Францускиот интернационалец Кристофер Нкунку и следната сезона ќе го носи дресот на Лајпциг, а ќе потпише и нов договор. Тој ќе ја продолжи соработката со германскиот тим до 2026 година, а следното лето ќе има отштетна клаузула од 60 милиони евра.

Нкунку се согласи со условите на Лајпциг, што го направи најплатен играч во клубот. Она што е интересно е што договорот е потпишан во Париз.

Пари Сен Жермен имаше намера да го врати Нкунку во Париз од каде што потекнува, но тој очигледно и понатаму ќе остане во Германија.

Францускиот офанзивец на тој начин ќе се обиде да ја повтори блескавата година што ја имаше зад себе. На 50 натпревари даде импресивни 35 гола, со 19 асистенции.

Селекторот на машка сениорска репрезентација на Македонија, Драган Бајиќ, го објави списокот на кошаркари на кои ќе смета за јунскиот ФИБА прозорец од квалификациите за Светскиот Куп во 2023 година.

Со оглед на краткиот временски период до првите квалификациски обврски, односно наредниот натпревар од квалификациите, закажан за 1.јули, кога гостуваме репрезентацијата на Шпанија, селекторот Бајиќ се определи за потесен список од 14 кошаркари. На него се наоѓаат и младите сили, Рубин Стефанов, Андреј Јаккимовски и Теодор Симиќ.

Првиот собир на сениорскиот национален тим е предвиден да биде на 25. јуни, во салата на А1 Арената „Борис Трајковски“ во Скопје, во 10 часот, каде „црвено-жолтите“ ќе се подготвуваат до заминувањето за Сарагоса, како и по враќањето за Шпанија.

Инаку, освен дуелот со Шпанија во Сарагоса, нашата сениорска селекција ќе одигра уште еден натпревар во јунскиот квалификациски циклус за пласман на Мундобаскетот.

На 4. јули, во „Борис Трајковски“ во Скопје, од 18 часот, ќе гостува селекцијата на Украина.

Фудбалската репрезентација на Македонија има пад од две позиции на најновото рангирање на ФИФА и сега се наоѓа на 64.место. Нашата селекција забележа две победи, но против аутсајдерот Гибралтар, а ремизираше против Бугарија и доживеа пораз дома од Бугарија во четирите натпревари од јунската сесија во Лигата на нации.

Од ривалите на нашата група во Лигата на нации, најдоброрангирана е Бугарија која е 74. во светот. Грузија е рангирана на 82. место, додека Гибралтар е на 201.позиција.

На врвот на ранкингот на ФИФА е селекцијата на Бразил, пред Белгија и пред Аргентина, а потоа следуваат селекциите на Англија и на Шпанија.