Картичка од 2000 година, со ликот и потписот на најтрофејниот квотербек во историјата на НФЛ лигата, Том Брејди, на он-лајн аукција е продадена за неверојатни 1,32 милиони долари.

Милионска сума, за картичката од серијата „2000 Playoff Contenders Championship Ticket“, издвоил познатиот колекционер на картички, инаку голем фан на Брејди, Џејмс Парк.

„Форбс“, богатството на овој бизнисмен, го проценува на 600 милиони долари.

Претходниот рекорд, за една ваква картичка е поставен минатиот месец, кога за картичка со ликот на Патрик Махонс биле платени 861.000 долари.

Том Брејди (43), во моментов е играч на Тампа Беј Баканирс. Со овој тим тој неодамна го освои седмиот шампионски прстен во кариерата.

Бреји в НФЛ игра од 2000 година, кога како 199 пик, во шестата рунда на драфтот, бил избран од Њу Ингланд Петриотс.

A Tom Brady championship ticket rookie card, in an 8, has been sold for $1.32 million by @pwcc.

The same card, in an 8.5, was sold last month by @RickProbstein’s @probstein123 for $1.7M.

Probstein asked 3 of 7 people with a 9 if they would take $5M for the card.

All said no. pic.twitter.com/DNFA74GfNu

— Darren Rovell (@darrenrovell) March 5, 2021

Челниците на Формула 1 потврдија дека трката за Големата награда на Португалија ќе се вози и оваа година. Според најновиот распоред, Португалија ќе биде третата трка во календарот. Викендот во Портимао ќе се одржи од 30.април до 2.мај. Минатата сезона Формула 1 дебитираше во Портимао.

Коронавирусот предизвикува организациски проблеми во календарот. Трката во Австралија, со која традиционално започнува сезоната, ќе се вози на 21.ноември, додека Големата награда на Кина нема да се вози и оваа година.

Сезоната во Формула 1 ќе започне на 28.март, со трката за Големата награда на Бахреин. Трката на патеката „Сакир“, е прва од рекордните 23 трки што ќе се возат оваа година.

Девет напревари се одиграа во НБА-лигата пред паузата поради олстар-натпреварот, кој ќе се одигра в недела.

Во најдраматичниот натпревар Милвоки победи во Мемфис со 112:111. Победата ја реши Џру Холидеј со поените постигнати на пет секунди до крајот на натпреварот. Јанис Адетокумбо го предводеше Милвоки со 26 поени и 11 скока, на спротивната страна најдобар беше Џа Морент со 35 поени.

Драматично беше и во Портланд, каде што Демијан Лилард на својот тим му ја обезбеди победата над Сакраменто 123.119. Лилард 10 од своите 44 поени постигна во последните три минути. Брилијантен меч за Портланд одигра и Енес Кантер (22 поени и 21 скок). 32 поена за Сакраменто постигна Диерон Фокс.

Вашингтон ја продлабочи кризата на ЛА Клиперс. Вашингтон победи 119:117 предводен од првиот стрелец во лигата Бредли Бил, кој постигна 33 поени, Расел Вестбрук забележа 27 поени, девет скока и 11 асистенции. Клипрс го запиша шестиот пораз на последните 10 натпревари. Ивица Зубац имаше дабл-дабл од 13 поени и исто толку скокови, а Каваи Ленард постигна 22 поена.

Четвртата победа во низа Денвер Нагетс ја забележа против Индијана Пејсерс. Нагетс победи 113:103. Мајкл Порттер јуниор го предводеше Денвер со 24 поени и 12 скока, Никола Јокиќ имаше 20 поени, 12 скока и осум асистенции.

Резултати:

Бостон – Торонто 132:125
Вашингтон – ЛА Клиперс 119:117
Њујорк – Детроит 114:104
Индијана – Денвер 103:113
Мемфис – Милвоки 111:112
Њу Орлеанс – Мајами 93:103
Сан Антонио – Оклахома 102:107
Финикс – Голден стејт 120:98
Портланд – Сакраменто 123:119