Спорт
Мурињо: Нема успех ако им угодуваш на своите фудбалери
Жозе Мурињо вели дека успехот во фудбалот како менаџер не зависи само од позитивните односи меѓу тренерот и фудбалерите, посочувајќи ги финалистите на Лигата на шампионите, Тотенхем и Ливерпул како тимови каде што има „совршен баланс“.
Мурињо претходно ги испофали Јирген Клоп и Маурисио Почетино за успехот по кам-бек победите во полуфиналињата, и вели дека „колективниот дух“ кои тие го направиле во тимовите носи победи.
„Финалистите, а можеби и Ајакс совршено покажуваат дека се во право луѓето кои велат дека ниту еден фудбалер не е поважен од клубот, и тие кои велат дека за некои работи во фудбалот нема разговори. Емпатијата, солидарноста, несебичноста…“, оценува Мурињо.
Тој додава дека харизмата и добрите односи со фудбалерите не ти носат успех во спортот.
„Во големите клубови секогаш има работна етика. Понекогаш си велите: ’Ох, тој менаџер е добар човек, има добри односи со фудбалерите и тие го сакаат’. Но, тоа трае само неколку месеци. Потоа, потребен ти е тренер кој ќе биде лидер и кој ќе има структура зад него“, вели Мурињо.
Ова дефинитивно потсетува на ситуацијата во неговиот поранешен клуб Манчестер јунајтед, каде што откако го замени Оле Гунар Солскјер имаше позитивни резултати, пред да има катастрофален пад на формата. Мурињо постојано тврдеше дека му е потребна поддршка во Јунајтед, каде што влезе во голем конфликт со првата ѕвезда на тимот, Пол Погба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Спектакуларен пресврт на Брајтон против Тотенхем од -:2 до 3:2
Фудбалерите на Брајтон со спектакуларен пресврт славе победа над Тотенхем во 7.коло во Премиер лигата. „Галебите“ губеа на полувреме со 0:2, на крајот славеа победа со 3:2.
Како што покажа резултатото првиот дел апсолутно им припадна на фудбалерите на Тотенхем. Постигнаа два гола преку Џонсон во 23. и Медисон во 37.минута.
Домашните се разбудја во вториот дел и за само 18 минути направиа целосен пресврт. Резултатото го намали Минтех во 48., изедначи Рутер во 58, а целосен пресврт направи Велбек во 66.минута.
Брајтон се шести на табелата со 12 поени, Тотенхем имаат два бода помалку и се на деветтото место.
Спорт
(Видео) Ајнтрахт во 94.минута освои бод против Баерн
Фудбалерите на Ајнтрахт Франкфурт одиграа нерешено со Баерн Минхен во 6. коло од Бундес лигата.
Франкфурт и Баерн натпреварот од 6. коло го завршија со резултат 3:3, а домаќинот имаше повеќе причини да го слават нерешениот резултат.
Израмнија во 94. минута од натпреварот, кога Мармуш го постигна својот втор гол на натпреварот.
Баварците во 15. минута преку Ким дојде до предност, а само седум минути подоцна одговори Ајнтрахт. кога Мармуш го постигна својот прв гол.
Потоа Мармуш му асистираше на Етиките, кој во 35. минута погоди за водство на Ајнтрахт од 2:1. До крајот на полувремето Упамекано. израмни.
Во продолжение Баерн направи пшресврт и по вторпат поведе. Тоа се случи откако Олисе ја затресе мрежата на Ајнтрахт во 53. минута од натпреварот.
До 94. минута Баерн имаше предност и одеше на победа, а потоа на сцена стапи Мармуш кој го растажи Баерн Минхен.
Спорт
(Видео) Јуанјтед ја продолжи лошата низа, Челси избегна пораз од „шумарите“
Попладневната сесија во Премиер лигата донесе два нерешени резултати. Челси и Нотингем Форест ремисираа 1:1, а без голови заврѓи натпреварот Астон Вила-Манчестер јунајтед.
По првото полувреме немаше голови на „Стенфорд Бриџ“, по само пет минути игра во второто полувреме гостите поведиа со голот на Крис Ву.
Водството на „шумарите“ траеше само седум минути, кога израмни Мадуеке по додавањето од Палмер.
На крајот, избраниците на Нуно Еспирито Сантос беа задоволни од освоениот бод бидејќи играа со играч помалку откако Џејмс-Вард Проуз беше исклучен во 78. минута.
Ремито ја прекина серијата на Челзи од три последователни победи.
Манчестер јунајтед ја продолжи слабата серија во првенството и воопшто од почетокот на сезоната. „Црвените ѓаволи“ одиграа 0:0 во Бирмингем кај Астон Вила.
По седум одиграни натпревари, избраниците на Ерик тен Хаг имаат само осум бодови и остануваат на 14. место. На последните пет натпревари, во сите натпреварувања, Манчестер јунајтед има четири нерешени и еден пораз.