите на Реал.
„АС“ пишува дека според Суперкомпјутерот, Реал Мадрид на крајот ќе ја освои титулата со 87 поени, седум повеќе од Барселона. На третото место ќе биде Атлетико Мадрид.
Според оваа проекција од лигата ќе испаднат Овиедо, Леванте и Џирона, клубот што играше во Лигата на шампионите минатата сезона.
Спорт
Арсен Венгер: Ел класико – натпревар на мажи против момчиња
Легендарниот тренер тренер Арсен Венгер ја опиша победата на Реал Мадрид од 2:1 над Барселона во „Ел Класико“ како натпревар на „мажи против момчиња“, а воедно ја пофали работата на тренерот Чаби Алонсо.
„Кралскиот клуб“ доминираше на „Сантијаго Бернабеу“ и со победата им избега на своите најголеми ривали на пет бода на врвот на Ла Лиг.
Венгер беше директен во својата анализа, истакнувајќи ја тактичката и физичката супериорност на Реал.
„Ел Класико беше малку како дуел помеѓу мажи и момчиња. Одбраната на Реал Мадрид беше многу посилна од онаа на Барселона“, рече Венгер.
„Во нападот, Мадрид секогаш изгледаше способен да постигне гол, додека Барселона изгледаше неефикасна. Имаа многу посед, но никогаш не изгледаа способни да постигнат гол. Честитки за Чаби Алонсо“, додаде тој.
Foto/ EPA
Спорт
Почина легендарниот голман на Реал
Утрото по победата (2:1) над Барселона во „Ел Класико“, навивачите на Реал Мадрид добија тажна вест.
Легендарниот голман на мадридскиот клуб, Хозе Мануел Очоторена, почина на 64-годишна возраст.
Претседателот на клубот, Флорентино Перез, и одборот на директори на Реал Мадрид изразија длабоко жалење поради смртта на Очоторена.
„Во овие тешки моменти, Реал Мадрид испраќа искрено сочувство до неговото семејство, поранешните соиграчи, пријателите и сите клубови за кои играше за време на неговата богата кариера“, се вели во соопштението на Реал Мадрид.
Очоторена го носеше дресот на Реал Мадрид шест сезони, од 1982 до 1988 година. Во тој период, тој освои два Купа на УЕФА, три титули во шпанското првенство и еден Лига куп.
Покрај Реал, тој ги бранеше и боите на Валенсија, Тенерифе, Логроњес и Расинг Сантандер. Во сезоната 1989/90, како член на Валенсија, го освои престижниот Трофеј Замора, наградата за голманот со најмалку примени голови во Ла Лига.
Тој беше дел од шпанската репрезентација на Светското првенство во Италија во 1990 година.
По неговата играчка кариера, тој остави длабока трага и како тренер на голмани, работеше во Валенсија, Ливерпул и во шпанската репрезентација 17 години, од 2004 до 2021 година.
Тој тренираше голмани од познатата генерација што владееше со светскиот и европскиот фудбал и освои три последователни титули во 2008, 2010 и 2012 година.

