Хрватската кошаркарска легенда – Тони Кукоч од осмиот обид беше примен во кошаркарската Куќа на славните во Спрингфилд.

Многумина сметаат дека играчот кој со Југопластика ја покори Европа требаше таа чест да ја добие многу порано. Истото мислење го има и неговиот соиграч од Чикаго Булс – Скоти Пипен.

Тој на Твитер напиша:

„Време беше! Обожавав да играм со Тони Кукоч и беше многу битен во нашипт втор поход по трите прстени во низа. Апсолутно припаѓа во Куќата на славните и одвај чекам наесен кога ќе ни се придружи“.

Кукоч и Пипен со Булси освоија шампионска титула во 1996/97 и 98 година кога во тимот од Чикаго беше и Мајкл Џордан.

Фудбалерот на Баерн Минхен, Давид Алаба, го ставил потписот на првиот дел од договорот со Реал Мадрид. Австриецот на „Сантијаго Бернабеу“, ќе пристигне како слободен играч по завршувањето на сезоната.

Трансферот на Алаба беше актуелен од почетокот на годината. Австриецот се поврзуваше со неколку клубови, меѓу кои покрај Реал беа ПСЖ, Барселона, Ливерпул.

Откако го потпишал првиот дел од договорот јасно е дека Алба наредната сезона ќе го носи дресот на Реал.

Медиумите шпекулираат дека фудбалерот во Реал ќе има годишна плата од 12 милиони евра.

Алаба оваа сезона со Баерн ја одбрани титулата во Германија. Во Бундес лигата одигра 31 натпревар.

Тренерот на Црвена звезда, Дејан Станковиќ,  го продолжил договорот со клубот. Српските медиуми објавија дека младиот тренер во наредните три години ќе остане во клубот, за годишна плата од 600.000 евра.

Дејан Станковиќ е легенда на Црвена звезда, најмлад капитен во историјата на клубот. Кариерата ја градеше во Лацио и Интер.

Тренер на Црвена звезда стана во јануари 2019 година. Успеа да ја одбрани титулата, а оваа сезона го предводи клубот до нова титула во првенството на Србија и е во потера по рекордот на Селтик од 106 освоени бодови во една сезона.

Црвена звезда, во пресрет на последното коло, на совето конто има 105 бодови.

Претходните денови, Станковиќ се поврзуваше со Сампдорија.