Спорт
Мурињо го разбива митот за повредите во Ливерпул

Менаџерот на Тотенхем, Жозе Мурињо, повторно покажа дека е мајстор на менталните игри во фудбалот кога пред утрешното дерби со Ливерпул ги отфрли тврдењата на Јирген Клоп дека „црвените“ се во криза со повреди.
На Ливерпул ќе им недостигаат неколку редовни првотимци, како дефанзивците Виргил ван Дајк и Џо Гомез, плејмејкерот Тијаго Алкантара и напаѓачот Диого Жота, а во аут се и Жоел Матип, Џердан Шаќири и Џејмс Милнер.
Мурињо смета дека, освен Ван Дајк, кој е во аут повеќе месеци со повреда на коленото од октомври, другите повреди не се вредни за споменување.
„Алисон не е повреден. Александер-Арнолд не е повреден. Матип верувам дека ќе игра. Фабињо не е повреден. Робертсон не е повреден. Хендерсон не е повреден. Вајналдум не е повреден. Салах не е повреден. Фирмино не е повреден. Мане не е повреден. Ван Дајк е повреден и Ван Дајк е многу добар фудбалер, тоа е сигурно. Дајте ми ја листата на повреди на Ливерпул и споредете го со најдобриот тим на Ливерпул. Јас можам да ви дадам листа на повреди во Тотенхем. Има две деца од У16 со повреди, двајца во У21 и три во У23. Ерик Ламела и Џафет Танганга се повредени. Но, дали е повреден Љорис? Не. Алдервајрелд? Не. Даер? Не. Регилон? Не. Кејн? Не. Сон? Не. Моура? Не. Тоа се нормални повреди како во секој тим“, вели Мурињо.
“Salah is not injured, Firmino is not injured, Mane is not injured…”
Jose Mourinho has played down Liverpool’s injury issues – claiming every club goes through problems like thispic.twitter.com/z4rqaQpiye
— Sky Sports Premier League (@SkySportsPL) December 15, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кристал Палас го заврши трансферот на Јереми Пино

Шпанскиот репрезентативец Јереми Пино е новото засилување на Кристал Палас, во кој ќе ја наследи улогата на доскорошниот лидер на „орлите“ Еберечи Езе.
Езе, минатата недела се пресели во Арсенал, а освојувачот на ФА Купот од трансферот заработи 79.000.000 евра. Менаџерот Оливер Гласнер експресно најде замена за Езе. Кристал Палас ќе му плати на Виљареал 30.000.000 евра за Пино.
Момчето од Канарските Острови одигра 170 натпревари за „жолтата подморница“, со напаѓачки настап од 22 гола и 23 асистенции. Тој ја освои Лигата на Европа во 2021 година, но и Лигата на нации во 2023 година со Шпанија, за која играше 15 пати.
На почетокот на сезоната, клубот од главниот град на Англија го изненади Ливерпул и го освои Комјунити Шилд, додека во Премиер лигата освои два бода во првите два натпревари.
Спорт
Самуел Ето: Брилијантениот фудбалер стана контраверзен функционер

Самуел Ето е претседател на Камерунската фудбалска асоцијација (KФA) веќе неколку години. Сепак, неговиот мандат му штети на фудбалот во оваа земја. Покрај тоа се повеќе се зборува за скандалите во кои е вмешан Ето.
Самуел Ето е еден од најголемите напаѓачи во историјата. Тој освои три титули во шпанското првенство и две титули во Лигата на шампионите со Барселона.
Тој ја освои и Лигата на шампионите со Интер. Неколку пати го претставуваше Камерун и е легенда на фудбалот на таа земја. Двапати го освои Африканскиот куп на нации со репрезентацијата.
Поранешниот фудбалер моментално е претседател на Камерунската фудбалска асоцијација (КАФ). Неговиот мандат, благо речено, не беше успешен и честопати беше предмет на разни скандали.
Сега „Мундо Депортиво“ откри уште еден скандал. „Камерунската фудбалска асоцијација се соочува со длабока криза, а обвинувањата би можеле да го уништат нејзиното наследство и да ја загрозат иднината на фудбалот во земјата“.
Новинарите открија дека Етичкиот комитет на ФИФА во Цирих бара привремена суспензија на Ето поради финансиски неправилности. Африканската фудбалска конфедерација исто така поднесе слично барање.
Ето е обвинет за даночна измама во Шпанија, корупција и местење натпревари, наводна проневера на 1,5 милиони долари од пријателски натпревари (Камерун-Мексико, Камерун-Русија, Камерун-Јужна Кореја), суспензија на членот на Извршниот комитет Гуибаи Гатама за замолчување на опозицијата и изборна манипулација.
„Ова не е напад врз Самуел Ето како играч. Неговата фудбалска кариера е недопирлива. Станува збор за спасување на менаџментот на камерунскиот фудбал, така што тој ќе го претставува интегритетот и фер-плејот што тој ги бранеше на теренот. Моја должност е, како адвокат и како Камерунец, да се борам за федерација што им служи на луѓето, играчите и иднината на спортот“, рече адвокатот Емануел Нсалаи.
Ето е во сериозна неволја, а неговата иднина во светот на фудбалот е сериозно доведена во прашање.
Фото/ Принтскрин
Спорт
Детали го делат Елмас од Наполи

Денес е „денот Д“ за трансферот на Елиф Елмас во Наполи, пишуваат италијанските медиуми.
Договорена е позајмица од 2.000.000 евра, потенцијален откуп на договорот на крајот од сезоната од 16.000.000 евра, додека клубовите се уште преговараат за бонусот поврзан со настапите Лигата на шампионите.
Лајпциг се обидува да врати голем дел од инвестицијата (24.000.000) кога го доведоа од Неапол.
Елмас пред 18 месеци се пресели од Наполи во Лајпциг. Првиот дел од минатата сезона одигра само 44 минути за Лајпциг, по што се пресели на позајмица во Торино, каде што играше добри и постигна четири гола.
Македонскиот репрезентативец, во сезоната 2022/2023 беше дел од генерацијата која по 30 години ја врати титулата во Неапол.
Foto/ EPA