Ватерполо репрезентација на Унгарија стана третиот полуфиналист на Европското првенство, кое се одржува во Белград. Унгарците го победија бранителот на титулата, Шпанија 15:14 (по изведувањето пенали) во директен дуел за второто место во Групата Е.

Акос Наѓ беше најефикасен за Унгарците со три гола, додека Серхи Кабањас постигна четири гола за Шпанците. Натпреварот беше изедначен до самиот крај, иако Унгарија беше во водство во поголемиот дел, водејќи во два наврати со предност од два гола (3:1 во првата четвртина и 7:5 во третата четвртина).

Унгарија беше на дофат на победата дури и пред изведувањето на пеналите, бидејќи водеше со 11:10 33 секунди пред истекот на времето и ја имаше топката во посед.

Сепак, Унгарците, не реализираа им оставија седум секунди за напад на Шпанците, што Кабањас го искористи за израмнување.

Унгарскиот голман Вогел одбрани два удари, а Шпанецот Агире еден. Стрелец на победничкиот гол беше Фекете.

Унгарија го заврши натпреварувањето во групата како втора, зад Србија, која загуби со 15:13 од Црна Гора во натпревар кој не им значеше ништо на Србите.

Шрвата полуфинална двојка ја формираа Унгарија и Грцијаа, која го обезбеди првото место во Групата Ф и пред натпреварот од последното коло. Во второто полуфинале ќе играат Србија и победникот од натпреварот меѓу Хрватска и Италија, закажан за среда во 18:00 часот.

Полуфиналните натпревари на програмата се во петок.

Foto/ EPA

Фудбалерите на Арсенал го победија Интер, со 3:1 во дербито на вечерта, во претпоследното коло од групната фаза на Лигата на шампионите.

Арсенал неочекувано убедливо победи на гостински терен во Милано и ја потврди својата феноменална форма, а сега има 7 победи во 7 натпревари.

Ова беше трет пораз на Интер по ред по серијата од четири победи на почетокот на сезоната. Интер загуби од Атлетико во Мадрид и од Ливерпул и Арсенал во Милано.

Три од четири гола беа постигнати во првото полувреме.

Габриел Жежус, доби шанса пред Виктор Ѓокереш и му се заблагодари на довербата на менаџерот Артета со два гола. Бразилецот ја погоди мрежата двапати за гостите од Лондон, во 10-тата и 31-вата минута, додека хрватскиот интернационалец Петар Сучиќ беше стрелец за домаќините, кога изедначи на 1:1.

Навивачите на Интер се надеваа до самиот крај, но Ѓокереш стави крај во 84-та минута.

Во последното коло од групната фаза на ЛШ, Интер гостува вој Дортмунд на 28 јануари, додека Арсенал го пречекува последнопласираниот Каират истиот ден.

Наполи во Копенхаген од 26-та минута играше со играч повеќе и не успеа да победи. Елиф Елмас му асистираше на Скот Мектоминеј во 38-та минута за водство на Наполитанците.

Изедначи Ларсон во 72-та минута, откако голманот Милинковиќ-Савиќ го одбрани неговиот пенал, топката му се врати и ја смести во празната мрежа.

Елмас играше до 80-та минута, кога на неговото место влезе Лука.

Европскиот првак ПСЖ не успеа да победи во Лисабон. Луис Суарез ги урна „свеците“. Колумбиецот вториот гол го постигна во 91-та минута.

Резултати:

Каират – Клуб Бриж 1:4 (0:2)
/Садибеков 90+2 – Станковиќ 32, Ванакен 38, Вермант 74, Мехеле 84/

Боде Глимт – Манчестер Сити 3:1 (2:0)
/Хег 22, 24, Хауге 58 – Шерки 60/

Тотенхем – Дортмунд 2:0 (2:0)
/Ромеро 14, Соланке 37/

Виљареал – Ајакс 1:2 (0:0)
/Олувасеји 49 – Глух 61, Едвардсен 90/

Олимпијакос – Баер Леверкузен (2:0)
/Коштиња 2, Тареми 45+1/

Спортинг – ПСЖ 2:1 (0:0)
/Суарез 74, 90 – Кварацхелија 79/

Интер – Арсенал 1:3 (1:2)
/Сучиќ 18 – Жезус 10, 31, Ѓокереш 84/

Реал Мадрид – Монако 6:1 (2:0)
/Ембапе 5, 26, Мастантуоно 51, Керер 55аг, Винисиус 63, Белингем 80 – Тесе 72/

Копенхаген – Наполи 1:1 (0:1)
/Ларсон 72 – Мектомини 39/

Foto/ EPA

Португалија ја победи Данска со 31:29 (12:11) и го освои прворо место во Б групата. Во следната фаза Португалија носи два бода, Данска во новата група, во која се Франција, Норвешка, Германија и Шпанија ќе влезе без бодови.

Португалците, во Хернинг, одиграа нестварен натпревар, не подлегнаа на притисокот, ниту во моментите кога Днаците во второто полувреме неколку пати имаа предност од два гола.

Данците едноставно немаа решение за браќата Кико и Мартин Кошта, двајцата постигнаа по девет гола. Херој од сенка е десното крило Ареја, кој постигна два гола во самиот финиш, двата од тешки позиции и голманот Капдевил кој одбрани зицер, на две минути пред крајот.

Данците не може повеќе бидејќи имаа само еден расположен играч, Матијас Гидсел (осум гола), најблиску до него беше Расмус Лауге со четири.

Foto/ EPA