Иако има само 21 година, словенечкиот кошаркарски репрезентативец со српски корени, Лука Дончиќ стекна светска популарност.

Во САД се споделува приказната на американскиот писател и музичар, Колин Кејбл кој тврди дека Дончиќ му го спасил животот.

Приказната на Кејбл која се споделува на социјалните мрежи започнала во октомври 2018 година, неколку недели пред Дончиќ да ја започне својата НБА авантура со Далас Маверикс.

Кејбл во тоа време живеел во Бруклин, а во тој период починал неговиот брат, па одлучил да се врати во Далас за да и биде поддршка на фамилијата.

„Кога Дирк Нвицки беше драфтуван, јас имав 12, а мојот брат 15 години. Кога Дирк го играше последниот НБА меч во 2019 година, имав 32 години, а мојот брат беше мртов. Кога на брат ми коктел различни дроги му го земаа животот, веќе не сакав лекови, почнав да се плашам“ напишал Кејбл.

Следните половина година тој ги помина воглавно меѓу 4 ѕида, па почнал да има проблем со вишокот килограми и со движењето.

„Бев парализиран од тага, несигурен поради престанокот со земање на седативи. Се здебелив преку 20 килограми, имав 32 години и бев сам, трезен, но поразен, жив, но само во биолошка смисла. Веќе ништо не беше важно, и тогаш дојде Лука“ – се вели во текстот на Кејбл.

Дончиќ првпат во НБА лигата заигра една недела по смртта на братот на Кејбл, Далас загубија, а тогаш 19-годишниот Дончиќ имаше ефект од 10 поени, 8 скока и 4 асистенции.

„Еден од последните разговори со брат ми беше набрзо откако Маверикси потпишаа со Дончиќ. И брат ми и јас тогаш бевме воодушевени. Никој од нас не знаеше дека тоа ќе е последната работа на која заеднички ќе се воодушевуваме“ – вели тој.

Младиот човек кој полека но сигурно се излекувал од зависноста го следел секој меч на Дончиќ.

„Начинот на кој игра беше речиси терапевтски“ – смета Кејбл кој 2 години живее без никакви опијати.

„Мојата крв е чиста и умот ми е чист. Почнав да ги поправам врските кои ги уништив поради зависноста. Без помошта на словенечкиот тинејџер, кого веројатно никогаш нема да го запознаам, денес не би бил жив. Кога надежта стана недостижна, Лука секоја вечер на паркетот докажуваше дека е вредно да се бориш за неа“ – пишува Американецот.

Британскиот Формула 1 возач Луис Хамилтон ита кон новата титула во „летечкиот циркуз“, а на дофат му е и постигнувањето на легендарниот Михаел Шумахер по бројот на шампионски титули.

Неговиот договор со тимот на Мерцедес истекува на крајот на сезоната, па откако се појави низа шпекулации за неговата иднина, се чини дека сега работите се избиструваат.

Реномираниот „Дејли Мејл“ пишува дека Луис Хамилтон веќе постигнал првичен договор со Мерцедес за да ја продолжат соработката за најмалку уште три сезони.

Вртоглава е сумата која се појавува како информација, а која би ја инкасирал актулениот Ф1 шампион. Наводно, тој би заработувал по 40 милиони фунти по сезона.

Британецот не го криеше задоволството од можноста да остане во Мерцедес, тимот во кој е неприкосновен изминатите години.

Тој денеска од пол-позицијата ќе стартува на тркат во Сочи и со триумф ќе го израмни рекордот на Шумахер од 91 победа на трките во Формула 1.

Вечерва од 21 часот, на „Ноу Камп“ шпанскиот вицешампион Барселона против Вилјареал ја започнува новата сезона во Серија А.

Актуелниот тренер на Каталонците, Роналд Куман ќе биде 60-тиот кормилар во историјата на клубот.

Куман е петтиот Холанѓанец на клупата на Барса, Првиот бил Ринус Михелс, а потоа дојде ерата на Јохан Кројф, од 1988 до 1996 година. По него на клупата беше и Луј ван Гал, па Гранк Рајкард.

Иако Барселона од седумдесетите години на минатиот век има „холандски печат“, најбројните странски тренери биле оние од Англија, дури 10.

На клупата на трофејниот клуб седеле четворица Аргентинци, тројца Унгарци и двајца Срби (Радомир Антиќ и Љубиша Брочиќ кој бил кормилар 1960/61).

Меѓу тренерите имаше и 27 Шпанци, најуспешен со 14 трофеи е Пеп Гвардиола. Тој од 2018 до 2012-та на 247 меча со Барса има процент на победи 72,47.

Најдолго на клупата на Барса се задржал Кројф, на 430 меча, па следуваат Михелс со 371 и Рајкард со 273 меча.

Останува да се види како Куман ќе се снајде на оваа позиција.